暢和麵家 (已結業)

因為知道這裏的藥膳醉雞鍋很出名，所以專登去試。誰知豬雜才是最好吃。先講醉雞鍋，有當歸北芪川芎紅棗圓肉，仲有幾件醉雞件，份量係十足，味道亦都清甜，但「藥膳」的話就唔夠藥材味，「醉雞」的話又唔夠酒味，有點失望。反而豬雜河有驚喜。乾淨、新鮮、無異味，有口感，沒有滷水汁搶味。尤其愛那豬心和豬大腸。下次想試豬雜蝦籽撈麵。暢和還有另一樣出名的正宗古法純豬肉雲吞，不加蝦肉，細細粒。感覺是不過不失，優點是皮薄；餡料無蝦肉無問題，反而有豬肉鮮味，可惜其中有幾粒都有筋，所以扣咗分。

第二次去當然繼續試啲平時少食嘅嘢 - 黨參當歸北芪川芎淮山杞子圓肉紅棗醉雞麵 $60勁到冇嘢講 - 足料超濃藥材同鷄味嘅湯, 加埋七八件仲幾滑嘅雞, 呢個價超抵.唯一要留意嘅係閣下嘅體質係咪頂得住, 我熱底, 飲兩啖湯已經口慶鼻慶, 食完之後膊頭發熱, 急急去7仔啪罐喜力下火.經過嗰頭一定會再幫襯.

我同朋友一人叫左一個藥膳醉雞鍋，無加飯/麵，即係得雞肉同埋雞湯，以女仔嘅食量黎講好夠飽！個雞湯好清，同埋唔會好油，飲落去有好出嘅當歸同埋川芎味，一鍋湯入面有7-8舊雞嫁，d 雞又唔會話煲到霉左好鞋咁，好足料好好味😋奉勸唔飲得酒嘅朋友食呢個雞鍋前諗清楚，因為食完個人成身熱晒，我朋友食到醉左，塊面紅晒仲wing wing地😂 但真係堅正，冬天想補一補/ 女士想驅寒都正呀除左呢個醉雞鍋，舖頭仲有醉雞單點，亦可配飯。另外都有粉麵。

//#黃店地圖系列間野叫：暢和麵家邊度黎：西環石塘咀山道35號兆禧閣D舖 (另有大埔分店)環境點：環境舒適 牆上貼左不同訪問報導 🌝：參與罷市 「黃親国斥」計劃 定期捐款給傳媒或翻鬆中運動組織 大埔分店播《鏗鏘集》元朗黑夜喚醒街坊 並曾免費派飯▪藥膳醉雞鍋(配飯/粉麵) $52(+$8)8.5分唔知是咪西環分店限定 openrice唔見大埔分店menu有呢味 呢煲藥膳醉雞個湯底簡直係超班 藥膳嘅甘苦同醉雞嘅鮮甜完美融合 兩者昇華去水乳交融之境 不能割捨 好想飲曬佢 又驚補得濟 配埋白飯更加係欲拒還迎 雞件唔多 但係重點係零雪味 唔會鞋口 一定要試▪蒜香辣木耳 $189分木耳冷盤看似簡單 實質內有乾坤 調味完美平衡 重酸少辣 再加上蒜蓉嘅惹味 木耳又爽口掛汁 基本上食五碟都不在話下