嚐館 (已結業)

今次喺第二次來嚐館。一行五人order咗六餸一湯一飯，分別係冰鎮鮑魚，蝦多士，勝瓜烙，德國豬手，杏汁豬肺湯，銀杏時蔬 ，蛋白炒飯，芥末萵苣。芥末萵苣爽口，味道淸爽，夏天食一流。冰鎮鮑魚，應該用味醂製過，毋須點豉油已經夠味。蝦多士，熱辣辣，上面隻蝦爽口彈牙，有阿爺廚房影子，必食！德國豬手，上枱已經切好。啲皮脆而不硬，好似食薯片一樣。 杏汁豬肺湯，又一功夫菜。雖然係例牌，一人都分到兩碗！濃濃嘅杏汁，飲落順滑潤喉。必叫！勝瓜烙，銀杏時蔬，蛋白炒飯～ 合格平均每人$300 連加一茶芥，用銀聯咭仲用95折！高質粵菜，合理價格！

好開心！今日去吃潮州菜！呢間潮州菜同傳統的唔同！老板好有心思將舊菜新作！第一次吃蝦多士上面真係有隻大蝦！好鐘意！除此之外仲好喜歡＂爆炸丸＂！冰鎮鮑魚都好入味！朋友就是好喜歡個味蟹煲同wasabi🌼！好特別！下次會再去！老板人好好！話下次送支酒！希望佢記得啦！多謝曬！

等朋友收工，行過見到入去拎位先⋯⋯有d古式古鄉feel，茶壺幾別緻～ 呢度主力係食中菜，海鮮的，見佢有刺身，豪豪佢叫左個特上刺身拼盤試下，又幾新鮮賣相又好，鮑魚刺身超好味，好爽，鮮甜，正～之後點左幾個餸，其中有廚師推介蝦多士，炸得好脆又唔油，配埋wasabi 沙律醬，超襯；再嚟一客黑白胡椒粉絲肉蟹煲，粉絲超惹味，好香口，送飯一流，肉蟹隻鉗啖啖肉，足料；中意酸美美嘅我叫左冰梅骨，好好味，酸甜適中好開胃；平時少飲湯，所以今晚叫左個杏汁燉肺湯，飲一啖已經覺得好潤，晚晚煲劇要補補岩晒，飲左3大碗～最後叫左可可脆湯圓，表面脆脆地，咬入去又煙靭，配埋朱古力醬，入面係流心芝麻饀，多重口感，幾特別～呢度可以再encore，下次帶屋企人再食其他嘢先～