金羅寶韓國料理

营业中

休息中

金羅寶可說是香港韓國料理店的老大哥，屹立銅鑼灣超過二十年。今晚和朋友於Sogo購物後，突然想吃傳統正宗韓式烤肉，不期然便想起去金羅寶。🥗秉承韓國料理的傳統，未上主菜前，服務員已把十道特色前菜小食奉上～包括大豆芽菠菜、魚糕、銀魚仔、泡菜及薯仔等，令人食指大動。🪱韓國淡水鰻魚～鰻魚從韓國直送，上枱時整條已一分為二。服務員親手為我們燒，而我們則全程欣賞着她熟練的烹調技巧。鰻魚燒得香氣四溢，外脆內嫰，充滿油香。燒好的鰻魚剪成一件件，加上薑絲，檸檬汁及特製醬汁，再放於紫蘇葉或紫菜上吃，口感特別，真是JMT(韓文：非常好味)！🥩烤牛肋骨肉～牛肋骨肉已預先調味，只需輕微烤一會兒，便可吃到油脂豐富，甘香惹味的肉質層次。🍲豆腐辣湯煲～湯料十足，有蝦、蜆及豆腐等，辣度適中，熱騰騰，鮮甜美味。🍨甜品：曲奇/朱古力雪糕～一頓完整的晚餐，又怎少得甜品呢？金羅寶窩心地提供紅棗茶或雪糕供客人選擇，吃過熱騰騰的主食後，當然希望吃些冰凍及透心涼的雪糕中和一下吧。我們吃完果真大滿足，捧腹而回。😋😋

銅鑼灣金百利廣場呢間韓國餐廳幾唔錯，同朋友晚餐試咗佢幾樣野，我哋都幾滿意🌟前菜同喺韓國一樣，有免費前菜，款式好多，味道正宗🌟調味牛肋骨肉🌟牛脷點咗兩款牛嚟韓燒，我比較鍾意醃咗嘅牛，呢個牛肋肉醃得幾香甜，烤完都好淋好嫩，個汁亦冇蓋過牛嘅味牛脷幾爽口，我仲拎咗幾片去點下牛肋肉個汁然後去烤，味道別有一番風味🌟雜錦海鮮辣麵食韓國野梗係要食個辣麵先得，呢個湯底充滿住海鮮嘅甜味，辣度易入口，海鮮有蝦、蜆、青口，份量都合理最初以為麵底係辛辣麵，原來係烏冬，口感煙韌又掛湯🌟泡菜煎餅估唔到咁大份，食完超級飽，不過呢個煎餅整得幾出色，外面微脆，入面仲軟身，夾喺入面嘅泡菜都多，但唔會太辣，反而果個醬汁仲辣🌟雲呢拿雪糕埋單有雪糕或紅棗茶送，雪糕有朱古力味同雲呢拿味整體食物質素幾好，而環境寬敞，適合同朋友黎食飯傾計

呢間韓國餐廳, 自從食過一次後, 耐唔耐就會心思思想食, 好在佢地點方便, 放工過去都唔要好多時間坐落無耐就即刻送上熱茶, 食具都好韓式指定動作, 8小碟唔同款式及味道嘅前菜就送上, 一時之間已經佔據左半張枱面, 最愛佢嘅甜薯仔塊, 綿滑香甜; 魚乾仔又惹味, 用黎送酒就至岩數!呢到嘅烤肉類份量絶對對眼, 睇下呢碟牛脷 ($158)就知無花假, 將顏色靚仔嘅牛脷切成薄片, 舖滿整個碟面, 另有檸檬可以加D檸汁增加鮮味!咁薄嘅牛脷只需輕輕一燒就已經食得, 點上枱上附設嘅椒鹽油好鬼夾, 口感脆中有帶點嚼口!  個人黎講比較鍾情牛肉類, 所以呢碟調味牛肋骨肉 ($188)就走唔出我五指山, 每片厚薄同大小都適中, 放入爐中鐵板燒已經好快聞到肉香味道, 令人口水直流就咁單食都好香肉味, 肉質又夠腍滑; 而夾埋什錦生菜/蔥/洋蔥絲就仲好味, 一啖放入口, 肉汁爆射, 忍唔住一件接一件!而叫烤肉就送埋蘿蔔牛肉湯及白飯, 湯內好多蘿蔔及牛肉絲, 味道討好, 咁就唔怕無飯落肚啦!睇韓國飲食節目認識安康魚, 一直都想試, 今晚就有機會啦, 呢度有安康魚煲, 有辣有唔辣, 我地叫左辣安康魚煲 ($238)

年紀愈大，對韓國的事物愈沒有以前般喜愛，但對韓國的食物卻仍然十分熱衷。這晚友人相約吃韓國菜，既然是吃的，當然二話不說立刻去。打開 menu看，好像除了炸雞外，大部份韓國菜也有，我們燒烤類、熱食、冷食也選了，很豐富。點菜後，職員便送上8碟小菜。款式挺多，但分量不多，再添好像要加錢，所以我們吃完便算了。辣汁五花腩肉  五花腩層層分明，肥肉和瘦肉間隔，共有4層。一放在燒熱的盤上，肥油立刻流出，香味四散。和其它五花腩不同，不是原條送上，送上時已經切細，所以一燒熟不用剪細便可立刻進食。鮮生菜拼盤配豆醬 和韓燒店不一樣，生菜不是免費供應的，所以特意點了一份生菜用來包五花肉吃解膩，還包括一碗豆醬，一些蒜粒和辣椒。因為豆醬的味道太濃，如果五花肉選了原味沒有醃製過的會更夾。調味牛肋骨肉 份量挺多，肉質口感不錯，但醃得有點太鹹，蓋過了牛肉味。辣炒八爪魚 好大的一盤，除了八爪魚外，還有一份類似米粉的麵。八爪魚十分彈牙，分量也多。麵放在石鍋內太耐，所以挾起時都爛掉了，應該要一開始立刻吃掉它才對。醬汁很香口，但不夠辣，很想叫一碗飯加進去拌來吃，但好像會吃不完，所以就放棄了。醬油蟹 點了一隻蟹，可能因為不是當造的

今晚興起想食韓國燒烤， 特別係傳統嘅韓烤。 去咗銅鑼灣sogo買泳衣， 時間尚早六點左右就去到金百利金羅寶。 呢間係我好鍾意去嘅傳統韓國餐廳， 食物水準一向穩定質素唔錯。去到已經有幾枱食客。 店員也有些是韓國人， 好地道好有傳統特色。 店員先排出八小碟傳統地道前菜， 全都是我的至愛。 泡菜爽脆， 鹹，辣，酸的味道拿捏恰到好處。 甜薯仔好軟熟。 芽菜菠菜爽甜有麻油香。酸蘿蔔條最能 舒緩肉類的油膩， 依然有水準!同老公兩個人唔需要食太多肉類。 印像中圖畫嘅份量係會好驚喜少過真實分量 。今次試了"調味牛肋骨肉"$168 和"豬肉"$128。牛排骨試得多今次試下"調味牛肋骨肉"。 雖然調咗味， 但牛肋肉都沒有 被醃製得又鹹又實， 輕輕燒過之後肉質仍然鬆軟， 肉汁豐富， 好美味完全停唔到口。 用嚟送香軟嘅白飯簡直一流。我哋仲叫咗"牛肋骨湯"$140。湯好清甜好有牛味。 其他配料仲有韓國粉絲，蛋花和 蔬菜， 非常豐富。 附切的辣椒豉油更加惹味， 用嚟蘸牛肋骨好美味， 不要錯過!另外試了"豬肉" ( 冇錯，個菜名就咁叫"豬肉")。 用了韓國辣椒粉醃製， 帶微微韓式的辣， 即使豬肉也不用燒太耐，

係香港食過咁多間韓燒, 總係對呢間金寶羅念念不忘, 特別係佢地既烤肉, 肉類醃得入味又夠林, 而且餐廳內抽油煙設備做得相當好, 就算附近食客都韓燒緊, 都唔會有太大油燒, 而且大部分卡位, 坐得舒服, 岩哂約埋三五知己一邊燒, 一邊傾下計。今次已經係唔知第幾次踏足金寶羅, 雖然價錢較高, 但食物質素係有保証, 間唔中食一次都可以接受。落order後送上8款韓式前菜, 果然跟韓國一樣款待, 很地道每次來到金寶羅, 定必會Order幾款牛肉: 【調味牛肉】HK$128呢款牛肉主要為較碎既牛肉, 被醃得甜甜地, 沒有根連帶, 口感較林【調味牛肋骨肉】HK$168已被去骨, 牛肋骨肉被切成一小片一小片薄薄的, 肉味比上面果款較重, 口感相對重一點, 但唔會難咬開【牛脷】HK$148份量都幾多, 牛脷厚薄均一, 呈粉嫩色, 烤後點一下麻油鹽既調味, 味道更昇華【魚柳】HK$148魚柳幾嫩, 啖啖肉, 被醃得帶少少鹹味【海鮮煎蔥餅】HK$138煎餅表面唔算油膩, 煎至金黃, 幾香口, 入面有蔥、蝦、紅椒、魷魚等...【橙汁】HK$25最後送上甜品 --- 芝麻雪糕作完美句號

睇完呢輪韓劇又入晒腦, 想食韓國菜嘅指數爆晒燈, 心動就不如行動, 今晚放工後又上黎呢度開餐鍾意佢呢度環境坐得超舒服, 就算2人都可以坐到卡位; 抽風系統又做得好, 食完都唔會一身燒肉味道有其他韓式菜式, 如鍋類, 麵/石頭飯/煎餅等, 但今晚主打食燒肉, 肉類有牛/豬/鷄/羊及海鮮類, 仲有D係內臟部位, 真係可以各式其色!點餐後, 侍應一次過送上呢幾碟前菜, 每款都好味道, 好快已經放滿左半張枱!  其中有一碟係生菜和洋蔥絲, 侍應話係用黎夾住肉一齊食會仲好味!  (果然又真係喎, 多一種食法)呢客牛脷 ($148)份量豐富, 肉色吸引, 每片都有相當厚度, 唔係薄切架!  牛脷味濃, 口感軟滑得黎又帶點嚼勁, 點少少鹽食又係好味喎, 再唔係唧少少檸檬汁又可以中和下個膩感!對於烤肉, 個人黎講一定要叫牛肉啦, 呢到供應多款牛肉部位, 想食得輕鬆D就叫左呢碟調味牛肋骨肉 ($168)每片大小適合一啖食, 或者用生菜包住食!  兩邊燒一燒就食得, 入口肉質鬆軟, 無需點醬汁已經有味道, 牛味都幾香濃, 正呀! 配埋個烤紫菜 ($35)包住一齊食, 係咪好韓國人食法呢?!  肉汁加烤紫菜

開年飯當然要食餐好拎個好意頭啦! 去左一間大家都好喜歡既韓國燒肉餐廳金羅保食dinner。平日晚餐廳內幾乎座無虛席, 雖然大部份食客都在烤肉, 但一點油煙焗促感都沒有, 抽煙設備做得不錯!上次兩個人黎只order牛肉併盤試試, 今次人多, 終於可以叫多幾款!烤肉包括有豬牛羊雞, 海鮮, 蔬菜等...就連韓式熟食款式都應有盡有, 有選擇困難症既我都要花點時間點菜。點菜後, 侍應先送上多款韓國前菜小食比我地開開胃, 不過前菜不是無限任加, 如果想encorn某一款小食, 每碟就收$10, 唔好睇少呢度既前菜, 味道真的很地道! 特別是自家製泡菜, 難得在香港都可以吃到韓國地道風味, 每次黎我都定必encorn!【牛脷】 $148賣相粉嫩鮮紅, 每片均為薄切, 只需加少少檸檬汁再烤, 味道清而口感不會太硬【魚柳】 $148這款魚柳在烤既過程中要比較小心, 如果烤爐上既油不太足就會有痴底出現, 緊記不可以烤得過火, 就能食到少少鹹又帶點鮮甜, 肉質比較實, 而且不會有雪味。兩款都是預先被醃製調味既牛肉, 不得不讚呢度既肉類確實醃的很入味, 而且肉質都可以容易咬開。【調味牛肋骨肉】 $168牛肋

好耐無食韓燒，今晚跟朋友去了位於銅鑼灣的金百利廣場的羅金寶韓國料理，除了韓燒外，還有多款韓國菜式，所以我們點了兩款肉食再加了一個炒粉絲。落單後，店員隨即送上八款小食，包括例牌泡菜、韓國粉絲、芽菜青菜、茄子、翠玉瓜、醃青瓜、魚乾黑豆及煎餅，在等待食物時，一邊吃小食，確實是不錯。泡菜本身不似韓國的辣度，應是調較到適合港人的微辣，其他小食如芽菜青豆味道比較淡，無其他的醃製品咁濃味。韓式牛肉雜菜炒粉絲:粉絲份量十足，不過牛肉比較碎及量少，粉絲似薯粉，煙韌有咬口，味道調較得甚好，不會太咸或太淡。調味牛肋骨肉:牛肋骨份量適中，全部切成一片片薄薄的牛肋片，放落去燒兩分鐘就已經熟透，表面帶點焦香，加上調料帶甜味，食落去比較甜，牛肉味不算濃郁，但肉質很腍。雞肉:雞肉都是醃過，切成一片片雞柳狀，放落去燒約兩分鐘就可以食，肉質嫩滑且腍，醮上醬汁可沖淡油膩感，味道不錯。甜品朱古力雪糕：這個是免費送的，味道不過不失，另外有雲尼拿及芝麻味，還有紅棗茶。總結：食物味道不錯，醃製肉類即使燒過熟都不會鞋口，服務一流，店員有禮，多謝前多謝後，又主動推介食物，有問必答，值得比個笑臉。

同人嚟到銅鑼灣嘅金羅寶韓國料理，餐廳係晌金百利廣場入面，呢度都有唔少食肆。佢係間比較傳統嘅韓國菜，已經開咗幾多年，不過今次係第一次嚟試。同大部份韓國菜一樣，呢度係有嵌入式嘅燒烤爐，同埋係有燒肉嘅。午市時段嘅套餐定價七十幾至百幾左右，選擇仲幾多。叫完嘢食之後，侍應就拎咗一堆餐前涼菜嚟，泡菜、馬鈴薯、銀魚仔乾、青瓜、蓮藕、菠菜大豆芽、魷魚絲、四季豆，就咁睇都覺得豐富。每次食韓國菜都最期待色彩繽紛嘅餐前涼菜，除咗可以增加蔬菜攝取量之外，又可以解膩，不過新派嘅韓國菜就反而無咁多款式喇。每份午餐都包一碗湯，當日湯入面有牛肉、蘿蔔同胡蘿蔔，飲起嚟清清甜甜。鐵板烤豬頸肉，口感爽嫩，調味足夠唔過重，只係多油咗少少。辣泡菜餅，煎餅粉漿唔過厚又唔過薄，入面仲有唔少泡菜粒，食起嚟外脆內軟。可以點埋佢個特製嘅醬汁嚟食，表現唔錯。牛肉石鍋雜錦飯，燒紅咗嘅石鍋入面有牛肉、大豆芽、菠菜、胡蘿蔔、冬菇、煎蛋、紫菜同米飯，侍應晌我哋面前加埋韓式辣醬之後就將佢哋撈勻。每口飯都有配料跟埋一齊食，近石鍋邊位仲有脆脆嘅飯焦。我哋仲加多咗份調味牛肋骨肉，份量比想像中多。將牛肋骨肉放晌燒烤爐上面燒，肉質軟嫩。最後嘅甜品係紅棗茶，紅