千銅和食屋 (已結業)

🤗住屯門的朋友，有福了！🤩 未試過這個🦀蟹國天丼，真係要入屯門試下！！！.復活假期，行完山，來到屯門覓食，誤打誤撞來到這間平民小店。見係黃店，又只係等一張枱，就試下啦～ 都無做任何research就坐低點餐了。我們沒有點二人餐，散叫了一個烏冬，一個人氣no. 1的蟹國天丼。.🦀🦀🦀（10/10）蟹國天丼 $118，令我會比爆分佢，因為係我暫時食過最好，最足料，性價比最高的天婦羅丼飯。真心，無誇大，你睇相見到，一個飯🦀有原整一隻軟殼蟹，海量蟹子，芝士蟹子，不計成本的蟹肉，還有大量蟹膏可以撈勻全碗飯‼️軟殼蟹炸到酥脆，咬落去卜卜聲。蟹肉鮮甜而且勁多，有我好喜歡的芝士蟹子。其實就呢幾樣餸已經好滿足，但拎開啲餸，你發現飯面鋪滿蟹膏，真係超驚喜😱 再望真啲個價錢，只係 $118，無加一！仲係咪蝕本價？🍲 （7／10）日式炸餃子湯烏冬 $58OK.. 好激動咁介紹完個天丼，湯烏冬就其實無咩驚喜嘅，炸餃子都係炸得好脆，但多油咗少少，就係一個正正常常的烏冬。但價錢只係$58，其實我覺得對得住佢個質素架。

某日打開相簿見到自己喺日本啜蟹腳嘅相真係令人唏噓🥲講起蟹 雖然香港無蟹道樂 不過一於食返個迷你蟹宴下頂住癮先•蟹國天丼 HKD118登登登登!今次就係介紹呢個迷你蟹宴啦首先有最吸引係原隻炸軟殼蟹 新鮮炸起脆卜卜 唔會太乾同油膩 中間有蟹肉 食落算新鮮 起碼冇梅咗嘅質感 仲有蟹膏 陣陣咸鮮味~表面有海量蟹籽 建議撈埋中間嘅蟹膏同蟹肉 同底層嘅珍珠米 食落每啖飯都包住蟹嘅精華 真係令人停唔到口!•汁燒豬軟骨烏冬 HKD72 (午市定食)加分位係用咗稻庭烏冬! 烏冬幼身 食落彈牙 豬軟骨有兩大嚿 食落入味 不過有少少鞋🤏🏻普遍餐廳都係淨烏冬加昆布 呢度額外有半塊油揚 完全表達咗小店嘅誠意 !✦中意食蟹嘅人一定要試下蟹國天丼🤟🏻✦價錢同份量都屬高CP 值絕對可以再encore!🚩千銅和食屋 屯門屯利街1號華都商場地下47及59號舖

大家有冇試過一間舖頭連續食咗三日呢？😂可想而知「千銅和食店」有幾咁好食，食極都唔厭！👍第一晚來獨自享受，叫咗「腐皮豆腐沙律」、「滑蛋浸菠菜」、「蟹肉玉子燒」。頭兩樣常常食，特別鍾意食，尤其係腐皮豆腐沙律，百食不厭！第二日約朋友再來吃，今次試「蟹國天丼」，有炸軟殼蟹、蟹膏、蟹籽、蟹肉、日本直送珍珠飯、真係太美味，滿足哂喜歡蟹的需要，食咗會上癮，心掛掛幾時再食；尤其蟹膏用嚟撈飯，特別香口入味。今日加腐皮豆腐沙律，朋友都話超好味，下次要再食！第三日同家人又再來，今日轉食「蝦國天丼」，有炸大蝦、七色大蝦、吉列炸蝦、櫻花蝦、日本直送珍珠米，珍珠飯上面鋪滿了櫻花蝦，真係又香又美味！😋 但係始終覺得蟹膏撈飯最好食！今日再加配腐皮豆腐沙律、蟹肉蟹籽沙律，啲沙律點食都唔厭。真係要稱讚靚女老闆娘（我估係老闆娘😂），次次都招呼周到，又細心又有禮貌，滿面笑容，想唔來幫襯都唔得，當然重點係啲食物係好食先啦！😂

同男朋友倒數前梗係要搵啲嘢醫肚！12月31號呢啲日子又唔想出去食嘢俾人湯，所以就嚟咗呢間小店食嘢❣️蟹國天丼: $118 (8/10) 上面嘅配料非常豐富！軟殼蟹炸得非常好食，再加埋啲蟹膏真係好邪惡建議汁唔好落太多，我哋唔小心一次過加晒就有啲太鹹啦🥺🥺但整體非常好食性價比好高💯海饅蕎麥麵: $68 (6.5/10) 個人感覺海鰻整得比較腥 (可能係個人口味影響！) 但係蕎麥面好彈牙好好食😋，如果唔鍾意腥味嘅朋友就唔建議揀呢款🤢，可以試吓其他配料！

路經又新開來試下，同老公一齊食左招牌蟹國天丼同原作天丼。蟹國天丼有原隻軟殼蟹切件天婦羅、蟹棒蟹肉、蟹子、芝士蟹子同蟹膏，好豐盛。原作天丼有炸蝦、日本蕃薯同南瓜天婦羅。佢地既天婦羅真係做得好好，粉漿薄脆熱辣辣，連厚厚地本應平平無奇既蕃薯同南瓜都整得好食。加$25變套餐有埋小食芝麻醬菠菜、芥末八爪魚同麵鼓湯。芥末八爪魚既調味做得好好，口感都好。我地喺開舖既時候入去冇咩人，但後來就多左人喇。第一次來，會有下次，想試埋其他