茹絲葵牛排餐廳

隔左幾個月先得閒寫食評🤣情人節去左呢間開左好耐嘅扒房，裝修上係經典美式扒房，有種回到8/90年代嘅氣氛，啱哂約會😏。1. 餐包普普通通，得牛油比你，牛油冇特別調味🤔。不過都好貼心，有用餐巾包住😗。2. 蟹餅係我食過咁多間扒房最好食，佢個蟹味非常濃郁，夠熱夠脆，裏面嘅蟹肉非常細嫩，份量我覺得比其他扒房更加大，非常推介！😛👍🏻👍🏻👍🏻3. 我哋點咗Rib-eye（5成）同sirloin （3成）😼。兩者牛味非常濃郁，平時食開rib eye都會覺得比較細嫩，但呢次sirloin 反而嫩滑過rib eye🤔，雖然有可能關熟度事，但我覺得明顯肉質優勝過rib eye，而且油脂上居然都更肥美，因此我會推介食sirloin♥️。調味上兩者黑椒同鹽嘅比例適中，記得問侍應拎mustard~ 食到後面可以解一解膩總結：性價比偏高，唔會玩花俏野，適合想品嚐牛扒原味嘅人😋

尖沙咀這間扒房絕對不會令你失望～一旦我想起想吃牛扒，必定會光顧！他們家是西式懷舊風格，深木色的裝修，店員都相當親切，服務周到～當晚慶祝生日，必點他們家的龍蝦湯，相當鮮甜香濃，內裏也有龍蝦肉，推薦👍🏻第二款是生牛肉片，牛肉甜美，切成薄片不會韌，配上香脆的麵包是絕配。第三款是他們的牛扒，他們會先暖碟，碟的溫度很高，謹記不要碰，碟的溫度保持牛肉的溫度。他們的牛扒如要求的熟成度，如嚐過菲力牛扒、肉眼，均肉質鮮嫩，相當不錯！最後一款不能錯過的是他們家的甜品，芝士蛋糕！他們家的芝士蛋糕真的真的非常推薦！蛋糕質地綿滑，流心的質地令人不禁可接一口，而且不會過膩，連不太喜歡芝士蛋糕的我也愛上了他們家的芝士蛋糕！十分推薦！👍🏻

想食有質素嘅牛扒，又想有景有情調，我覺得呢間Ruth's Chris 絕對係其中一間可以去試下佢係香港都算比較有名，但價錢方面又唔算好貴，有海景睇一路食牛扒🤤🤤檸檬牛油蟹餅上枱嘅時候，侍應提點隻碟好熱唔好掂，見到上面啲牛油係滾架，牛油嘅香味係撲鼻，再加啲新鮮嘅檸檬汁上去，清香嘅味道完全解除咗佢洗油膩感，佢呢個蟹餅真係啖啖都係蟹肉，好滿足😍New York Striploin2個人叫咗個medium 嘅16oz，非常夠食，生熟程度見到師傅嘅功力，控制到啱啱好。好多人未必鐘意食striploin 係因為唔靚嘅會好韌，但係呢舊就無呢個問題，好淰滑，但有啲咬口，唔會無哂口感我地仲嗌咗個洋蔥圈添，每一件都好大好脆，擺咗m陣都仲好脆，望落去好似好厚粉，點知原來好薄仲洋蔥味好香，係一個會食到停唔到口嘅洋蔥圈

已經不是第一次來這餐廳，我們通常會叫一個套餐 兩份食另外再散嗌一，兩款食物！今次都唔例外， 今次我講嘅事件唔關食物事 ，因為牛排keep到質素， 而且蟹餅亦都好好味~但唔愉快嘅事件係遇到一個不誠實的侍應， 食到尾聲我哋個餐會有甜品， 這個侍應呢個時候就捧住四款甜品出嚟叫我們揀， 我哋揀一個芝士蛋糕 , 揀完我仲諗: 今次有咁多款選擇嘅,比menu多咗wo, 個蛋糕嚟到都好好味我哋好開心啦, 到埋單嘅時候發覺蛋糕要$125, 我就問侍應點解會係咁？唔係我哋個餐有包甜品咩？ 佢之後就話你哋嗰餐係包括甜品，不過你食嗰個唔係， 我哋就話你畀我哋揀㗎喎， 之後佢先話有得將個蛋糕加30零蚊轉做而家我哋食緊呢款蛋糕！😡😡 首先 如果要額外加錢嘅蛋糕點解唔一早講，第二原來如果嗌餐嘅話轉甜品原來只需加三十幾蚊，點解要我check單發現佢收正價先同我地講 其實加錢轉都可以…… 另外我哋個餐有甜品點解唔直接畀我哋，而係特登叫我哋揀， 實在過份！ 食物係好，但係請到啲咁嘅夥記真係影衰晒😠😠😠😠😠

微暖的包, 內軟, presentation略欠新意新鮮蔬菜, 爽脆鮮味露荀, 讚!不差的蟹餅, 若然蟹肉味可再多一點便更好, 因為效果稍為淡, 賣相OKFilet Mignon剛好, 是要求的溫度, 這點是很重要的, 滿意! 大蝦都可以, 雖然未有鮮味, 但大大隻很好肉, 肉質未有因被煮過而失去味道十分美味的羊架, 恰到好處, 當然沒什麼羊羶味, 完美肉質, perfect!服務當然好, 食物都是一分錢一分貨的比例, 這是肯定的世界定律呢!

哈哈，今年既生日飯轉去食好野，我同男友都係第一次去Ruth's Chris食~~氣氛、食物都真係唔錯，亦都幾乎全程要用英文同侍應對答~~哈哈，我地未試過要用成2個鐘頭食一餐晚餐，總括成晚既晚餐，讚到爆~~