The Night Market (ELEMENTS圓方) (已結業)

今日黎左elements 食飯～其實一直對elements 既感覺都係無乜野好食，因為d 餐廳都係連鎖，自己又唔係住呢頭，所以好少為左野食而特登過黎反而睇戲就黎唔少～不過今日突然好想食台灣野，除左台灣麵之外都唔知邊度食，所以就過左黎The Night Market 啦～我無影到餐廳入面既環境，但係原來呢間舖又幾大架喎，個舖位好深，行極都仲得得入咁我就被帶住坐梳化～張梳化係舒服既，會坐到人無腰骨個d呢～但係如果食飯就唔係太岩張檯既高度啦ANYWAY唔緊要啦，都係快快手落單，因為肚子餓了～是日晚餐二人份量，我先同同行友人各自叫左一杯珍珠奶茶少甜先！呢枝飲管係用紙做架bor 其實依家d 環保團體成日話唔好用飲管，講真有呢個需要先會有supply 架啫，點解唔可以轉下用紙呢？對於呢枝紙飲管我同同行友人都表示好奇，覺得好surprise （大鄉里）因為好少地方會有紙飲管呀之後上菜既就係大腸蚵仔麵線！呢個係我最想食既台灣野食呀！去親台灣都會瘋狂食呢個，真係好好食呀！不過台灣d 街邊檔先係幾十台幣一碗，d 麵得好少又稀又淋，用隻匙羹都可以食到～呢度都講緊賣幾十蚊港紙一碗，所以都俾返相應既質素，就係d

餐廳面積相當大，裝修都好靚。枱與枱之間的空間十足，坐得舒適。餐牌成本書咁厚，真係影唔晒，又睇唔完。價錢樣樣都唔算太貴，但都係細細碟之主，可以食多幾樣。古早魯肉飯 $56食台灣野一定要食魯肉飯！算是一人份量，唔太大碗，魯肉比較大粒，但唔夠多，如果可以蓋晒成個飯就正！加上魯蛋得半隻，份量真係唔夠！蚵仔大腸麵線 $68麵線好細滑，湯底都做得好地道，大腸同蠔有4-5舊，都算林身，加d蔥香幾好食！不過都係一人份量。金牌鮮肉小籠包 $48小籠包外皮不算最薄，湯汁唔算多，但肉無雪藏味道。蛋香手抓餅 $38真係好有夜市feel既手抓餅，都值得一試！干貝濃湯高山菜 $78干貝有一粒架都! 濃湯個湯底好好濃好傑身，高山菜有5-6條好大棵，個湯幾入味架！珍珠奶茶 $38珍珠有咬口，唔會太甜。雙圓冬瓜茶 $38點左杯熱既暖身，記得少甜。杏仁豆腐 $36杏仁豆腐同期望既唔同，佢既豆腐比較硬身，杏仁味重，唔係食得好慣。焦糖雞蛋布丁 $36甜品黎丹，雞蛋布丁值得一試！做得好creamy，入口有即溶感！讚。OVERALL上菜速度幾快，環境又唔迫又唔趕人走，有人枱可以一班人gathering。

玩完西九嘅活動，幾家人行去圓方搵食，呢間唔使落場，又唔使等位，門面木條砌成食物嘅圖案！幾特別！入內燈光幾暗，坐一張大長方枱，室內嘅桌椅都幾形格！大家各自叫咗想食嘅嘢！夜市酸甜滋味（$38）酸梅同青檸味好夾，味道清新，酸酸甜甜開胃！涼拌脆耳（$52）雲耳爽脆嫩口，撈過啲黑醋汁，酸酸地開胃，可惜微辣，小朋友食唔到！宜蘭三色涼麵（$76）原來台灣人涼麵係落麻醬，火腿、蛋絲、豬肉絲、青瓜絲、紅蘿蔔絲同芽菜，配料好多，扁麵有咬口彈牙！百花炸皮蛋（$88）賣相得意，蝦膠彈牙，比平時見嘅鹹蛋橙黃啲！皮蛋蛋白彈牙，蛋黃沙沙的！味道幾夾！好味！朋友食（唔係樣樣影到）蚵仔大腸麵線（$68）新竹炒米粉（$70）凍檸茶（$32）都係第一次見台灣菜餐廳無珍珠奶茶嘅珍珠！涼拌雲耳問咗店員確定唔辣，點知來到有辣椒嘅（雖然味道微辣）因為有小朋友食，所以問清楚，點知⋯⋯🙄仲有就係三色涼麵我同朋友都有叫，不過朋友走火腿，我就正常，到上枱時我同佢嘅都做錯咗，要再做過，店員聽指示好似唔多清晰！台式食物仲做到特色，味道唔錯，環境又唔錯，但服務真係好亂！帳單係三家人嘅食物！唔係樣樣影到！