殿 大喜屋

营业中

休息中

之前食過其他大喜屋系列 所以今次同男友一早預約左8點係尖沙咀食殿大喜屋 好似話係最頂級既大喜屋？咁就要試過先知啦早左15分鐘上去 好彩係平日即時可以入得 原來都有好多人食 個場都幾大 坐得好舒服坐好當然即該點野食 點單紙同其他大喜屋一樣都分好曬唔同類別 可以更清晰快捷咁點到自己想食既野 飲品、甜品、雪糕、手卷要自己出去拎出到去先係正面見到一大個超高既雪櫃 放滿曬好多唔同既有氣飲品 拎完我先發現原來右手邊有果汁飲料同清酒梅酒？果然係唔同d 鐘意飲酒既朋友就有福啦返到去 已經黎左好多碟野 上菜果然快速 如果係肚餓既朋友就會好感動 每碟既擺碟都好工整好細緻 就算係只點上一件既食物都唔馬虎 有高級料理既感覺 相機食先既朋友實會影過不停刺身 大部分都係比較厚切 食落好有滿足感 相比上拖羅就細件d 油脂分佈均勻 入口即溶 2種蝦都算大 又爽口又鮮甜 蟹腳啖啖肉 正！呢個部分果然係比較高質 熟食、炸物樣樣都唔錯 值得一試今次就無咩點食甜品 因為食主食都超飽啦 可能我細食啦 哈哈但我都一定會再黎 試曬佢d甜品 因為真係超多啊 有第二個胃既你 殿大喜屋實滿足到你哦

朋友說近期開左一間高級版放題，「殿」聽個名都知貴野好奇地想知什麼新Gimmick!一入到去確實有不同，水晶燈加上闊落卡位好像浮誇餐廳，明顯不是走平民路線。放題都有自助餐區夠囇特別。最估唔到有松葉蟹腳，超級肥美。和牛薄燒真心第1次見～另外鵝肝和牛燒，三文魚腩燒，左口魚，松葉蟹伴玉子燒及鰻魚全部即點即做，貌相相當吸引食物夠鮮甜高水準。海膽軍艦味道清甜，入囗極滑，必食之選。試過刺身壽司等沒有雪味並吃得出每件壽司件件手搓的柔軟質感。另外放題有西式食物真的非常出色。煙肉芝士焗蠔，煙肉配上芝士充滿鹹香加上香煎廣島蠔，蠔味突出夾上脆口多士口感很有層次一樣。超喜歡虎蝦，首先睇已經吸引入口非常入味👍👍👍香煎三文魚出奇地好，仍然保持幼嫩肉質不太硬配上醬汁一絕。此店雖然有30款師博自製甜品，但偏偏有2個大名牌雪糕任食還有我的最愛紫薯味道😍喪食雪糕不是夢。值得一讚，此店收碟速度其高，下次會帶更多朋友一齊光顧。