SEDAP惹味馬拉 (已結業)

行過杯渡果邊先見到有間馬拉菜。好耐無飲肉骨茶的我當然叫左碗一字骨肉骨茶，有三條骨，湯可以無限加添，店員會主動問你加唔加湯的🤤再加的湯唔係淡的，都係一樣味，實左太好了👍🏻仲叫左印度飛餅配香蕉，以為係甜品，但原來都可當做主食，好好味，會令人一塊接一塊咁食🤣仲有個椰漿飯，啲配菜好有風味，脆魚仔係熱的，撈埋啲醬同飯一齊食，好惹味，好快就食曬成個飯。今次叫既野食都好好味，下次再試其他，應該係可encore 的馬拉菜👍🏻

今日收工同屋企人食飯，但係唔齊人，所以我同媽媽兩個去開餐，行到轉角位，見到呢間新開嘅馬拉菜，就試一試佢啦。怡保咖哩海鮮叻沙 $62餐牌話呢個係店內第十名既受歡迎菜式，一向好鍾意食海鮮嘅我當然唔會放過呢個機會啦，佢有魚塊架。麵條方面有兩款嘅，係油麵同米粉黎，幾得意。蘭花椰漿飯配巴東牛肉 $68好治癒既藍色飯，都有微微椰子香味，藍色真係影相特別上鏡呢，旁邊既牛肉都幾香，有特別既香料味道。愛他愛她 $29呢個其實係魚肉，加入左多種不同香料混合而成，仲有葉既清新。馬拉沙嗲羊肉串燒 $44食東南亞菜不可不叫既，一定係串燒，我地叫左個羊串燒，冇乜羊羶味，沙嗲醬都好香濃，香料完全滲入羊肉，好味。拉茶$24 椰糖白咖啡$24飲品方面，我地叫左充滿香料既拉茶，同平時既奶茶完全冇關係，味道好特別，值得一試。媽媽飲既白咖啡都好香濃，離遠都聞到咖啡香啊。menu

馬來西亞位於南洋一帶，在泰國與新加坡之間，其歷史演進令其文化變得多元化，亦令馬拉菜也相當多元化，菜式上除了直接沿用其他地區的菜式外，當地的菜式也有其他地區菜式的影子。近幾個月，屯門市廣場開了一間馬拉菜，今日終於有機會一試。 進入店後，店內裝修設計美觀，有不少馬拉的風格，而且燈光充足，環境十分乾淨坐下後，立即打開餐牌；與此同時，後面突然發出"A001"的聲音，原來我們坐下後，便開始叫號了，看看手錶，才剛七點，幸運地早到一刻，不用等位。快快地點了一些食物，因為肚餓，十分期待食物快點來到。不用片刻，來了。巴東牛肉相當入味，但略為偏鹹，但其他配菜新鮮香脆，而椰漿飯濕度適中，不會太乾也不會太沾，而且椰香味厚卻不會帶走飯香味，更重要的還配有蝦味濃厚的辣醬，的確十分惹味。在片刻之間，第二道菜也上桌了印度飛餅到，餅味厚而且十分香口，而且咖哩汁香，飛餅配咖哩又一絕配，而雞腿同樣的入味。頭兩道菜上桌後，第三道菜卻遲遲未到，等了一會，終於也上桌了。四大天王﹗吓，什麼四大天王﹖其實是炒雜菜，四大天王就是豆角、毛茄、茄子和臭豆。此菜火喉不俗，美味可口，但毛茄（即秋葵）選材上可以改善一下，比較偏老，不過也能入口。