茶餐廳2.0 (已結業)

今晚和朋友在荃灣吃晚飯，剛好在愉景新城就想在附近找餐廳，記起之前朋友介紹過這家茶餐廳2.0，就來試試水準。餐廳裝飾的懷舊香港作為主題，有不少香港的特色設計，位置空間感足夠，可以舒舒服服地傾計，但記得一點到，因為平日晚上亦接近全院滿位。餐牌選擇十分之多，有各種港式小菜、常餐等，亦有意大利飯、石鍋飯、鐵板餐等，還有主打不同的雞蛋仔甜品。餐湯單點餐牌可以加$10轉套餐，有餐湯及餐飲，是日中湯是青紅蘿蔔煲豬骨，一呷鮮香十足，喝一口馬上感到潤燥滋補，真材實料絕無味精。澳洲T骨扒鐵板熱辣辣的上枱，T骨扒份量驚人，兩側一邊是肉眼一邊是西冷，既可以嘗到肉眼扒的鮮嫩又可以感受到西冷的肉香，牛扒一咬有豐腴肉汁及濃厚肉味，配以惹味的黑椒汁，十分相襯。德國咸豬手德國咸豬手同時份量十足，原隻豬手預先切好，方便食用，外層表皮極度酥脆，內裡肉嫩多汁，味道咸香不膩，更用心的配上德國酸菜，可以伴以豬手同吃。跟餐飲品餐飲叫了凍奶茶，茶底甘香，味道濃滑，有水準。蘋果金寶雞蛋仔最後叫了一客主打的雞蛋仔甜品，雞蛋仔即叫即做，所以絕對新鮮熱辣，外脆內軟，加上蘋果香甜爽口，每一口都有口感味道不同的驚喜。

去完Ikea買野已經好肚餓, 行去就近既愉景新城搵食, 愉景新城咁大第一時間睇水牌, 食街就喺天橋嗰層入口向右行就係, 見到"茶餐廳2.0"就睇下佢有幾"2.0"😂😂😂新式茶餐廳當然都有常餐, 兒童餐, 港式扒餐, 石窩系列都好吸引, 下次想試下個"2.0叉燒煎蛋飯"。 🔸扇貝大蝦意大利飯🔸 ⭐⭐⭐⭐石窩會燒熱咗先上枱, 就算過咗一段時間都仲係好熱, 而且仲會有少少香口飯焦, 醬汁係好濃郁既龍蝦汁, 加埋彈牙大大隻蝦同扇貝當然無得輸。🔸紐西蘭肉眼扒🔸 ⭐⭐⭐⭐原本想食美國安格斯, 可惜咁啱賣哂無得食, 就揀咗紐西蘭肉眼扒。 肉味都好濃, 茶餐廳質素黎講算唔錯👍 配既係粗條脆脆薯條, 我地揀咗蒜蓉汁, 要黎點牛扒或者薯條都好味。🔸蘋果金寶雞蛋仔🔸 ⭐⭐⭐⭐⭐令我地有意外驚喜既甜品, 起初見到茶餐廳有雞蛋仔咁新奇諗住試下, 睇相見到有蘋果金寶已經好吸引, 酸酸甜甜既蘋果蓉配脆雞蛋仔一齊好好味, 絕對推介👍

非一般茶餐廳, 呢到係中西甜品都有! 而且MENU仲有純素系列, 岩曬不同需要的朋友~ 有小朋友仲岩, 有兒童餐!香草醬雜菜意粉 - 純素系列, 賣相已經吸引, 有松子, 不同顏色的瓜, 蕃茄仔等等, 香草味道夠濃!紐西蘭西冷扒 - 西冷扒十分大件, 有1寸厚, 石板夠熱, 薯仔亦係新鮮炸的西冷扒有肉味亦唔韌, 十分抵食!!海南雞飯 - 雞肉夠厚多肉, 可惜只有2個醬汁, 油飯亦中規中矩跟餐的中西湯都好足料, 西湯有大量不同的蔬菜, 中湯真係有豬骨!咖啡亦好好飲!最後一定要食埋甜品 - 蘋果金寶雞蛋仔!雞蛋仔香脆, 仲加埋大量的CREAM, 雪糕及蘋果金寶做TOPPING.每一啖都食到脆脆, 食一份都飽曬!餐廳坐得舒服, 大量卡位, 唔錯!