孖寶車仔麵

营业中

休息中

每次經過，依間車仔麵都有唔少人光顧，😨所以今次肚餓，就揀左依間葵芳人氣好高既車仔麵店食野。😚我地揀左兩個三餸套餐分別係米粉配五香豬頸肉，咖哩魷魚，滷水豆腐，秘制汁加腩汁加熱華田另一個係米線配雞腎，冬菇，牛肚，秘制汁加豆漿，再另加一份生菜墨魚條湯。豬頸肉，滷水豆腐，雞腎，冬菇依幾樣野都好有驚喜😳，因為真係好入味😍，豬頸肉夠淋，但又有咬口，應該浸左好耐😌；滷水豆腐大大舊👍🏻；雞腎雖然比較淋左，但勝在夠入味😆；原粒冬菇好好味👍🏻👍🏻👍🏻，唔會太淋，吸哂湯汁。飲料方面熱華田就比較淡，唔夠濃味🤔，豆漿就正正常常。生菜墨魚條湯，個墨魚條真係有陣墨魚香🤭

黃店 💛 #葵芳 #荃灣 #孖寶車仔麵星期五晚黎咗葵芳食個快飯，同朋友揀咗呢間黃店「孖寶車仔麵」，三餸一麵連嘢飲都係$46。雖然人多，但店員都好有熱情同態度好好，所以食得幾開心☺️🍜 米粉幼身嘅米粉煮到煙煙韌韌，唔會太腍身，幾好😚🐮 牛腩牛腩甜甜哋，好腍身。仲帶有幾舊牛筯👻🦑 咖喱魷魚咖喱味好濃，但又唔辣，反而甜甜哋☺️🐠 魚肉條用魚肉整成一條條，食落啖啖肉，好有咬口🤗🍢 滷水拼盤👉🏻雞翼👉🏻鳳爪👉🏻雞腎👉🏻雞蛋👉🏻雞尖👉🏻豆腐滷水拼盤超大份，大食嘅我同朋友都要撐住肚皮先食得曬😆 雞中翼、雞翼尖同鳳爪都好甜又好肥美，滷完都唔會縮水，大大隻好正。豆腐都好大舊，吸曬啲精華，好多汁🤤 雞腎好煙韌！雞蛋都係滷完都咁大粒，而且甜甜哋好好味。

一排無食車仔麵今日陪女友去到葵涌行葵涌廣場食順便食下這裏嘅名物孖寶車仔麵此店除了有車仔麵，還有好多街頭小食，例如：魚肉燒賣，魚肉條，碗仔翅，最特別係主食除左麵同飯好，仲可以揀腸粉每枱也有兩款菜圃，可以任加，一款辣，一款唔辣，同樣好好味我哋來的時候剛好下午茶，原本$45一個車仔麵包三餸，下午茶只需$39，而我多了兩餸+$2沙嗲汁-我揀左蘿蔔，豬紅，牛腩，牛肚同咖喱魷魚沙嗲汁好值得加，好野味，令整碗麵層次提升牛腩唔怕韌，而且重牛味；牛肚好淋；蘿蔔好好味，好入味，多汁無渣，清甜；咖喱魷魚爽口得嚟唔韌；豬紅亦好入味，很滑仲送熱飲，而我揀了換樽裝豆漿，豆味濃，而且幾大枝下，飲完消辣又解渴而女友叫碗墨魚條碗仔翅，碗仔翅好耐無食，湯底濃郁鮮味，味道好好，再加上墨魚條不是平時魚肉條係碗仔翅果隻，墨魚味好重