雄興美食

营业中

休息中

嚟原本想食第二間茶記小茶館，不過無開行喺附近就搵到喱間潮州餐廳，人又幾多就入去試試，例牌點咗個蠔仔粥，蠔仔大大粒幾鮮甜，唔錯嘅選擇，因為兩個人都食唔到好多，唯有叫多個滷水鵝試試。不過喱樣就比較失息了，唔喺幾入味，肉質都唔夠嫩。環境嚟講都喺同一般打冷舖一樣，好多時人少都要搭檯，不過勝在出餐翻檯夠快，所以喺附近大排長龍時，又搵唔到岩食嘅都喺一個唔錯嘅選擇，不過不失似終打冷都唔會差太遠，價錢都尚算有少少偏貴的。

一到深夜就會口痕痕想食潮州菜黃大仙銀鳳街一間小店 雖然比較吊腳 但亦是黃大仙區難得一間有水準價錢又合理嘅潮州打冷小店店內就只有七八張枱 二人晚上10:30不用等位就可以入店內進食 選擇不算多但重要的是食物質素良好首先點咗一份蠔餅 ($60)蠔餅即煎即上 一到就熱辣辣又脆卜卜 粉漿唔會太多蠔肉夠肥夠多 而且份量超級大 两個人完全食唔晒 配上魚露同胡椒粉 真係無懈可擊本人十分鍾意食蠔 所以情不自禁地點了蠔仔粥 有分大，中，細我地两個揀咗中size($45) 份量啱啱好 雖然食到一两塊蠔殼 但整體上好好味 好多蠔 蠔嘅size又適中 加了些魷魚仔超級滿足 每人食咗3-4碗仔粥仔 暖肚又飽肚好中意幫襯啲小店事頭婆好nice 舖頭雖細但好有街坊氣氛

今日同朋友係附近睇完戲，佢地突然心血來潮話：不如打冷！然後大家都同意, 我就上左openrice搵一搵附近有咩餐廳專食打冷，發現左呢間，d comment都ok😊不過可能係假期，所以都等左有少少耐呀。我地5個人係門口都等左差唔多半個鐘，估唔到呢間街邊鋪頭都可以咁旺，睇黎出品係唔錯。終於有位，一坐低我地就忍唔住即刻叫野食呀。比大家睇下我地叫左咩啦！其實成台野食都好味，特別想講蠔仔粥。估唔到食碗野咁多蠔仔，食極都仲有。d粥好鮮甜，配埋胡椒粉真係冇得頂。仲有蠔餅都好香口，又係好多蠔仔，食落又唔覺太肥。好想再叫多一個！住係附近既朋友一定要黎試呀！

星期日同班guy friend 一行六壯士行完山來依度開飯。七點都未夠已經要等位，認真「巴閉」! 而且佢地冇派飛，場面有d混亂不過以佢地既食物質素同價錢來講，真係咩都抵番晒! 鹵水鵝 ---------- 一個字「正」! 我去「汕頭」都食唔到咁好味，鵝肉非常「肥美」之餘，堆頭又夠 我地6仔個大男孩都食到飽飽韮菜豬紅 ---------- 勁入味，第二度絕對食唔到蠔仔粥 ---------- 非常「足料」又夠鮮味，必食! 春菜炆腩肉 ---------- 稍微遜色之作，因小弟曾在九龍城創發食過更好的，不過尚算好味。墨魚拼大腸 ---------- 正路水準不過特平價錢，鐘意ge朋友可以叫此外，我仲叫左兩支藍妹、6個白飯，埋單$315!!! 總結，依度除左坐得比較迫，地點吊腳、等位亂之外，其實o野都係無得彈ge! 因此，我封依間店做「打冷王」!