妹記大排檔 (已結業)

最近向尖沙咀返工，唔係地膽既我當然跟住同事去食飯。黎左哩間室內大排檔嘆住冷氣食，地方大，地板乾爽唔係濕漉漉個種。以前細過食大排檔真係熱住食，地下又濕，無冷氣只有幾把佈滿塵既大風扇吹住食，今次黎到的確令我改觀。午市套餐$47 包埋罐汽水午餐都很多選擇全店以大排檔的格局,待應哥哥先放低一碗例湯(今日系:青紅蘿蔔腐竹湯)無咩味,豉椒排骨炒麵,大大碟的系我最中意既脆面底呀~~正!排骨大大舊,又多肉,面又脆卜卜好食呀,超有鑊氣>U<好耐未試過食到甘好食既,因為出面D面系比濕面架下次試下食夜晚小菜先。

星期六尖沙咀的黃金時間，竟然還有午市套餐，非常抵食。一碟主菜 + 中湯 + 汽水 $40 而且坐得舒服，冷氣很足夠。叫了豉汁排骨炒麵，份量超級大碟， 不是太肚餓的絕對可以同人share食！第一次試食這種茶餐廳的炒麵，還以為係一般粥店的豉油王炒麵這樣，點知一來到原來係麵餅煎到香脆金黃脆卜卜的，這種整法很好特別。部分麵條索晒香濃的豆豉汁，令麵變得軟身，兩種口感，入口豉味蒜味香濃，一啖又一啖，非常惹味。排骨啖啖肉，有6至7大舊，肉質嫩滑，好味。

响加拿芬廣場上完堂，同朋友落樓下妹記食午餐。因為佢嘅午餐响尖沙咀嚟講，有老火湯同罐裝汽水，係幾抵食，上次食過味道又唔錯。是日老火湯係粉葛去濕湯，呢排回南天，人易覺得攰，啱晒！豉椒排骨炒麵好香，顏色又幾靚，麵底炸得夠脆，不過就油啲，排骨正正常常ok咁啦，份量好大，小女子吃不完。同學的蠔仔肉碎湯飯好多芫茜，幾香，蠔仔唔算多，同學成碗食曬，應該唔錯飲咗湯，飲唔落汽水，可以唔開住，成罐拎走，慢慢先飲。佢好似仲有啲三十幾蚊嘅餐，無影相，所以唔記得係咩嚟嘞。