金華冰廳

营业中

休息中

正所謂一日之計在於晨，是日特意早起同男友食早餐去，去左人氣茶記-金華冰廳，食番個靚早餐先😌（其實冇食咁多野，因為我地連續去食左兩個朝早😆）話說平時晏晝打後經過親金華條隊都長到乜咁…早上的金華冇左人龍，小左遊客；多左人情味、街坊（仲可以唔使搭枱添）分別叫左沙嗲牛麵同雪菜肉絲米、菠蘿油同西多沙嗲牛麵同雪菜肉絲米 係早餐，早餐必配 腸仔、蛋仲有片火腿，以38蚊連熱飲既價錢，我覺得係超值。西多 早餐就已經有得叫，係有小小喜出望外（仲以為係下午茶先有）西多外邊炸得金黃鬆脆，食落有滿滿嘅蛋味；配埋內裏鬆軟嘅口感；仲有淡淡的檸檬🍋香味（《—-男友話）加上滿滿的糖漿（完全就是細個對西多美好的印象😌）至於菠蘿油，真係覺得好驚喜！食落，又係有淡淡的檸檬香味🍋軟熟嘅麵包內涵有淡淡的甜味；外皮脆脆而且暖暖地；中間夾著厚厚凍凍的牛油片😍我中意個口感同味道👅整體就是傳統好味的茶記味道🥰%話說第一日幫襯，落單姐姐都是廣東話；第二日幫襯嘅時候，落單姐姐都操流利的普通話加歪歪哋嘅廣東話😅可能而家香港真係冇乜人肯做啲咁辛苦嘅工，就業機會俾晒啲冇咁純正既香港人🧐—————————-以上食評 完全自費 沒有任何資助

來到呢間名不虛傳嘅金華冰廳，其實都不需要我介紹太多，剩係openrice上都有數以百計食評。但我需要講的係，肯做蛋撻麵包的茶記其實買少見少👍，金華仲有佢哋招牌菠蘿油🧈，絕對要坐低慢慢食。其實今時今日茶記好多都放棄造麵包蛋撻，原因好簡單：時間⏱，成本💰。其實隨便做個碟頭飯，時間可能5-10分鐘，賣就賣到4-50蚊。相反，要做一個菠蘿油，由搓麵粉，發酵，入焗爐，焗成個鐘至出爐，仲要凍左就唔好食要報銷。每一個步驟都係時間，每一段過程都係心血💖，偏偏一個都係賣10蚊8蚊💸。今時今日，非常多舊式茶記已經放棄整包🥯，新開茶記通常都不會安裝焗爐焗麵包。偏偏金華仍然堅守陣地，默默做好自己的菠蘿油，做好自己的蛋撻。多年以來，依然對得住自己招牌，依然於一直變幻的城市中迄立👍。今日遞到枱前的菠蘿油，仍然外皮香脆，咬到嘴邊彷彿食薯片🔶一樣食到索索聲，咬開之後又不會皮包分離，讓你同時食到香脆外皮，又食到麵包柔軟以及牛油香滑，基本上係全港麵包舖都難以達到的水準。🤩總結來講，香港人都要好好珍惜仍然整麵包，甚至係對自己麵包有要求的茶記。香港呢個百物騰貴的城市🏢，要專登放個焗爐，用大量時間心血整麵包，其實實在難能可貴。

作為港式茶餐廳嘅忠實fan，金華冰廳一定係我唔可以錯過嘅餐廳！一入到去就見到香港舊式嘅餐廳格局，雖然卡位比較擠迫，但係食落會好有香港嘅味道伙記全部都係香港人，而且佢哋態度好好，唔會因為忙而鬧人～我揀咗一啲有香港特色嘅嘢食，其中菠蘿油同西多士係我嘅至愛！西多士甜而不膩，而且炸得好脆，即使我減緊肥但係都忍唔住嗌多份而菠蘿油係我朋友嘅至愛啦～啲牛油入口即溶，不過咁都阻止唔到我地食佢！我第二日仲幫襯咗多次添 

一開始如果唔係因為外國朋友來港我自己都未必知道呢間冰廳,馳名gei菠蘿油究竟有幾咁好食呢?答案係:真係真係真係無得輸!當然,好食其中一個主要元素梗係因為佢新鮮出爐新鮮上檯,麵包係熱已經贏一半.好多地方D菠蘿皮薄過紙,但呢度厚度夠,紋理分明,咬落去下下都係脆!但麵包就可以keep到軟熟連綿,加上依然有少少固態gei牛油,三層口感三個味道,叫我食三個都得!唔知大家會唔會同我一樣 次次叫完菠蘿飽都會好想叫西多士呢?加埋奶茶或鴛鴦真係好滿足~所以我同幾個朋友來的話一定會叫埋西多士,雖然佢唔係特別厚特別脆,但呢款正正係細個食的西多士,加埋糖漿邪惡度升級!有次外國朋友想吃蛋撻,我就第一次食,不過我覺得佢無特別,所以大家下次可以集中煩惱菠蘿油後使唔使追加西多士~~~

介紹台灣朋友來尼度開心下午茶☕叫左凍.熱奶茶.凍鴛鴦,覺得奶茶太濃有d苦澀,同侍應阿姨要淡奶來加,阿姨居然比成罐價錢唔平既黑白淡奶隨便我地落!真係好大方啊😍😄點左招牌波蘿油.酥皮蛋塔,菠蘿皮脆甜包中夾住塊凍牛油,咬落嘴度口感香酥.味道甜中帶鹹好滋味!蛋塔皮好鬆化,蛋漿幾厚又有蛋香,其他點左菠蘿豬扒包.西多士.雞批,不愧係知名老店,食物都好有水準！

經過旺角想吃下午茶，突然醒起這間的西多士及菠蘿油很有名，決定來試試！是典型港式的茶餐廳，沒有很寬闊的位置，而且需要搭枱，我們寧願不坐卡位！招牌蛋撻這個是見到別人點我才跟風！很久沒有吃過酥皮蛋撻了，但是這個蛋撻應該放了一段時間，溫度不夠，但酥皮味不錯西多士這是期待已久的邪惡西多士！熱烘烘的西多士漸漸把牛油溶化，再配上糖漿，吃下去的時候有淡淡蛋香，而且麵包鬆軟，感覺一流！咖喱雞扒芝士撈丁這也是邪惡的軸心！沒想到它是原塊芝士上！原來芝士跟咖喱這個配搭也不錯，這個咖喱是典型港式咖喱，不會太甜，也不會太難，味道剛好！但吃得太多會膩...凍奶茶茶味香濃，而且用上黑白奶，非常幼滑，令人一試愛上！其實我很想點菠蘿油來吃，但吃了這兩個已經很飽了，唯有下次！

不少人說金華冰廳的菠蘿油是全港最好，艾琳熊特意去試一試。新鮮出爐的菠蘿包，烤至金黃色的外皮很酥脆，包身又鬆軟，中間夾著的凍牛油慢慢地融入麵包中，冰火口感一流。不過，我覺得牛油不夠大塊，部份包身完全沾不上牛油，有點失色。西多士也是茶餐廳必食之物，炸到金黃色的多士，中間是花生醬，外層是鬆化的蛋漿，上面放有一大片半融的牛油，再淋上糖漿，簡直比菠蘿油更加「邪惡」。金華的西多士味道不錯，但比較油，也不見得比其他茶餐廳突出。另外，還食了芝士咖喱豬扒撈丁，份量很多，芝士醬十分濃郁，但多吃幾口就會開始感到膩，而且豬扒肉質較「實」。飲品方面，我沒有試這裡出名的奶茶，只是喝熱華田，並不特別。由於出名的關係，本地人和遊客都會光顧，金華冰廳經常人頭湧湧，坐位又狹窄，所以要有心理準備用餐時會不太自在。

蛋撻、奶茶、波羅油，點可以不選此間但坐位就不用想舒適喇，食物就一定要試下波羅油，如剛出爐，應會更出息奶茶，茶香，是懷舊風味西多士，傳統味道，正現在開多了間分店，不用等位👏

一星期工作的第一天, 下午茶梗係要對自己好啲~經過金華坐底之後, 二話不說就點了西多士 凍檸茶。西多士熱辣辣 大大嚿牛油係面 篤完D檸檬已經溶左大半了我亦都好快手 將佢切成5 X 5 一格格咁 再係面淋上糖漿但發現尼度個糖漿個蓋較難推開 要有耐性慢慢等佢流出來西多士有用去炸就大家都知, 但尼度唔會炸得特別耐 岩岩好外脆內軟, 唔會太油 分量岩岩好 

唔使等位，坐係卡座，與一師奶打對坐。見到師奶食緊Lunch Set，於是睇睇，其實都係一般的茶記餐。好，就叫一個肉醬煎蛋意粉餐，黎到無理由唔食菠蘿油，好，又叫一個，跟住見到西多士好似都不錯，都好，又叫埋。(唔好以為一個人，以上係2人份量黎架)叫埋兩杯飲品，凍奶茶同凍谷咕。肉醬煎蛋意粉: 意粉是港式的，即非常軟身，份量連女生都應可KO。肉醬無咩肉，外加橙色非常杰身的醬，還可以，但不算好食。肉醬上跟一隻生雞蛋，但因肉醬其實唔算好熱，所以生雞蛋就算拌均食都食到一撻撻的透明蛋白。菠蘿油: 此店名物，果然好味！外面脆口，而且皮身不易掉落，點解既呢?勁呀！而安佳牛油味濃就不用說，牛油凍凍地加上菠蘿包，簡簡單單已遠遠勝過一切。西多士: 雖然都係配上安佳牛油，但真心的唔覺得超好食，只係一般已而，而且花生醬也只有薄薄的一層。凍奶茶同凍谷咕: 凍奶茶老公說都不錯。而凍谷咕就味真淡，我諗我都係比較重口味，雀巢朱古力都係岩我多一點。

本來今日陪朋友一齊去金華食個TEA, 但最後到7點幾先到其實, 間茶餐廳都幾方便喎; 因為係正花園街之間既路; 行一陣街就可以入黎休息一下, 都不知幾正囉一坐低, 第一時間當然就叫菠蘿油加奶茶啦; 再來就係, 旦撻同西多士好快D野食就上枱:菠蘿油真係好好食; D皮好脆, 加埋塊凍牛油, 哇, 好正呀!!!奶茶一D都唔澀; 好濃奶香味, GOOD!!!旦撻新鮮熱辣, 皮脆旦嫩, 咪就係用黎形容佢囉西多士似乎失色左好多; 普普通通啦另帶一提, D到既侍應同老世都好NICE呀