影片
更多
2010-07-07
702 浏览
車仔麵一向係香港地道文化, 也是老婆其一至愛, 是日中午就同左老婆黎呢度食店子位置很少, 仲有張檯係出面添, 如果三十幾度坐出邊食熱辣辣既車仔麵, 我諗我未食到一半都已經會汗水撈湯水了, 位子少之餘, 買麵更係排在店鋪中心, 所以人多既時候都幾麻煩, 又驚撞到人, 又驚俾人撞, 食食下成碗麵兜頭淋就唔好啦...叫了兩碗油麵, 也各自叫了三款餸, 車仔麵一向有呢個好處, 餸料隨你搭, 搭完又可溝亂食, 二人三餸其實即係變相六餸, 店內其實餸選擇不多, 以下係我地叫左既餸:豬腸偏瘦, 不是大腸最肥的那一部份, 類似滷水豬腸既製法, 沒肥膏也沒怪味, 但還保留豬腸既口感和滷水味, 是最愛既餸之一平時很少會叫魚蛋, 不過呢度既魚蛋係個兜度個樣已經好吸引, 魚蛋有分辣唔辣, 咖哩魚蛋很入味, 可惜也煮得過了火, 魚蛋已經不彈牙, 甚至有點一咬即散既感覺同魚蛋一樣, 豬皮個樣都好吸引, 豬皮好爽, 中間好鬆吸到好多湯, 而且咖哩汁很入味, 比魚蛋出色多了老婆點了至愛的雞翼尖, 呢度既雞翼尖很肥, 隻隻都脹卜卜, 而且滷水汁入味, 夾起一啜肉連, 齊吸入胃, 喜歡吃雞皮的人不要錯過了還有貢丸, 不算
店子位置很少, 仲有張檯係出面添, 如果三十幾度坐出邊食熱辣辣既車仔麵, 我諗我未食到一半都已經會汗水撈湯水了, 位子少之餘, 買麵更係排在店鋪中心, 所以人多既時候都幾麻煩, 又驚撞到人, 又驚俾人撞, 食食下成碗麵兜頭淋就唔好啦...
叫了兩碗油麵, 也各自叫了三款餸, 車仔麵一向有呢個好處, 餸料隨你搭, 搭完又可溝亂食, 二人三餸其實即係變相六餸, 店內其實餸選擇不多, 以下係我地叫左既餸:
豬腸偏瘦, 不是大腸最肥的那一部份, 類似滷水豬腸既製法, 沒肥膏也沒怪味, 但還保留豬腸既口感和滷水味, 是最愛既餸之一
平時很少會叫魚蛋, 不過呢度既魚蛋係個兜度個樣已經好吸引, 魚蛋有分辣唔辣, 咖哩魚蛋很入味, 可惜也煮得過了火, 魚蛋已經不彈牙, 甚至有點一咬即散既感覺
同魚蛋一樣, 豬皮個樣都好吸引, 豬皮好爽, 中間好鬆吸到好多湯, 而且咖哩汁很入味, 比魚蛋出色多了
老婆點了至愛的雞翼尖, 呢度既雞翼尖很肥, 隻隻都脹卜卜, 而且滷水汁入味, 夾起一啜肉連, 齊吸入胃, 喜歡吃雞皮的人不要錯過了
還有貢丸, 不算差, 但跟平常吃到的差不多, 冬菇味很香, 但三粒要$6就稍貴了
最後還有山根, 從來山根就是最配車仔麵之物, 比豆卜更能吸湯, 吸盡湯精華之後更美味, 現在不是很多車仔麵有山根, 當大部份都是賣豆卜甚至齋, 山根就更吸引了
油麵不算很碎, 還可以夾到一條麵食, 有d地方唔知點解個油麵又一半都係短短碎碎, 還好這裡無事
另外老婆很喜歡這裡的辣汁, 這裡的辣汁似辣醬多過辣汁, 很杰, 老婆話好辣, 佢都食到成頭汗, 我真係不敢試, 喜歡挑戰自己對辣既忍耐能者不妨一試
這裡的豆漿也不錯, 沒渣也沒糖, 很怕那些糖水豆漿, 飲完仲口渴過未飲, 仲要飲完會成口澀, 呢度暫時也沒這些問題
這裡的車仔麵算是濃味的, 如果喜歡清清地, 可能唔岩你, 不過這裡有一個很大問題, 就是湯底非常油膩, 尤其係當隻碗係黑+綠既時候, 你食緊果陣未必為意到係咁油, 也不自覺地飲多左兩啖湯, 食完就會好似如夢初醒咁, 發覺自己好似吳剛師傅咁一直飲緊油...
如果撇除油膩, 這裡的車仔麵很合我口味, 因為我喜歡濃味的, 但當每次食完見到碗湯, 就會同自己講, 還是少吃為妙...
张贴
