好包 (已結業)

好包Haobao其實香港有好多小店都好值得支持，佢哋都好用心經營。今次去咗佐敦呢間小店，佢哋主打無骨雞翼包。lunch time 時間去食去到唔算好多人，店舖好細，堂食位置唔多。每個包都係即叫即整，價錢仲要唔貴，平過岀面食個Burger。如果喺佐敦既朋友仔，lunch唔知食乜可以試下👍🏼

好包喺元朗結業，係元朗嘅一大遺憾，好開心佢開返，雖然唔係喺元朗😢但都心掛掛想出城食🤤新址有少量座位，唔洗好似以前咁熱辣辣企户外食👍🏻飲食記錄：仍然好沉迷佢嘅自製意大利包🥖同埋無骨雞翼餡🤤個包外皮厚實，咬落好鬆軟，好正！雞翼有簡單醃製，唔會食到雪藏味～不過覺得醬汁份量同以前有少少分別，閒談得知店主有聽客人意見微調sauce嘅份量，好貼心💗但口味嘅嘢，其實又好個人🤔所以我已經諗好下次點嗌返元朗version好包🤤🤤🤤蜂蜜無骨雞翼包蜂蜜味略嫌重咗少少🍯雖然餡料除咗雞翼仲有紫洋蔥同沙律菜，但呢啲配搭本應帶嚟嘅清新口味被蜂蜜調味搶咗👉🏻👈🏻下次會試下嗌少少少sauce香蒜椒鹽無骨雞翼包香蒜椒鹽味弱咗好多，反而主要係食到佢地特調類似蛋黃醬嘅汁，食落無以前咁香口～聽店主講有客人反映太少醬，所以將本身搽喺麵包搽喺菜度～下次會試吓嗌多椒鹽少醬，搵返以前嘅感覺～P.S. 原本想打開個包影俾大家睇，但第一個送上嘅蜂蜜無骨雞翼包好juicy, 我又著白色褲又雞手鴨腳，所以建議大家自己去食，搵返你嘅感覺

佐敦無骨雞翼包！最近見到有唔少社交媒體介紹呢間新開嘅小店，主要售賣無骨雞翼包，小店環境比較狹窄，有一張枱企位，街外有張櫈，主要做外賣生意，雞翼包款式得三種，仲有豬腩包同大啡菇包選擇，大約等十分鐘就可以攞到外賣。蜂蜜無骨雞翼包$40- 今天需要一點甜，食物嘅味道十分切合呢個主題，蜜糖雞翼煎得香脆可口，意大利軟包口感鬆軟煙韌，蜜糖滲入麵包裏面，每一口都食到淡淡嘅甜味，三隻蜜糖雞翼醃得入味，比起椒鹽應該冇咁熱氣，平時食雞我都會去皮，今次忍唔住食晒，可想而知呢度雞翼有幾好食，不過雞翼包定價偏高，希望遲啲會出唔同口味吸引顧客。菊花薑蜜$10- 菊花味道比較淡，蜜糖味重啲，有淡淡的薑味，用來解渴都唔錯。

菊花蜜 $18如果買包的話可以用$10換購價去買蜂蜜既飲品 咁今次就揀咗比較清既菊花蜜 飲落都夠凍好涼爽 啱哂係舖頭門口等完野食熱辣辣飲🥵 不過野飲偏甜 如果甜度降低啲會更出色✨評分: 7/10🌟蜂蜜無骨雞翼包 $40呢個包由店舖個時係元朗開到宜家係佐敦重開終於食到 一拎上手熱辣辣 大家打開既時候一定要打平拎 唔係就會漏哂啲蜂蜜出黎了🤧 個包搽咗蜜糖 食落都有啲🍯味 而雞翼都夠多汁同淋身 加上冇骨好方便😆 不過就唔係好食到個蜂蜜味 味道偏淡 整體黎講一般🧐評分: 7/10🌟秘製慢煮豬腩包 $40呢個包同樣好多汁漏哂出黎 而三舊豬腩肉啱啱好就到個包既大小🤣 個包食鬆軟又香口 而且有生菜作餡料 可以解一解油膩感 不過個豬腩就偏韌同乾身 有啲難咬 比想像中冇咁出色🥲評分: 7/10🌟———————————————————————好包 (佐敦)佐敦吳松街131-137號嘉和大廈地下B2號舖

話說好包喺元朗開嗰陣一直都好想試到佢結業都未食到見到近排佢係佐敦重開咗真係即刻要走去試新舖位於佐敦吳松街地方較細 得張立食枱同外面嘅一張bench主打無骨雞翼包啱晒我呢啲懶人🤪另外仲有兩款夾包蜂蜜無骨雞翼包嚟到當然要一試招牌無骨雞翼包🤤當日去嘅時候咁啱有幾張訂單而且又好似唔係太夠人手又係即叫即整 所以都等咗15分鐘左右先有得食🥲個包都幾大自家製意大利拖鞋包搽上牛油煎到好香質感軟熟又唔乾真係好香牛油味中間夾住三隻無骨雞翼偏細隻啲雞翼塗上蜂蜜煎香外皮脆脆帶蜂蜜甜味又唔會覺得太膩 好似食緊燒雞翼咁 仲要係無骨！啖啖肉 外脆內嫩 超爽皮🤪不過可能啲蜂蜜汁太多食到最尾成個包好濕但個包係好食嘅冇令我失望！下次試下椒鹽雞翼先🤤