炊豕店 (加路連山道) (已結業)

今日去開銅鑼灣南華會附近，知道有條街有好多餐廳，就特意去覓食啦經過見到炊豕店，心諗呢間餐廳個名咁熟嘅，原來係之前聽朋友介紹過，一直以為係貴價日本餐廳，所以久久無去試，今次經過門口，得知餐廳價位大約$60一個飯，決意同朋友排隊一試！人龍大約有10人，等咗10分鐘左右，好快就有位入得去了！入到去先知唔係日本餐廳，原來係主打懷舊嘅本地餐廳，鋪頭比較細，座位亦比較逼，不過勝在人流去得快我同朋友一行二人叫咗signature嘅葱油豬扒粗麵，肉燥汁豬扒飯，一個小食芝麻雞翼，同埋蘋果汁，2個人都只係$160！呢個葱油豬扒粗麵嘅葱油真係可以用海量來形容豬扒又超級大份，細食嘅女士絕對食唔曬！豬扒炸粉好薄身，又炸得好脆身，就算攤咗一陣先食都唔會淋！值得一讚嘅係飯係珍珠米，煙韌有咬口，一啲都唔馬虎對比起豬扒嘅份量，芝麻雞翼就顯得比較細隻，果然係小食！

好耐無食呢間lu~~~因為朋友未試過，所以就推介佢黎一齊食☺️一到門口就見到有4個人排緊隊，不過唔洗好耐就到我地啦🤗之前食過佢既豬扒，印象深刻，因為真係好脆好好味所以今次照樣叫返秘製豬扒！！朋友都跟我試下呢間既招牌豬扒。睇相就知道塊豬扒有幾脆🤤🤤🤤新鮮炸起熱辣辣！正！！佢既炸皮超脆，入面塊豬扒又嫩，外脆內軟💕💕💕配埋炸蒜同豬燥，撈麵一流👍🏼👍🏼👍🏼我地仲叫左碟海蜇，純粹過下口癮，味道正常，似螺肉壽司個隻味。加餐配埋蘋果汁🍹好滿足☺️豬扒同之前一樣咁脆咁好味，不過炸野都係熱氣🙈小吃多滋味啦～～

今日同朋友難得過海，試下呢間係openrice有好多好評既餐廳。夜晚七點幾，餐廳出面已經要排隊。等左約15分鐘就有得入，坐吧枱個邊。店員好細心咁話下面有個勾，可以掛袋唔洗食野時阻住。餐廳主要食豬扒，有唔同款式既豬扒。黃金鹹蛋燕麥豬扒撈粗麵有好多鹹蛋醬，再灑埋燕麥，邪惡之餘又健康返少少。個麵撈埋炸蒜，好有口感。秘製豬扒撈粗麵(肉燥汁)豬扒好脆好大塊，除左炸蒜，比黃金鹹蛋燕麥豬扒撈粗麵多左個肉燥。好多時撈粗都會過鹹，但呢個冇，配埋咁多料好好食。跟餐可以加蘋果汁。開放式廚房既好處就係可以睇住廚師煮野食，等食客可以放心。廚師有用手套，而且會分工好合拍。呢度就係有黃金鹹蛋同肉燥醬，仲見到好似好好味既豬軟骨。碗筷同汽水都一見睇晒。最搞笑係職員背後都寫住呢句"我們都是食豬大的"

店子小小 空間不大 比較迫窄睇個店名已經知道佢係主打豬呢度嘅客人應該十個都有八個係點豬扒飯我地當然都有叫一個秘製豬扒飯(肉燥汁) $52最正嘅食法梗係要加埋炒滑蛋不過要額外加多 $10另外一碗叫咗肉燥滷蛋撈粗麵 $48加厚午餐肉 $10豬扒飯配炒滑蛋真係好好味豬扒炸得唔厚粉唔會over外脆內軟 而且幾足料大大塊 口感好好不過肉燥滷蛋撈粗麵就麻麻地肉燥其實係魯肉碎所以啲肉比較肥而且呢一款好鹹 同撈粗麵唔係好夾但塊厚午餐肉好正所以建議大家都係食佢嘅豬扒飯會比較好炸芝麻雞翼加左辣非常正香口惹味兩隻$26就貴左D飲品加左 $6 配蘋果汁係支裝嘅蘋果汁 外國貨也不錯環境氣氛： ★★★★☆食物質素： ★★★☆☆服務態度： ★★★☆☆