上野鐵板燒專門店

营业中

休息中

經濟實惠鐵板燒💓話說之前一直有幫襯呢間鐵板燒因為真係超級超級平🙈最吸引我嘅係$98一人餐 有唒前菜、刺身、燒牛肉、甜品不過今次我就約埋朋友食得更豐富！鐵板帶子皇套餐 $528✨ 豆腐和風沙律✨ 活蜆雜菌麵豉湯✨ 北寄貝刺身有八片夠新鮮 都幾厚切 爽口仲啖啖肉💓✨ 北海道帶子皇呢個好好食 勁香清酒 再襯埋鮮甜帶子✨ 日本原隻魷魚筒✨ 鐵板配菜魷魚同配菜一齊上嘅 平時食魷魚好怕韌呢個煮得啱啱好呀 又爽口 勁juicy加少少檸檬調調味👍🏻配菜有香菇同翠肉瓜 中規中矩吧✨ 美國頂級牛柳食鐵板燒必食牛柳粒 嗌左五成熟牛柳嘅中間還是嫩嫩的粉紅色✨喜歡食濃味一點可以點蒜蓉醬或燒肉醬我就喜歡點少少鹽 簡單但食岀牛香💓✨ 煙肉黃金炒飯最期待一定係一碗黃金炒飯炒飯粒粒分明 焦香十足加埋油脂豐富嘅煙肉 正！✨ 甜品雞蛋布丁滑一滑 甜甜的$528食到飽一飽 性價比真心高呀🍽 上野鐵板燒專門店🔎 旺角通菜街79號地下

聽同事介紹呢間cp值高既鐵板燒，今晚一於同老公黎試下，黎到見到好多都係熟客，同店員有傾有講，餐廳設有bar檯或卡位，我地當然選擇坐bar檯，可以一邊食一邊睇住師傅烹調，鐵板燒既好處就係師傅會按你既進食進度而煮下一道菜，食完一道先上另一道，咁樣每道菜都可以保持新鮮滾熱辣。鐵板帶子皇套餐 (二人前) $528豆腐和風沙律北寄貝剌身刺身新鮮，食落有口感。鐵板配菜：冬菇、翠肉瓜北海道帶子皇果然係帶子皇，帶子超大粒，師傅煎到剛剛熟，外層煎得香，內層好軟熟，食落好鮮甜。日本原隻魷魚筒魷魚筒食落超有口感，而且師傅調到好惹味，不需點任何醬汁。美國頂級牛柳牛柳我們要求5成熟，師傅剛剛好可以煮到外層熟透，裡面仲係粉紅色，咁樣就可以鎖住肉汁，牛味亦好香濃。三文魚炒烏冬烏冬夠彈牙，配埋煎熟既三文魚，味道剛剛好。日式炒時菜活蜆雜菇麵豉湯甜品 – 雞蛋布丁布丁好滑，雞蛋味好香，亦唔會太甜。

都有一段時間無岀旺角食飯，但約好友當然要揾個地方方便大家搭車返屋企啦需然落雨，就係咁好彩俾我地向女人街見到有間食鐵板燒的地方餐牌有幾款套餐可以揀，又可以單點，視乎大家食量鐵板帶子皇套餐只需$528，已經係二人前豆腐和風沙律，上層有滑滑的豆腐，再配上青瓜絲、生菜、車厘茄、麻醬好清新北寄貝刺身，較為鮮甜、彈牙鐵板配菜有翠玉瓜、冬菇，每人每款一片，咬落去唔會好乾北海道帶子皇伴上葱花、蟹籽增添口感及味覺帶子好大隻，廚師預先幫我地切成一小口，但還是很厚肉的日本原隻魷魚筒很惹味，我忍唔住食左 2/3碟美國頂級牛柳七成熟剛好，牛味很濃三文魚炒飯，夠乾身，見到d炒飯一粒粒向鐵板上跳舞幾得意日式炒時菜好大碟活蜆雜菇麵豉湯幾鮮甜 內裡真係有蜆肉向度架甜品係雞蛋布丁🍮，好滑又唔太甜今晚一路同朋友食、一路傾下計、睇住師傅整鐵板，又過幾特別的一晚

早前約左朋友出黎傾下近況，大家都好中意日本野，經過一番熱烈討論，大家達成共識，去呢間上野鐵板專門店一聚！地方幾大，有卡位又有吧枱位，因為人唔多，所以坐吧枱位望住廚師燒野食更有感覺！Menu 五花八門，真係好難決擇呀！！最後同Fd決定食呢合海鮮Set，有海鮮又有和牛，非常吸引！活蜆雜菌麵豉湯，鮮味濃郁，帶少少油份更顯香口。前菜有豆腐和風沙律，豆腐相當細滑，配上胡麻醬汁，胃口大開～頭盤有北寄貝刺身，肉身肥美，鮮甜爽口。北海道帶子皇，師傳將帶子煎至金黃微焦色，帶子皇鮮嫩多肉，鮮香氣味抓鼻，啖啖肉既口感超滿足～～日本原隻魷魚筒，香口Q彈，質感嫩滑，韌度調節得岩岩好！美國頂級牛柳，半份係7成熟，半份係5成熟，牛柳嫩滑多汁，牛香味非常濃郁，7成熟既牛柳香脆可口。三文魚炒烏冬，三文魚富魚香味，烏冬配上甜甜的醬汁，味道不錯。日式炒時菜，充滿鐵板炭燒味，十分香口～