奇趣餅家

营业中

休息中

今日eatmug9 #12喺旺角探完個朋友，順便問佢附近有啲咩嘢食推介， 跟住佢就帶咗我嚟呢間奇趣餅家。去到舖面，已經有五六個師奶排緊隊買佢啲餅咁聽聞呢間舖出名呢，就係一種叫做豆沙餅嘅嘢，咁出名就冇理由唔試下佢個豆沙餅呀嘛😑芝麻味夠香，紅豆蓉夠多， 個皮夠煙靭口感一流。 但係我朋友話如果係撞正新鮮出爐嘅豆沙餅， 個餅皮係脆嘅，食落去個口咁完全唔同。所謂人紅眼角就會高，間舖做啲餅係好食嘅，咁難怪個staff有啲串嘴。

1-9-2012(Sat)同男友出佢公司,到兩點幾,佢話要去太子幫公司買o野,順便食o野,咁我都一齊去然後返屋企啦.搵完佢要買o既o野都可到o黎奇趣,好耐冇幫趁喇,要o係搵o野食前o係o度買啲o野先,呢次我想食棋子餅就(目及)(目及)先,見到有喇,而且有蛋撻仔,咁就買兩個蛋撻同$15.00四個o既蓮蓉棋子餅,加多件$3.00o既豆沙餅,一共$21.00.o係佢o地前面花園街o既檔口冇開,就o係o度影相食o左蛋撻先,點知哥仔畀o左椰撻我,我就返去同佢換,換好有得食.呢個微微地暖,男友一啖食o左一個,我又食另一個,蛋係香香地滑滑地,皮係曲奇皮,屬正常o野.豆沙餅我就留畀男友食,蓮蓉棋子餅就拎返屋企,等夜晚同爸爸,男友一齊食.返到屋企後,我就先食蓮蓉棋子餅,滑滑o既蓮蓉都幾甜,呢個冇乜問題.而爸爸因牙肉痛,所以唔食蓮蓉棋子餅.最後男友o黎我屋企食完晚飯,就食豆沙餅同蓮蓉棋子餅,呢啲佢就冇乜評價.對上一次幫趁已經係08年3月4日.

11月23號 - 12點幾左右去左深水埗就繼續行路落太子。 去左花園街行。 見肚子餓就決定買一些小食吃la。 之前行過好多次, 見到一間餅店。 但是沒有試過。 所以今日決定試試。今次看中一個豆沙餅。 食落覺得甜。 但是個甜度都可以接受。 可以介紹比其他人的。 我覺得它比其他小食好味&健康。 不妨試試la。 他們仲有其他好吃的食物的!