十兄弟車仔麵 (已結業)

款式選擇相當豐富的車仔麵小店，每一款招牌配搭都有想試的衝動，結果點選了自己最常吃的款式。自選車仔麵 ($79)• 我選擇的是四餸車仔味，加上小辣咖喱汁、多蔥和辣菜脯。湯汁因為有咖喱的緣故而十分惹味，辣的程度亦點到即止。香辣玻璃魷魚• 不愧為店裡皇牌之一，魷魚口感緊緻脆口而彈牙，辣味滲透均勻。蠔皇紅燒鮑魚 (兩隻)• 同樣是皇牌的食材，一口一顆，口感煙韌而且彈牙多汁，十分滋味！通菜• 份量絕不吝嗇，鮮嫩爽口、葉的部分吸收了湯汁變得惹味。香辣陳皮魚蛋• 口感紥實彈牙，充滿魚肉、陳皮和香料等味道，輕微的辣度令人食指大動。整體而言食物水準、其獨特性以至出餐的速度都是一間質素頗高的車仔麵店。

香港嘅車仔麵有無數咁多間，但食完會encore嘅就真係唔算多，但食完呢間會有想再食嘅念頭~ 今次嚟開灣仔經過呢間車仔麵舖見到款式都幾多，仲有幾特別嘅菠菜麵底，即係狗衝入口食個晚餐！✨招牌八寶麵 - $55 已經包左8樣餸又幾抵玩，佢個牛坑腩好淋好入味，白蘿蔔夠清甜！豬紅都好足料，仲有唔係度度有嘅陳皮魚蛋，夠晒特別，同埋唔少得個腩汁湯底，係車仔麵嘅精髓，一飲就知佢係有料嘅😜✨自選車仔麵 - 我揀左個推介嘅紅燒鮑魚，好爽口彈牙，仲有鮮蝦韮菜餃，裡面真係有大大隻蝦😻同埋我至愛嘅菠菜麵底，軟硬度適中，口感好正🤤✨小食拼盤 - 炸燒賣當然係冇得輸，鮮蝦雲吞卜卜脆，炸墨魚春卷就外脆內軟，食到停唔到😋 另外仲有紅腸同墨魚丸，多款又抵食！！✨無糖豆漿 - 似係店舖自己磨，雖然叫左無糖，但好香豆味，同埋好滑🤩

今日啱啱喺灣仔有事情要做，忙完之後都晚上八點幾啦，於是就喺附近搵咗間車仔麵店食呢間麵舖可以用qr code自助點餐，而且唔想食麵嘅人亦都可以轉蔬菜底🥬<自選車仔麵> $64(米線|腩汁|柱侯牛坑腩|鮮蝦韭菜餃|鮮蝦雲吞)米線煮得剛好，唔會好硬身亦都唔會太軟淋，牛坑腩尚算入味；兩款餃子&雲吞各有千秋，不過更喜愛鮮蝦韭菜餃，因為除咗鮮蝦之外仲帶有韭菜嘅香味，腩汁唔會搶咗原本配料的味道， 食到原汁原味，凍豆漿不太甜幾好<呢碗唔野少> $75(烏冬|咖哩汁|香辣玻璃魷魚|鮑汁魚肚|日本珍寶蟹柳|蠔皇紅燒鮑魚(兩隻)|順德魚腐)呢碗麵個名幾特別🤣配料份量真喺唔野少！咖哩汁香濃，烏冬彈牙，成碗麵共有五樣配料，其中最特別嘅梗喺紅燒鮑魚😎我都估唔到車仔麵有鮑魚可以食～鮑魚口感入味得黎有咬口，至於其他配料方面，玻璃魷魚爽口，隱約帶少許辣味；鮑汁魚肚口感偏軟身，吸曬啲湯汁