逸之燒 (已結業)

20230330 星期四晚餐，日本風情，2人入座，即刻來個刺身拼盤2人前，估唔到拼盤有海膽同磯燒鮑魚，仲有赤蝦，全部新鮮！蟹子沙律，青瓜女爽脆，燒物好味，特別係豚肉荔枝串，雞肝偏重椒鹽，有蕃茄仔同蕃薯串可以清一清味蕾，雙重吞拿魚反卷特別得嚟有驚喜，甜品全部出色，黑糖梅酒冰淇淋係用choya 黑糖梅酒，Affogato 就即係espresso 冰淇淋，環境舒適，唔會太嘈，適合跟朋友慢慢傾，慢慢食，一定會encore

今日同老公週年記念，search到呢間日式串燒火鍋店試試，估唔到串燒都幾有驚喜，茄子串既醬汁加埋木魚幾好味，豚肉車厘茄都好香好食，鵝肝多士熱辣辣上檯又香又脆，刺身質素唔錯，海膽炒飯好好食，夠味又好咬口，兩個人埋單約$900好飽，味道黎講都有90分，佢樣樣都即整即出即上檯嗰下好味！可能我地第一輪6:30可以做到服務ok無咩特別，環境一般無咩特別。有生蠔叫，印象中都幾抵，唔算貴，下次都可以叫下食下串燒，壽喜燒都想試下，總括然而會再想食

雞地呢邊越開越多食肆，以前食呢間逸之燒係要排隊等位嘅，因為呢度嘅氣氛同食物都唔錯，但隨住競爭越黎越大，人流亦都開始疏落，所以大家真係要幫幫手，支持小店！呢度嘅燒飯團依然係我嘅最愛，燒得香脆嘅飯粒表面搽上日本醬油，好有日本風味。豚肉荔枝串係一個唔錯嘅佐酒小食，薄薄嘅豚肉捲住荔枝肉一齊燒，食落都冇咁乾。皇帝蟹炒飯用蟹蓋裝住，淨係睇到都覺得好有蟹味。蟹籽沙律去皮去得好乾淨，幾乎見唔到有深綠色嘅青瓜皮。磯煮鮑魚剌身煮得好入味，質感煙韌彈牙，由於真係太好食嘅關係所以我地決定每人一隻唔駛爭。食日本嘢就梗係要食下壽司啦加州卷就出邊有好多蟹籽粒，入邊就當然唔少得爽口嘅青瓜西京燒真係好抵食，啖啖肉，又小骨，仲要好滑身

今日到元朗逸之燒，主打串燒、日式火鍋等日本料理，門口裝潢帶日本小店風味。晚上7:30左右，店內大約有八成滿，亦很快安排入座。入座後立即看餐牌，點了幾款冷盤刺身。首先是前菜：蟹子沙律$58有大量蟹子，有足夠的沙律醬，青瓜是很新鮮，份量亦都很大。雜錦刺身拼盤（二人）$288刺身有驚喜，一共有八款刺身，每一款魚生刺身都是厚切，很大份量，口感豐富，中間鮑魚已經一開二，已經醃製得很入味。海膽都很大一片，海膽味濃。厚切特大帶子很爽滑，鮮味十足。另外在夏日時令餐牌， 聽取了店員介紹，點選了三款，果然沒有介紹錯。第一款是文甲魷魚海膽刺身$88，擺放10分精美，海膽大大舊，魷魚切法特別，吃起來很有口感，內裏還包住一層紫菜，魷魚鮮味十足，這個真是10級推介， 一定要試！近鏡海膽和魷魚刀法第二個推介是火灸左口魚裙邊壽司$24，魚生燒過後暖暖，入口嫰滑， 而且亦很便宜。第三個推介是豚肉紫蘇廣島蠔串$38:外面豚肉片燒得脆脆的，中間有一層紫蘇葉，裹著廣島蠔， 配上甜燒汁，配搭特別，而蠔本身口感和味道都很出色。最後點了一款安格斯牛小排鍋$238包括一碟安格斯牛小排片，一盤雜菜菇豆腐竹輪，另有一份都滔庭烏冬。湯底可