Project B (已結業)

休閒舒適Cafe🍔末來炸金交畢時果漢堡(素食)好味指數：👍🏻👍🏻👍🏻👍🏻👍🏻 店家採用左黑糖麵包，咬落非常鬆軟又帶少少甜味。中間有炸芝士、生菜、蕃茄同酸黃瓜，配上特調醬汁，整體味道偏酸酸甜甜。當中的炸芝士代替左肉類提供咸味，口感都好濃郁。呢個餐仲配有炸薯條，即叫即炸，超香脆，好好味！🍤 炸蝦南瓜忌廉意大利飯好味指數：👍🏻👍🏻👍🏻👍🏻一見到三隻大大隻炸蝦就流哂口水，新鮮炸出泥，外皮香脆肉質彈牙，就算凍左都係脆卜卜，而且唔會受飯嘅濕氣影響。米飯方面，口感偏粉粉地，忌廉味較為突出，配上洋蔥粒、青椒粒同菇，增加左啲爽脆口感，同時蔬菜本身嘅香味中和左忌廉嘅厚重感。🍗蜜糖黑椒雞中翼好味指數：👍🏻👍🏻👍🏻👍🏻👍🏻 雞翼嘅外皮烤得好香脆，而且雞翼本身唔多肥膏，肉質嫩滑，實在係表現到廚師嘅烤肉功夫。調味方面有有香濃嘅蜜糖、黑椒同支然粉，相當惹味。🧇 自家製窩夫拼鮮果雪糕/朱古力好味指數：👍🏻👍🏻👍🏻👍🏻廚師料理緊嘅時候，坐係出面都聞到窩夫嘅香氣，令人食指大動。佢嘅擺盤都啟動左小編嘅少女心，中間放置左一球曲奇雪糕，周邊就加左忌廉同水果，滿滿嘅幸福感。窩夫外皮脆脆地內裹鬆軟。☕️ 檸檬乾，金盞花，蝶豆花，玫瑰

好閨蜜下星期將會離開香港，短時間都唔返黎，臨走前俾佢發辦揀返間餐廳聚一聚。【Project B】係一間Cafe同時又係Bar，有多款西式餐點提供：烤乳鴿配黑松露意大利飯、黑松露帶子天使麵、黑松露軟殼蟹手打牛肉漢堡，而最Signature就係佢即叫即整嘅燒春雞！餐廳多款菜式都添加咗黑松露醬，黑松露控機會黎啦！墨西哥焗雞肉卷賣相一般但味道驚喜地好食黑椒蜜糖雞翼蜜糖味嘅雞翼係我摯愛，肉質軟稔，完全唔夠喉黑松露燒春雞外皮烤得金黃剔透，色澤鮮艷吸引烤乳鴿配黑松露意大利飯外皮超香脆，肉質都幾肥美，每啖飯都食到濃濃嘅黑松露醬💕薯條份量偏少，炸得都算金黃香脆📍 Project B (深水埗)深水埗長沙灣道22-24號恆成大廈地舖

太子行去深水埗方向，中途見到依間酒吧餐廳。環境幾開揚有落地玻璃，地方闊落樓底高，唔會好應聲，坐得舒服，而美食選擇唔少，價錢經濟。香草忌廉紐西蘭青口 $98紐西蘭青口一盤十多隻，青口大隻肥大肉厚，味道鮮甜嫩滑，青口貝的足絲清得好乾淨，可以大啖放心食。醬汁以白酒煮忌廉味道香濃，好掛汁非常美味。墨西哥焗雞肉卷 $48餅皮煙韌有嚼口，餡料有雞肉、芝士、洋蔥和黑橄欖，加上了酸酸辣辣的莎莎醬、牛油果醬和沙律醬，味道豐富口感有層次，小食好味充滿墨西哥風味，必食推介。蜜糖黑椒雞中翼 $62雞皮炸得微脆，肉質嫩滑有肉汁，氣炸的唔油膩，沾有黑椒蜜糖，惹味香口好食。黑松露帶子天使麵 $108帶子厚肉好大粒，煎香了表面，肉質彈牙鮮甜。天使麵份量好多食完堅飽，有菇、三色椒、洋蔥增加不少口感，加上香濃的黑松露醬撈麵食，都ＯＫ唔會好油。自家製窩夫拼鮮果雪糕 $88香噴噴的熱窩夫充滿蛋香，口感外脆內軟，淋了朱古力醬味道甜美，配上忌廉和海鹽雪糕，甜中帶咸清新口味，冷熱交融啖啖滿足。