上海廳1930 (已結業)

#蘋果蒜泥冷麵 （$45）Fusion上海菜？從來都冇諗過蘋果同蒜泥可以一切煮，味道出乎意料嘅夾，酸甜的蘋果汁、同蒜嘅嘅味手結合，配合手打上海拉麵，每一條拉麵嘅粗幼度一樣、面身偏圓、好有咬口，夏天食呢啲酸酸甜甜的食物令人胃口大開#素小籠包 （$35）提供素食嘅上海菜餐廳，有一個素食Menu ,第一項就係素小籠包，好期待咁叫左一籠開心share，原來佢係小籠包樣嘅「素餃」，內涵同味道完全一樣，只係多左少少冇咩味嘅湯汁，　試下當見識下啦，冇咩特別都唔會有下次XD

第一次去呢間上海廳係路過要搵餐廳食飯，見呢間感覺幾開揚姑且入去試下，無乜特別期望，點知食過返尋味，回頭幫襯左幾次。坦白講一般小籠包生煎包燸米燒賣只係中規中舉，但真心覺得以下幾樣野值得推介：另外因為餐廳係半開放式設計，感覺開揚，檯與檯之間有足夠空間，適合三五知己聚餐暢談。稍為扣分的是飲品選擇較少，但相比起傳統上海鋪，what do you expect?

近來才知道上海廳原來是上海婆婆系列的其中之一，上海婆婆以上海菜為主，而上海廳亦是賣上海菜，到底有什麼分別呢? 今天便來試試。上海廳喺黃大仙中心地下，半開放式設計感覺較開揚，門口仲有一架人力車，增添了懷舊風格。牆上的壁畫色彩繽紛，富有中國味道。菜單好多選擇，中菜上海菜樣樣都有。雞絲水晶粉皮 58雞絲整得幼細，麻醬夠多夠濃，撈勻粉皮之後，越食越醒胃。上海小籠包 $32真正皮薄餡靚，從表面已經可以隱約見到入面水汪汪。夾起小龍包要小心翼翼，避免中間既精華流走。先輕輕咬破表皮，再嚐嚐中間既湯，非常鮮味。之後再加少許醋吃小龍包，內裡既豬肉又多又腍。蘋果蒜泥冷麵 $45初時見到上面一粒粒，有少少擔心蒜味太強烈，撈勻之後發現其實蒜味只佔好少，反而蘋果味濃，有少少似蘋果汁撈麵。不過咁樣既食法感覺健康又輕怡，好似食緊個冷盤。紅袍辣子雞 $72雞肉較多骨，但雞炸得好香口，加上惹味既辣椒同埋蔥，非常開胃，餸飯一流！酸辣湯雲呑 $48辣味適中，湯唔會太杰。湯裡面材料豐富，仲有六粒雲吞，相信就咁叫六粒雲吞都要相當既價錢，而家仲要有埋酸辣湯，真係抵食之選。茶芥 $4位，係由服務員加茶，都幾好飲。最後結論，唔知佢同上