安平燒肉

营业中

休息中

幾年前剛開業就已經有幫襯，當時真係多人到怕，不設訂位要一早黎拎籌。事過境遷過咗幾年終於冇咁多人，襯假日中午就來食個午餐放題。好好彩因為我哋早到，唔使等位就有得入座，仲俾咗一個四人枱我哋，兩個人坐得非常鬆動，自然食得都開心食物都好味啲😂。佢嘅質素我覺得比起幾年前係有進步到。呢間嘢嘅賣點係有好多不同嘅台式小食，以前記得好多嘢上枱都係凍嘅，但佢而家有進步，啲嘢仲係熱辣辣，比印象中係進步咗好多。佢依然係有四個Level我哋揀咗Level3，有扇貝同埋虎蝦，牛亦都多咗好多款（例如有安格斯牛小排，美國SRF極黑牛，三角牛肩肉），淨係食呢幾樣都已經夠。虎蝦好大隻燒起上嚟好好肉勁好食。扇貝亦都係勁大隻加埋啲牛油真係香噴噴又啖啖肉，對於鍾意食海鮮嘅我來講，真係啱晒口味，前前後後我食咗十幾隻虎蝦同扇貝😂講返啲牛肉，我覺得最好食係三角牛肩肉同埋安格斯牛小排，又係encore左好多次。肉質鮮甜有牛味，而且都仲好柔嫩，厚薄亦都適中。

聽朋友講呢間安平燒肉唔錯就訂咗平日夜晚嚟試吓晚市係120分鐘任飲任食嘅放題有四種價錢既選擇主要係肉嘅種類唔同今次就揀咗最貴嘅澳洲M5和牛吃到飽除咗任食澳洲M5和牛仲有安格斯牛小排、美國SRF極黑牛等等依個價錢仲包埋任食海鮮包括虎蝦同扇貝呢度係用QR code落單，方便又快捷仲有提供唔同既蔬菜同滷肉飯既自助吧而野飲最特別係有自家製嘅冷泡茶而家讚好佢哋嘅專頁仲送一杯柳橙翠綠餐廳仲額外送左一碟牛舌芯比一般牛舌厚切，食落好有咬口肉類方面個人比較推介安格斯牛小排食落幾有油脂香同嫩滑海鮮就虎蝦比較出色都幾大隻，食落啖啖肉唔腥仲有提供唔少台灣小食鴨舌同燒雞泡魚乾都好出色不過甜品就唔係任食埋單前半個鐘會比你揀有雪糕或者自家製芋圓仙草整體食物質素唔錯而且送菜速度好快，無漏單，抵讚！

唔食飽邊有力氣減？最近我又出動，繼續我嘅愈墮落愈快樂食記！😆​最近我就同幾個大食朋友試牛大人嘅副線「安平燒肉」！介揀咗佢哋嘅「澳洲M5和牛」120分鐘放題套餐！一坐低就瘋狂落order，不消一會就一枱食物，興奮地踏上成豬之路。🐽🐽🐽​▲靚牛、靚豬、海鮮加台式小食，唔食對自己唔住！▲不消一會，牛就變熟！正呀！✦ 澳洲M5和牛套餐 安平燒肉有4款燒肉放題套餐，當中以澳洲M5和牛套餐最高級，除咗會送一客牛舌芯，仲任點澳洲M5和牛、豬肉、雞肉及海鮮等超過50款配料！😍​唔想下下燒肉咁 heavy，套餐仲包一系列台灣地道小吃及夜市小吃，好似甜不辣、墨魚香腸、鹽酥雞、鴨舌、花枝排.....等，選擇多多！​🌟 必點推介1：牛舌芯​每隻牛只有一條牛舌，仲要切淨中間嘅牛舌芯，肉質特別軟腍彈牙、肉味濃郁！😍​我覺得佢嘅質感好似豬頸肉咁爽，但又無豬頸肉咁膩，輕輕灑上玫瑰海鹽，巧巧痴！​🌟 必點推介2：澳洲M5和牛肩胛肉​對比日本和牛，澳洲和牛肉味會濃重啲，呢度肩胛肉都幾爽口，雖未到入口即化嘅程度，但以任食嚟講都好高質！我好鍾意點上玫瑰海鹽及沙茶醬，成件事勁惹味！​🌟 必點推介3：極黑牛霜降牛肉眼呢個都係必食