阿里郎熱狗棒 (已結業)

今日經過旺角見到韓國的芝士熱狗棒，真令人懷念，疫情之下無得旅遊，係香港嘆下韓國美食，感覺滿足。連濟洲島的美食都有，就係柑橘同糯米滋。熱狗棒有8款，分別有熱狗腸的4個口味，和4個芝士口味，價錢 $28-38，仲有多士、雪糕、糯米滋……熱狗棒配不同調味粉及醬料，口味多變又夾，先由店員加砂糖，再自行加調味粉，最後加醬料就食得。當日有芝士粉、蜂蜜牛油粉，醬料有茄醬、蜜糖芥末、芝士芥末、泰式辣醬。我就加左蜂蜜牛油粉，好香呀。還有茄醬及芝士芥末醬。加左砂糖甜甜地，又帶牛油香，芝士的咸香，仲有蜜糖的香甜……味道豐富，而且各款味都平衡同夾。雙重芝士拉絲熱狗棒 $34最吸引緊係雙重芝士，超多芝士爆出黎，有芝士咸香同奶味，又做到拉絲效果，非常邪惡但又極誘人，真係食唔停口，呢款無腸的，食完岩岩好，唔會好膩。蝦多士 $42睇店員製作過程已經好正，加牛油煎烘多士，煎蛋口感鬆軟嫩滑，配埋炸脆蝦餅，肉質爽彈有蝦肉口感，仲有椰菜絲增加爽脆感，加埋配搭好的醬料，非常好味，又大份又飽肚。最後食埋冰凍糯米滋做甜品，左邊裸裝柑橘糯米滋 $20，右邊芝士味糯米滋 $20原粒柑橘做餡料，冰涼甘甜又多汁，配紅豆餡更香甜，紅豆蓉細

下午同男朋友行旺角時經過呢間韓國街頭小食店，勾起我旅行既回憶，二話不說買左幾樣野食止下癮。鴛鴦芝腸熱狗棒點完即刻炸起，外層麵包炸得鬆脆，裡面一半係拉絲既芝士，一半係熱狗腸，一次過滿足晒你兩個願望。蝦多士拎上手熱辣辣，材料豐富，有蝦餅、煎蛋、椰菜絲、青瓜，仲有甜甜地既醬汁，我自己就幾鍾意。雪米糍係新產品，揀左兩款黎食。裸裝柑橘包住原個柑橘，底層有一層紅豆。柑橘酸酸地，咬落冰感十足。牛奶似平時食既雪米糍，底層都係有紅豆。

韓國大熱阿里郎熱狗係旺角開左分店，主打街頭小食熱狗棒，可以揀芝士夾心或者熱狗腸，一共有8款🤤想食甜都可以揀oreo系列，有oreo churros同埋oreo拉絲，組合勁邪惡🙈另外最近仲出左韓式三文治，份份爆餡，價錢都係$36-$42，可以一試－－－－－－1. 薯條鴛鴦芝腸熱狗棒 $38下單後店員就即炸熱狗棒，切粒薯條包住麵團去炸，可以選擇要唔要砂糖，同埋亦有多款醬汁可自行加配，有番茄醬、蜂蜜黃芥末醬、芝士醬、芝士芥末醬、辣醬👍🏻等左5分鐘左右就有得食，熱狗棒炸至金黃🥰第一啖食到酥脆既薯條粒，冇咩味道，所以一定要加醬一齊食！第二啖食到綿滑芝士，口感煙煙韌韌，味道咸香，可以瘋狂拉絲，真係可以做到超長拉絲效果🤣食到一半先食到香腸，加埋蜂蜜黃芥末醬食，口感同味道更豐富2. 蝦多士 $42多士材料好豐富，完全係爆餡🤤有椰菜絲、醃青瓜、芝士、蝦餅、粟米煎蛋餅，蝦餅同樣是即叫即炸，食落彈牙，不過蝦味唔太重，反而粟米煎蛋餅幾特別，厚實食到一粒粒粟米，煎得唔會過老，仲有點蛋汁流出黎😍椰菜絲爽口解膩，配埋醬汁一齊食，開胃之餘又唔會太滯，不過真係要即食，因為醬汁多可以會加快麵包變腍，影響口感3. 糯米糍