香港永年車仔麵茶冰廳

营业中

休息中

今日行完新城市，想食港式就醒起之前食過永年既鐵板餐有酥皮湯，食過翻尋味今日就一於再encore!今晚同朋友order慢煮鐵板2人套餐見到有新嘢，竟然有佛跳牆鐵板食😂朋友就嚐下鮮，花膠扒份量多又有厚度，鐵板上食鮑魚麵好過癮😂😂食肉獸既我一如既往 點能夠唔點鐵板牛🫢封門柳牛味香濃，份量之大睇相就知5成熟，粉嫩既肉質令我每次黎都點必！推薦大家封門柳鐵板✨✨😍食鐵板點可以無酥皮湯！！酥皮周打蜆肉魚湯，濃郁既湯帶住厚實既口感，材料超足！之前黎食過大蝦牛油果沙律，今日就試下雞扒鹹魚凱撒沙律估唔到鹹魚同生菜出奇地夾，咸香味令沙律既清新感更突出見到有砵酒燴牛尾就緊係要加點！牛尾好入味 肉質好軟腍😽愛牛之人一定要加配埋！例牌，食港式又點可以唔食西多，熱辣辣既西多加上雪糕，凍熱交加係一種味蕾上既享受，切開入面仲要係唔常見既芝麻餡，呢個黑芝麻西多伴雲呢拿雪糕為今餐港式鐵板劃上完美句號😽順帶一提，友人邊飲邊大讚抹茶紅豆冰，唔會死甜得黎又特別，我下次都要點黎試下🤭

係沙田行行下街 見到復古裝修餐廳原來係香港永年車仔麵茶冰廳即刻入去試吓兼且打卡仲有得坐卡位 重回懷舊冰室咁本身想回味佢哋嘅車仔麵但係忍唔住俾扒餐吸引咗有唔同扒款選擇今次點咗慢煮鐵板二人套餐首先係前菜雞扒鹹魚凱撒沙律另外+$15揀酥皮周打蜆肉魚湯酥皮香脆鬆軟 足料之餘仲熱辣辣如果鍾意飲酥皮湯 真心推介除咗前菜沙律或者餐湯之外仲會有兩款小食第一款係一望到餐牌就想嗌嘅懷舊蝦多士一般喺其他餐廳嗌嘅蝦多士小食多數得兩件 或者四件但係呢度居然有六件 仲要係大大嚿香脆又好味 真係大件夾抵食到主菜鐵板 呢款安格斯封門柳五成熟 配埋黑椒汁 真係’炸炸’聲望見都流晒口水 肉質夠嫩唔韌另一款係全港首創招牌鐵板佛跳牆車仔麵花膠鮑魚蠔冬菇蝦 芡汁配搭炸膠麵呢種食法真係滿足晒唔同要求

沙田市中乜想食車仔麵其實選擇不多最近好似都要去到瀝源，而且好早收今次放工癮起就諗起新城市廣場嘅永年！！叫左外賣 來個大合照！車仔麵 就緊係叫永年大碗麵叫左油麵 最少嘅辣但竟然覺得好辣 (平時食開10小）食車仔麵必食嘅豬紅蘿蔔魷魚豬腸都一定要有當中蘿蔔沒有絲 非常入味外賣 湯是分開的 唔怕浸淋啲麵分量多到兩個人食 加啲小食就夠飽由於無預過份量咗多所以叫多左個套餐 花膠雞煲仲配左白飯！都有三四條小花膠！ 份量都應該接近半飯雞味道偏濃 適合鍾意食濃味嘅朋友仲叫咗好多小食紅油萵筍，紅油青瓜蝦多士蝦多士非常出色，回到家中還是脆的牛三寶非常入味 牛柏葉牛腩牛筋牛筋很淋 份量也很多 抵叫套餐配了特飲是藍柑菠蘿乳酸梳打乳酸味比例比較重下次會再光顧！

永年大碗麵餐 $98麵份量多, 比一般車仔麵多1.5倍套餐餸菜包括: 豬腸, 豬皮, 豬紅, 蘿蔔, 魚蛋, 紅腸, 雞翼, 雞翼尖, 魷魚同時菜成碗麵有成10款餸菜最啱選擇困難嘅朋友.清湯味道清甜. 如果食到辣可以叫埋辣汁, 一向食開中辣嘅我係度都要轉小辣. 辣味是辣中帶少少甜. 豬腸好夠味, 蘿蔔清甜無渣, 豬皮超吸味推薦雞翼尖好夠滷水味仲要好焾.極力推薦豬紅, 我向來唔多食豬紅, 我怕有血腥味, 但永年煮到完全無 腥味之餘仲要就連豬紅內面都好夠味👍🏻👍🏻四餸車仔麵餐 $78魚蛋, 豬紅, 雞翼尖, 鳳爪鳳爪有2隻, 夠焾同夠味豬紅, 雞翼尖好味要叫多份😋😋套餐仲可以優惠價$25 蝦多士份量有3塊, 蝦肉少, 味道唔錯

放工要到沙田搵食確實不難，因為餐飯選擇很多，多選擇當然離不開新城市廣場，來到新城市廣場被一間有香港傳統特色和趣味裝潢吸引，看了看餐牌有大大碗的車仔麵，有特色小食，又有扒鋸，而且座位闊落，感覺會坐得舒適，於是二話不說跟友人一同入去進食。車仔麵茶冰廳當然少不了要點永年大碗麵，配料十分充足，而且份量十足，吃上去非常滿足，豬皮很淋很入味，完全索了湯底的味道；加了韭菜豬紅和蝦多士小食，豬紅伴有韭菜花，第一次見和吃有花的韭菜，配搭豬紅及少許辣味，非常惹味😋至於蝦多士炸得香脆可口，點上沙律醬最佳配搭。友人是吃肉獸，鐵板什扒餐非他莫屬，幫他加了一個燉湯，好讓他滋潤一下。鐵板什扒份量很大，配上黑椒汁，雞扒豬扒都厚而大件，還有一條司華力腸，配菜有粟米、西蘭花和蕃茄，十分豐富。另外雪梨豬展燉湯很足料而且非常夠熱，我喝一口時差點給燙傷櫻桃小嘴🤣這間茶冰廳比一般的冰廳除了裝潢格局時尚得來不失香港特色外，食物也多元化，是非一般的車仔麵冰廳。

平時係元朗食得多嘅永年車仔麵，突然係沙田開一間咁大嘅餐廳。依家已經唔係平時嘅車仔麵，係一間大餐廳。改寫左世人對車仔麵嘅認知。咁大嘅門面，好明顯係比人打卡影相有氣勢成件事高級左，價錢冇點加。人都係照舊多，要等位。不過坐得舒服好多影左幾張menu , 小菜果d 冇影。下次試左再寫食評。男神麵，豬腸，牛柏葉，牛腩，豬紅，牛肚，牛丸，時菜，蘿蔔聽到咁多餸，真係怕怕。食餸都飽。個汁小辣，開胃。特別要講嘅係豬腸，唔臭，洗得乾淨。水準同元朗總店一樣。朋友就醒，叫淨餸，唔要麵。花膠，牛腩，蘿蔔，牛根，冬菇，雞肉都好飽，一個男人食一定飽。d 餸冇野可以挑剔，花膠要加$48, 不過比左起碼3大舊，同高汁。建議大家要加。想食菜就叫左個菜食，水準正常蝦多士，新鮮炸出黎比你。好熱，同好飽滿，比足料你。個湯，唔係普通嘅例湯，飲得出足料，同好夠味。飲完唔口渴試下d 特色野奶茶紅豆冰同綠茶紅豆冰唔會太甜，用細冰，所以可以飲得哂，唔會飲淨好多冰用綠茶同奶茶夠新鮮，相信好多茶就都會抄佢地。永年奶茶咁出名，一定要叫樽仔奶茶，夠哂濃咪。一個完尾嘅句號。

<< Daily 豬仔尋食記🐖😋>>同細佬今日去沙田行下街，唔經唔覺已經九點，肚仔都開始餓，係新城市見到永年竟然有冰室版！😂😂之前一直都好中意食佢元朗個間嘅車仔麵！好好食，而家有埋冰室，好似多咗好多嘢食！😋😋😋二話不說，就試呢間！間餐廳幾大，坐得舒服，同佢係用手機落單嘅，啲嘢都電子化曬，好方便。睇咗個menu 見佢個女神麵好吸引！點知我哋太晏黎，已經賣曬🥺不過佢食物種類真係多咗好多，有飯，有扒餐，小菜都有！所以！我哋決定！食！餐！勁！😂😂🤣因為我同細佬都太肚餓，加上佢又大食😂😂🤣所以我地叫左一個二人餐套餐，入面有小菜，飯同湯，另外仲叫咗一個扒餐。個二人餐好豐富！有兩個湯，仲有兩杯野飲 兩個小菜。嗰個湯好足料，味道同平時啲藥材湯差唔多 ，口味比較甜少少，飲完個人暖暖，感覺好滋陰！小菜就叫左個豉油雞，佢本身隻雞都幾入味，而佢個甜豉油汁，同個雞好match ，隻雞又夠滑，叫左半隻份量岩岩好，加上佢上面啲薑蔥油，提升咗成個雞嘅香味，呢個色香味有齊！讚！🤩而個叉燒炒蛋就冇豉油雞咁岀色，但啲叉燒都係有蜜香味，蛋都炒得好滑， 份量就多啲，用嚟送飯岩曬！👍🏼👍🏼因為知道

沙嗲牛肉粉絲煲超級夠鑊氣，同埋醬汁調得啱啱好，唔會好似大排檔咁濃味，食完之後好涸口，但又有野味嘅感覺。佢牛肉質感似係沙嗲牛肉麵嗰隻牛肉，數量唔多，好食嘅。不過，配料就都幾夠多，三色蕉都有晒，而且粉絲數量都夠兩個人分，索哂入味。滑蛋韭黃蝦仁🍤算係吵得幾好食，中式鑊果然係唔同啲。炒出嚟唔會好龍，八成凝固之餘，又有少少濕，真係感受到係水滑，都唔算好油。值得讚嘅係，分量幾多。是日燉湯每日都唔同，今日咁啱撞正係呀紅棗煲牛𦟌老火湯。其實牛𦟌真係精粹所在！超級林，有肉味😋 份量好足夠嘅！蝦多士好食過喺中文大學食😍 又抵食（主觀覺得）因為夠脆和內蝦肉！菜類腐乳通菜：腐乳同埋份量夾，撈勻之後仲有醬剩！但係生菜有少少啡色 overcooked gum飲品： 樽仔烏龍茶都幾適合if食得太濃味。而且係cold brew 凍柚子蜜：正常🙂

出完糧我男朋友話請我食正嘢，點知佢帶我去食車仔麵🙃 我仲話永年咋嘛元朗我平時都食開，有咩咁特別喎... 點知原來沙田呢間真係唔同啲🙈去到門面已經覺得同元朗好唔同，大打懷舊感覺，好似以前啲冰室咁有麵包櫃呀車仔檔咁，入邊嘅座位都比較舒適，因應疫情關係入去前都要量體溫同埋有膠板分開啲枱入到去一睇餐牌真係多好多嘢食喎，除咗普通車仔麵，仲有茶餐廳舊式冰室先有嘅扒餐同埋特飲，車仔麵仲有個女神麵有花膠😍😍😍一見到已經雙眼發光😍 可惜落單嘅時候見到已經售罊😖😖果然好有人氣既然係咁就自選車仔麵啦，呢度落單係用QR code手機自助落單，方便得嚟又唔怕漏單頭先係出邊見到蛋撻已經想食，即刻叫咗一個試下，上枱嘅時候暖笠笠，入邊蛋漿好滑，如果係酥皮就更好喇！南乳雞翼外皮炸得香脆，南乳味濃，宜家好似唔地方整得好食呢！最驚喜嘅就係蝦多士，熱辣辣嘅炸多士再配合厚厚嘅蝦膠，加埋沙律醬，最推薦呢個小食！！冇花膠嘅關係我就要咗自選車仔麵，男朋友請梗係食豪啲😏 要咗豬手、蘿蔔、牛筋、牛肚、豬腸、魚蛋、冬菇同魷魚🦑 豬手、蘿蔔同牛筋係最好味嘅，豬手入味得嚟又唔會燘到淋哂，層皮仲好有彈性滿滿骨膠原，蘿蔔都係，諗住夏天蘿蔔冇咁靚，

今日經過沙田，見到呢間永年車仔麵既裝修好有特色好吸晴👀一於入去試試佢😝😝今日係星期日，都要排一陣先入到去。因為係係新城市既地下，佢開左一面大門，外面既風吹入黎都好涼爽😛👍🏼我地兩個人，叫左個女神麵套餐、蝦多士、南乳雞翼、牛三寶同埋個朱古力巨星同兩杯野飲，好滿足🤪👍🏼女神麵🍜（8/10）：好大碗，夠足料，塊花膠好大塊😍👍🏼都好入味，加埋個豬手簡直就係補充好多骨膠原既感覺😚😚👍🏼 有得簡番茄湯底，食到底仲有好多紫菜，唔怕冇纖維，難怪叫女神麵😎😎👍🏼朱古力巨星🍫(7/10):打卡之選🥰👍🏼 佢砌得好靚，有熊仔餅同kinder 係上面，啲雞蛋仔好脆，加埋啲雪糕都幾好味😋😋 但個份量都幾大，建議搵多個人先食😛牛三寶🐮 （9/10）：個湯好濃好夠味，牛栢葉同牛肚好大塊，彈得黎又唔un,牛腩都好入味又大舊👍🏼👍🏼 推薦愛牛人士點呢個做小食😝👍🏼