酒泉日本料理 (已結業)

元朗美食多籮籮 世界各地美食都有 有連所有自家經營小店 今次朋友話想食日本菜 行過見呢間鋪面幾大 又坐滿人 一定唔錯 由已經晚上8點幾 店舖坐滿人但唔多人等位 10分鐘左右就入得👍🏻👍🏻 餐牌款式多🤤🤤 樣樣都想食😆 叫左 蟹子沙律🥗、 玉子壽司、帝王蟹柳壽司、芝士三文魚子軍艦、芥末八爪魚軍艦、辣味三文魚軍艦、蝦天婦羅反卷、鹽燒鯖魚配地獄湯底讚岐烏冬蟹子沙律非常之好味！青瓜絲夠凍 沙律面仲有一層好厚嘅蟹子🤤🤤👍🏻👍🏻 芝士三文魚軍艦裏面嘅芝士味非常濃郁😝 不過唔可以食得多會好膩🙈 而蝦天婦羅反卷 隻蝦係即炸 仲脆卜卜🍤🍤 鹽燒鯖魚都係即叫即煎非常之香 有魚油味👍🏻 但個烏冬地獄湯底已經叫左小辣 但都辣到食唔到🥺 （自問平時都鐘意食辣🌶）食唔到辣嘅朋友仔千祈唔好嘗試呢個湯底😂😂

打風前夕 打算喺元朗食個快飯就返屋企 行經教育路見到唔使等位 嗰時仲有5分鐘先到六點 老闆話仲叫得切得切下午茶 所以就入去食啦 😆一行四人都好肚餓 一口氣嗌咗好多 其實平時晚餐都唔貴 但下午茶更加抵 🤑環境都算乾淨衛生 入到去都有七成滿座 唔算太迫 不過嗌咗咁多嘢食 張枱有少少唔夠擺 🤔等左未夠5分鐘啲嘢食就開始上啦 上菜速度好快因為掛住食。。有啲嘢食冇影相 個薯波都幾好味 軟殼蟹反卷就麻麻哋。。太大舊飯埋單＄292 呢間野啲飯比較大舊 所以大家要量力而叫 😂 我地食到尾段已經飽到郁唔到

第一次來這裡，以前已經聽說這家的壽司很超值，今天來這裡真的沒錯。兩個人點了一個大的蟹子沙律，初時還以為是普通的份量不會太大。。但食物來到的時候我真的是目瞪口呆 可以用一座小山來形容它!!接下來是壽司，鰻魚是拖尾超級長的，不過其他味道一般然後最後是熱食，雞翼挺香口，一口牛就比較硬。整體尚算可以，以份量來說價錢不算貴

約舊同事食飯，大家都想食日本野，有人提議酒泉，於是就黎試下。個晚我最早到，所以付責等位，差唔多七點，門口已經好多人，等左三十分鐘左右先有位，舊同事剛到，時間真係啱啱好。三個人，叫左八樣野，其中三樣係特大壽司。三文魚壽司，真係好大！好味！有機三文魚壽司，又係好大！我無食，同事話同平時食開D一樣。蟹子沙律，超大，青瓜好新鮮，好多蟹子同蟹柳，不過太多沙律醬，食到底有D酸。南瓜同蕃薯天婦羅，啱啱炸起好熱，無好油，算唔錯。鰻魚卷，無乜特別。燒青魚，好大條，見到咁黑本來好失望，點知去皮後入面好JUICY，好好味！推介！！仲有叫左八爪魚壽司同三文魚刺身，唔記得影相，前者無食，三文魚刺身好肥美，厚切，正！我地食得慢又加上吹水，成三個鐘先走，其間侍應不停幫我地REFILL茶，亦沒有趕客行為，讚！D野好食，份量又足，有服務，唔怪之得要等位啦。

好朋友生日, 所以約出黎提早幫佢慶祝,0個日大部分人喉嚨唔多舒服, 所以提議去食日本嘢, 由於未試過酒泉, 所以就決定去一試0個晚7點過dd就等位, 等左成個鐘先入得, 嗌左...1) 芥辣八爪魚壽司 (幾好食~)2) 三文魚壽司 (無食)3) 甜蝦壽司 (d蝦幾新鮮)4) 醋青魚壽司 (無食)5) 炸蝦卷 (除左個汁, 壽司ok, 因為個汁有d芒果味...)6) 炸豆腐 (一般)7) 蝦粥 (一般)8) 蟹子沙律 (好味, 多蟹子多青瓜多沙律醬)9) 拉麵 (一般)元朗d日本料理多係以大件夾抵食出名, 所以對味道有要求0既就唔建議喇