無名拉麵 (已結業)

日日午市都有人龍，品質都應該有番咁上下。拉麵店黎講，湯底嘅選擇佢算係多，豬骨，味噌，蝦湯，蟹湯，辛辣，鍾意海鮮湯底就要試試。海老味噌湯都試過幾次，蝦湯反而未試過，而蟹湯就第一次見。蝦湯深啡色湯，有櫻蝦, 入口蝦味濃到甘，佢唔鹹，但味超濃，濃過星洲laksa蝦湯，少少腥, 飲得多有啲膩。蟹湯讚!讚!讚!冇蝦湯咁濃，有少許甜，蟹味啱啱好, 完全唔腥, 比蝦湯creamy好多，入口順滑，最後我連湯都飲哂。豚骨湯有肉味兼且唔太油，層次分明，有野菜嘅甜味，口感偏薄。叉燒薄切，用焗爐(salamander)烘過，有油香但偏鞋。豚拖羅即豚臉肉，香港叫肉青，近豬頸肉但比頸肉油份分佈均勻。同樣烘過先上碟，入口即溶，冇筋，但脂肪含量極高，有少許豬臊味，多吃會膩。麵有粗幼軟硬選擇，幼麵硬麵可以再硬啲, 粗麵硬麵很不錯。荀未夠爽脆，有啲冧，有啲筋。蔥，芽菜選用博多蔥及獲獎芽菜，小弟未有能力食出箇中分別。溏心蛋賣相味道達門檻總括係，蟹湯一定要試，蝦湯齒頰留香，豚骨湯層次分明，豚拖羅可以一試，其他中規中矩。仲有, 果兩位女店員好man, man到有時覺得佢地冇禮貌, 說話冇尾音, 面偏黑, 長期將笑容埋藏於內心。

個人一直喜歡吃拉麵...有位跟喜好相近的朋友總會間中揾我一齊去吃麵...今次去一間我地好耐之前食過既拉麵店 "無名拉麵"今日早早2點就黎到門口, 的骰既店面頗有日式風味, 事實上店面亦頗細小, 坐25人左右, 吧枱可以近距離看師傳煮面, 它係中環商業中心及soho區, 不時有人排隊,但今日我地2點先食Lunch, 避開人潮高峰期,所以唔駛等位店很有日本風味, 之前一次食,記得d師傅係日本人, 樓面仲用簡單英文同佢地溝通, 今次我地就坐係吧枱-師傅前面, 每當有客人進來, 他們都會以日語說"歡迎", 感覺像是到了日本一樣..........但差唔多食完時,先聽見2位師傅細細聲用廣東話講野......感覺被騙了但論味道, 算不錯, 麵店就只提供6款拉麵, 按個人喜好選擇麵硬度及麵款, 可以加配料, 我們分別點了蟹湯拉麵,日本葱拉麵及餃子, 等左一陣, 熱騰騰的兩碗麵送到面前, 很香, 先嚐一湯, 湯底算甜, 夠香....再試下麵, 很有咬口, 麵係剛熟, 不太諗, 係啱啱好, 那片日式叉燒好淋,正! 味道亦好好, 我地都覺得雖然差不多100元吃一碗拉麵好貴, 但都值得既, 會再食!