Pizza Maru (已結業)

呢間人氣店真係超人氣，6:00開始晚市，早十分鐘去到餐廳已經見到有長長人龍等緊！好彩果日有book 定位，如果唔係都唔知要排幾耐喇！一邊食一邊睇到門外都一直有人排隊，咁食物質素到底係點呢？— — — — — — — — — — — — — — — — — — — —【芝加哥薄餅（太陽蕃茄芝加哥）】$183👍🏻呢個pizza 主要材料係芝士、蕃茄、辣肉腸。Double cheese 真係好正🤩 切開佢有拉絲嘅效果，揀左呢個蕃茄口味，正好中和到芝士嘅漏，重有d蕃茄嘅清新，不過辣肉腸如果可以多d就好喇！— — — — — — — — — — — — — — — — — — — —【蜂蜜蒜泥炸雞】$123/6件 👍🏻呢個炸雞真係冇得輸，完全係韓國嘅感覺，外層一粒粒嘅炸粉，咬落去好脆，內裡嘅雞肉又多汁嫩滑，個醬都好好味，蜂蜜嘅甜加上蒜泥嘅香，岩岩好，唔會太蒜，呢個都好推介！— — — — — — — — — — — — — — — — — — — —Drinks 🍹:圖中三杯飲品睇落一樣樣，但其實係三種不同口味的Iced Tea😂 我忘記左個名同價錢，味道係正常！— — — — — — — —

又食韓國野喇😆😆 今次去咗主打西韓fusion菜式嘅Pizza Maru😋🍕 泡 菜 海 灣 芝 加 哥 —成日見佢啲拉絲芝士pizza相勁吸引😳 所以二話說就叫咗佢地最受歡迎嘅芝加哥系列 上面有蟹棒、蝦、栗米等配料 原本以為泡菜係其中一樣toppings 點知原來係泡菜蛋黃醬…而且泡菜味被蓋過 完全食唔出有泡菜味😅😅 批邊係蜜糖杏仁邊 入面塞滿邢惡嘅芝士 pizza質感軟糯煙韌 值得一讚😋🍕 群 蟹 派 對 —以試伏心態加咗$32轉做Mocha Cheese批邊 點知勁好食🤩🤩 Mocha配埋芝士嘅鹹香味估唔到呢個組合會夾到🤤 不過呢個pizza就麻麻地 面頭蟹肉份量好少 好在有個批邊幫佢加分🤔🍗 蜂 蜜 蒜 泥 炸 雞 —每件炸雞都沾滿味粉 內裡多汁嫩滑 鹹甜交纏-Finally went to Pizza Maru after seeing how tempting its pics are on instagram! Specialises in Korean fusion dishes, its pizza is one of its must-eat items. If y

星期五夜晚6點幾已經開始多人排隊，入座起限時90分鐘 經典綠茶薄餅系列—芝心maru大哥 （$133）貪新奇諗住試下綠茶薄餅係咩味，薄餅正正常常無咩特別，完全無綠茶味 薯角炭燒雞肉芝加哥（蜜糖杏仁邊）（$189）芝士控必叫尼個系列，厚底薄餅包住芝士，邊邊有啲杏仁片同糖霜爆多芝士，中間全部都係芝士！！ 蜂蜜蒜泥炸雞（$198）蒜泥醬唔辣唔會濃到蓋過其他味，同蜜糖好夾，炸雞好酥脆，唔多炸粉 蜜糖忌廉炸薯條（$76）平時通常用酸忌廉，尼間幾特別用甜忌廉薯條好長好大條，脆脆地多薯蓉都幾飽滿

呢間pizza食過一次真係番唔到轉頭😭💓唔只內餡有好多選擇 有好多新穎嘅配搭‼️連批邊都相當之特別😍薄餅底係綠茶薄餅💚健康過其他薄餅店嘅pizza👍🏻除左招牌chicago之外 批邊仲有得揀金芝邊 摩卡邊 同埋雙芝邊🧀真係好有gimmick!!!每個pizza都鋪滿餡 賣相相當吸引💯仲要爆晒芝 勁拉絲 啖啖都都係香滑嘅芝士🤤芝士控一定唔好錯過❣️冇得去韓國食 呢間可以過住口癮先🇰🇷-薯角碳燒雞肉芝加哥(蜜糖杏仁邊)🍯呢款pizza應該算係呢到嘅招牌❣️個批邊冇得揀黎轉 得兩款pizza係配呢個😍批邊好厚 入面包住海量嘅mozzarella同埋cream cheese🧀勁拉絲🤤最特別係面頭鋪左好多杏仁片 脆脆地🤤再加埋蜜糖同埋糖霜🤩連埋芝士一齊食 甜甜鹹鹹真係好正💓淨係食批邊已經好滿足🤣加薯角落去pizza到真係好特別🥔薯角焗到好脆身！啲雞肉唔會話燒到好乾😋全部配料都好夾 好出色🥰-泡菜海灣 +金芝邊🍠🧀金芝邊用左蕃薯mousse同埋兩款芝士整😍除左香濃嘅芝士味 仲多左份蕃薯嘅甜味💓好特別 味道仲好夾🤤食落口感好綿密幼滑好Creamy‼️外層仲焗到脆脆地🤩口感好豐富😚pizza有鮮蝦 蟹柳 菠蘿

最近韓國菜式好多時主打重口味菜式，其中炸雞同意粉等都好受歡迎，上面加上芝士同韓式辣粉辣醬非常惹味。今次我同屋企人就出到去尖沙咀Pizza Maru食一餐豐富既炸雞同pizza啦。一開始叫左個蜜糖柚子花園沙律，柚子醬清甜加上蔬菜都好開胃，可惜我地估計佢係預先整好既，所以啲醬有啲雪得好實同埋上面啲nuts都唔名脆變得。下一道菜係漁夫蕃茄薈海鮮，蕃茄汁唔會太酸，海鮮都爽口新鮮，籃青口食落都鮮甜，唔會太大海水味同肉質彈牙，仲有蝦、帶子同魷魚，材料豐富。重點原來係佢個包到，望落以為係好薄好脆咁，食落先知佢中間有厚度有種煙靱口感係中間，點埋蕃茄汁食係好好味。跟著要介紹主菜之一炸雞，蜂蜜蒜泥炸雞，蜂蜜蒜泥醬煮到剛好，唔會太重口味，同時炸雞充滿肉汁，雞胸都一樣好滑，可能因為我鍾意食炸雞所以十分推薦呢道菜。下兩味係意粉，分別一個夏日精選菜單中三文魚菠菜忌廉意粉同埋帶子泡菜卡邦尼。三文魚菠菜忌廉意粉既醬味比較清淡，同時見到唔會好油，有時係出面食意粉啲醬汁會好油膩，呢到冇呢個問題，醬汁幾切合夏日感覺。另一個帶子泡菜卡邦尼幾有驚喜，加入韓國元素既卡邦尼食落唔會太辣又唔會太杰撻撻，意粉口感彈牙，醬汁掛麵好均勻👍

一講食pizza，小編第一時間便會諗起「Pizza Maru」， 回想返第一次食「Pizza Maru」就係銅鑼灣希慎廣場， 嗰陣從來都冇諗過韓國餐廳嘅Pizza竟然可以咁好食， 仲食左咁多年，😂 「Pizza Maru」都係我食Pizza嘅首選！😏 我之前係午飯時間都去過銅鑼灣希慎廣場分店食過lunch， 不過佢無提供特別嘅lunch set， 但原來尖沙咀分店有喎！😯 由星期一至五12:00-14:30提供。 Lunch set有pizza、意大利麵、意大利飯、焗飯， 由$79起， 每個餐都奉送是日精選三色小菜， 加$20仲有餐湯或飲品， 四人同行，一人免費！ 開team lunch就最啱啦！😏 是日精選三色小菜有芽菜、醃蓮藕片， 和比較有特色嘅炸蛋泡菜，酸酸甜甜，幾開胃！ 松露雜菌薄餅（$118） 有9吋之大，可分成8片， 兩個人share食一個餐都仲得！ Pizza係薄脆形，烤得香脆可口， 加上大量芝士，有少許拉絲感， 不過如果雜菌多d就好！😂 自家製冰茶雖然無得揀flavour， 但幾refreshing，幾解膩

係銅鑼灣希慎廣場食過無限次嘅「Pizza Maru」，😂 知道係尖沙咀美麗華廣場開左分店， 梗係要黎捧下場啦！☺️ 店舖裝潢依舊走輕工業風， 與色彩繽紛🌈嘅牆壁形成強烈對比， 一面牆投射着K-pop MV， 令店舖內外都充滿着韓國氣氛！🇰🇷 食物方面，Pizza Maru 走的是西韓Fusion風， Pizza係主打，批底款式更是獨一無二。😯 除了招牌獨家的綠茶批底外， 仲有以激多芝士🧀為賣點嘅芝加哥批， 當然少不了韓國菜必吃嘅炸雞啦！ 另外還有薯條、韓式意粉、小食等， 款式多得讓人花多眼亂，👀款款都想試下。 身為芝士迷嘅梗係要食芝加哥批😆！ 另外仲叫左客炸雞就夠晒飽啦～☺️ 見韓式海陸又有肉又有蘑菇和不常見配料—薯角，就打算試試看！😆 泡菜海灣芝加哥 Kimchi Bay Chicago（Regular 9''）（$189） 以黑米及多種穀物製成嘅薄餅底，口感香軟微脆， 加入雙倍mozzarella cheese、芝士條和忌廉芝士慕絲，「芝」味十足！又超拉絲，好邪惡呀！😋 批邊塗上蜜糖，灑上杏仁，甜中帶脆，有多重口感呢！😌 加上材料十分豐富， 有鮮蝦、蟹肉棒、蘑菇、

之前喺銅鑼灣食過一次, 覺得個炸雞好香脆好juicy, 同埋Pizza芝士超級多。今次去到尖沙咀店, 七點半已經差唔多滿座, 都係叫咗pizza同埋炸雞。炸雞等左15分鐘就上枱, 都係熱辣辣, 好食！蒜蓉味都好足夠,帶有蜂蜜味甜甜地,不過都係鍾意甜辣炸雞,而且肉質比較鞋。Pizza等左半個鐘先上枱, 而且唔係好熱, 所以d芝士都冇拉絲嘅效果, 同埋醬汁好似唔夠多冇乜味, pizza底無之前食既咁厚身, 普通左。另外叫咗杯冰茶, 好飲, 不過嘢飲相對比較貴。當日人手唔係好足夠, 想搵侍應都搵唔到, 下次都係去返銅鑼灣店