雄興美食

营业中

休息中

揾宵夜食，行過見到潮州打冷就試下，食左炒通菜，鵝腸、韮菜豬紅(豬紅普通，因為唔太入味）同蠔餅呢個蠔餅超正，係啊，唔係港式炸蠔餅，同老闆傾計時，講開好掛住我之前返鄉下食的煎蠔餅，佢無出聲，拎到出黎就係煎既，食返個種味道，不過老闆話人多就整唔到啦，超正

一到深夜就會口痕痕想食潮州菜黃大仙銀鳳街一間小店 雖然比較吊腳 但亦是黃大仙區難得一間有水準價錢又合理嘅潮州打冷小店店內就只有七八張枱 二人晚上10:30不用等位就可以入店內進食 選擇不算多但重要的是食物質素良好首先點咗一份蠔餅 ($60)蠔餅即煎即上 一到就熱辣辣又脆卜卜 粉漿唔會太多蠔肉夠肥夠多 而且份量超級大 两個人完全食唔晒 配上魚露同胡椒粉 真係無懈可擊本人十分鍾意食蠔 所以情不自禁地點了蠔仔粥 有分大，中，細我地两個揀咗中size($45) 份量啱啱好 雖然食到一两塊蠔殼 但整體上好好味 好多蠔 蠔嘅size又適中 加了些魷魚仔超級滿足 每人食咗3-4碗仔粥仔 暖肚又飽肚好中意幫襯啲小店事頭婆好nice 舖頭雖細但好有街坊氣氛

今日同朋友係附近睇完戲，佢地突然心血來潮話：不如打冷！然後大家都同意, 我就上左openrice搵一搵附近有咩餐廳專食打冷，發現左呢間，d comment都ok😊不過可能係假期，所以都等左有少少耐呀。我地5個人係門口都等左差唔多半個鐘，估唔到呢間街邊鋪頭都可以咁旺，睇黎出品係唔錯。終於有位，一坐低我地就忍唔住即刻叫野食呀。比大家睇下我地叫左咩啦！其實成台野食都好味，特別想講蠔仔粥。估唔到食碗野咁多蠔仔，食極都仲有。d粥好鮮甜，配埋胡椒粉真係冇得頂。仲有蠔餅都好香口，又係好多蠔仔，食落又唔覺太肥。好想再叫多一個！住係附近既朋友一定要黎試呀！

今日老豆生日，知道佢鐘意食潮州菜，於是我地一行5人6點鐘到雄興等位，但已經坐左大半客人。 叫左鹵水鵝片，煎蠔餅，豬紅，咸雞同蠔仔粥。 首先係鹵水鵝片，都幾滑同有香味， 煎蠔餅都幾爽脆，份量也算多，豬紅同咸雞就不過不失，尚可以。最後是方魚芥蘭同蠔仔粥，方魚炸得好香口同爽脆，味道都不錯，個蠔仔粥就好出色，D蠔仔都幾肥，同埋方魚都不少，仲有D湯奶白色的，好鮮甜。整體食物質素都幾好，價錢又抵，加埋飲啤酒，平均每人都是百零蚊，下次有時間會再來的

突如其來紅色暴雨下的晚餐…紅色暴雨的來臨的確令人手足無措，所以我們晚上七時多來到時，店內人不算太多，我想他們還在與紅色暴雨抗爭中…兩星期前我還和爸在這裏慶祝生日，上次的一餐是出乎意外地好，所以今晚也再encore豬紅、蠔餅、鹵水鵝、潮州粥，無可否認，是必吃的。清淡的潮州粥配上豬紅、蠔餅、鹵水鵝等濃味的食物，不用多說也知道是很match。至於豉椒炒蜆同枝竹炆腩肉係今次第一次點。炒蜆整體okay，只係三四舊食島有沙，起碼唔似出面d餐廳咁成碟都係殼，想搵舊肉都不知幾難。枝竹炆腩肉講真就真係麻麻喇，色水一望就無乜，食落口亦淡 “戊戊”，我食嘅時候要點番d豆瓣醬至okay番。總括而言，上次的整體水平比今次好d : 上次食嘅蠔餅大底d，今次細咗些少﹔另外，今次食嘅鹵水鵝加咗少少價（都係加咗五蚊啫）﹔今次略為失望嘅都係枝竹炆腩肉，早知叫大雜燴。三個人總共叫咗五個餸加四個潮州粥，埋單一百八十左右。期待下一次的高水準之作…