鳴虎

营业中

休息中

放工總系想食碗熱湯麵 暖下肚得黎 又有啲澱粉質 幾有滿足感 見到新都城三期商場開左間新拉麵店🍜鳴虎就決定黎試下🦐蝦味噌豬骨湯拉麵 $88當拉麵上枱個陣 熱辣辣出曬煙 仲即刻聞到好香既櫻花蝦味👃🏼湯底顏色帶有微微既紅色 上面仲鋪滿左切碎左既葱花 木耳 五味粉 豚肉 唐心蛋 紫菜食拉麵一定系飲左湯先 湯底豬骨味濃郁 幾膠身 蝦味噌味道突出而吾會太搶麵質口感非常好 有嚼勁而且吾會太林 🧄博多黑蒜油拉麵 $88黑蒜味都好濃郁 聞落幾香 開曬胃除左湯底吾同左之外 其他材料都一樣叉燒有兩大塊 火炙過好香口 肥瘦適中👍🏻唐心蛋有成隻 的確吾錯 好多鋪頭都系得半隻 吾夠喉🤪火喉控制得好好 超流心💭麵底同材料既份量好足 食得好飽 湯底又非常好飲 價錢都合理 系值得一試既拉麵店🏅

今日放工去將軍澳食飯，見到呢間拉麵店好多人食，而且鳴虎都好出名，喺香港有好多分店，所以決定同朋友試試！ 特濃幸口拉麵 $98鍾意食辣嘅朋友一定要試呢款，因為佢嘅湯底好濃郁，佢有辣椒味嘅感覺，而且真係會越食越辣好刺激，配埋爽口彈牙嘅拉麵好惹味。份量亦都好多，包保食完會大滿足！😋 蝦味噌豬骨湯拉麵 $88第一啖就係試個湯底，個湯底非常濃郁，好重蝦嘅味道，食到忍唔住飲晒啲湯！叉燒肥厚而且好嫩。我推薦唔啱食辣嘅朋友食呢款拉麵，真係性價比超高，同埋勁飽肚～店員服務態度亦好有禮貌，一定會再嚟幫襯呢間拉麵店！

鳴虎日式拉麵店的環境非常溫馨，感覺放鬆舒適，光線充足💡店員也非常有禮貌😇令人感受到熱情的招待🥰博多黑蒜🧄拉麵🍜店家用左厚切叉燒肉，脂肪比例平均，微微煎香左表皮，食落味道都好正。湯底係黑蒜味，味道好濃郁，忍唔住都飲咗幾啖😆拉麵軟硬度適中，口感爽口彈牙。蝦味噌豬骨湯拉麵豬骨湯底加咗櫻花蝦粉，增加味噌湯底嘅鮮味，如果鍾意濃郁的湯頭，可以試下。飲完都唔會覺得好口渴。拉麵偏幼身，彈牙有韌性。碗麵仲包一隻溏心蛋、兩片厚切叉燒、黑木耳、香葱同紫菜。七味粉炸雞軟骨雞軟骨炸到外酥內嫩，軟骨仲連左少少肉，口感好有嚼勁，而且份量都唔算少，加咗七味粉更加香口。難怪鳴虎咁多分店，湯底多選擇而且用料都好高質，價錢又唔貴，非常唔錯既體驗。自己一個人或者同朋友聚會過嚟食都得，從此我係新都城有多一間食堂😚😚😚

鳴虎個名成日都聽得多，今次第一次黎食，簡簡單單只叫左兩碗拉麵，食返佢地既原汁原味。拉麵上檯賣相吾錯，香味俱全，第一啖緊係要飲個湯，湯底濃厚，我叫的是黑鳴虎- 博多黑蒜油拉麵，拉麵麵質軟硬適中，屬於幼身的麵條，掛湯能力也不錯，黑蒜油味道都吾錯，吾會話過分重味道而蓋過湯底本來的味道。叉燒肉有三片，味道還好，溏心蛋的味道淡口一點點得黎熟成度係會流心果種，值得一讚的是這裡給的是原隻溏心蛋！朋友叫的是鳴海老- 蝦味噌豬骨湯拉麵，味道一樣不錯，蝦的鮮味十足，風味一流。整體來講，還不錯，下次黎試吓其他食物。

位於新都城一樓 位置唔難搵 接連住幾個舖位 都幾大間 收工經過見到唔太多人就直接入去坐低 除咗有拉麵仲有丼飯 我哋就試咗兩款拉麵 🍜日本魚乾豬骨湯拉麵 💰88拉麵係幼身麵條 麵質煙靭有彈性 而且掛湯 湯底好濃味 有兩大片叉燒 叉燒唔太肥 仲有一隻原隻溏心蛋 雞蛋好流心 配上大量木耳&香蔥 好足料🍜蝦味噌豬骨湯拉麵 💰88蝦湯拉麵同魚湯拉麵嘅配料一樣 但蝦湯湯頭味道更加濃郁 每一啖都食到濃濃嘅蝦香 就咁飲試咗啖會有啲咸 加埋麵一齊食就啱啱好

餐廳鳴虎拉麵的日本魚乾豬骨湯拉麵湯底濃郁，豬骨湯味道重，每一口都能感受到魚的味道，讓人回味無窮。這道湯底是以4種不同的魚製成，這種混合湯底的做法讓這碗拉麵與眾不同。拉麵麵條口感彈牙，搭配湯底更是絕佳，讓人一口接一口停不下來。除了拉麵，糖心蛋是搭配的一道配料，相較於其他拉麵店，糖心蛋的味道略淡，但仍然很不錯。朋友點了蝦味噌豬骨湯拉麵，味道鹹中帶甜，層次非常豐富。商場有告示，指引人去店舖，非常搶眼！整體而言，餐廳鳴虎拉麵的湯底、麵條和配料都非常出色，是一家值得一試的好店。

最近新都城不斷有新舖開張，特別係三期，呢兩年有幾間新店。當中有一間地點唔太顯眼既拉麵店吸引左我去試。聖誕節過左兩個月，都仲見到門面有個好可愛既雪人仔，應該係太可愛店長唔捨得拆？當晚都有唔少客人，店員好熱情介紹餐廳推介食物，有個$128拉麵餐睇落好抵食，包一個拉麵+小食+飲品。最特別係可以免費加一個麵底。最初以為小食只有一兩件，點知有全份，合共五件，餃子脆卜卜，好食。主角拉麵黎啦，蝦咪噌湯有濃濃既蝦味，湯不會太鹹，最重要係一點也不油膩，食完成碗都不覺膩。麵底大大個，係直身幼拉麵。有兩片叉燒、一隻溏心蛋、一片紫菜同好多木耳。平時拉麵會有筍，但呢間無，正合我心意，因我䑁得日本筍味道怪怪的。另一個係黑鳴虎，有好濃既黑蒜味，跟$128餐可免費加一次麵底，初時以為加得半個，點知有成個麵，食到我朋友好飽。餐飲點了茉莉花茶，好多茉莉花呀，味道甜甜地，唔錯。整體來說呢間係一間很不錯的拉麵店，會再黎食。

知道鳴虎開咗新分店， 特登去幫襯下先，呢間分店裝修得好靚， 又衛生乾淨，睇餐牌都有好多選擇，我哋分別叫咗一碗拉麵同埋一個小食呢個係蝦味噌豬骨湯拉麵， 有好多櫻花蝦湯底好正，咬一啖拉麵，再呷一口湯，蝦嘅味道充滿整個口腔好香，拉麵隻蛋係半熟蛋，蛋味濃郁，半流心好滑溜，另一碗拉麵係濃厚辛口拉麵，唔係一味死辣， 辣得嚟好香，拉麵亦都煙韌彈牙， 而且麵嘅份量亦都啱啱好，唔會太多亦唔會太少小食就揀咗鳴虎炸雞，炸到外面好脆，裏面雞肉仲係好有肉汁，好嫰滑加咗少少檸檬汁，口感清新總結：鳴虎新都城分店裝修靚靚， 選擇多，店員服務亦都殷勤，親切有禮，拉麵好食 半熟蛋亦濃郁滑溜，炸雞就皮脆肉滑必定再次光顧