大澳德發 (已結業)

晚飯小菜，最緊要又抵食，又好食又好坐，咁一定係最好。與兩丁友吹下水，又一日。 黃金鮮魷+鹹香雞，其實係一份晚飯孖寶$218 先講講鮮魷，見到其他枱都有叫就知道一定冇叫錯了。咸蛋黃個味道好重好香，但又唔會話過多。而且新鮮炸起，個皮好脆，但炸粉又唔會太多，香到令人難以抗拒，雖然日日都同自己講要減肥，但太好食，好難忍口。 鹹香雞鹹香雞，我覺得其中一樣好重要既，係佢完全唔油，不會用好多既調味料，只係帶鹹香味。簡簡單單，最食得到雞既鮮味，仲有一樣好重要，平日街邊既雞，好多時有血水，帶點點紅,而今次係全熟，但又保持到雞既滑度，肉質一樣滑。 豉椒炒蟶子有得選擇是不是加米粉底，加米粉底就加$15，米粉底本身只是以係加普通米粉，原來有驚喜，係4件炸過既米粉餅。可以整件拎得起，沾上豉椒汁食，有薄餅的感覺，但換成米粉餅，個面仲有一點點脆，十分特別。蟶子一共4隻，都幾大隻，鮮味，加上豉椒味香。 當然，都有叫一份老火湯架，畢竟天氣凍，飲過靚湯暖笠笠一張單滿$400，仲送蒜蓉焗生蠔生蠔蒜蓉味好重，一上黎既時侯仲係熱辣辣，入口個感覺都好唔錯。

放工約咗朋友喺銅鑼灣搵食朋友帶咗我去依間大澳德發主打漁鄉菜式，價錢唔貴嗌咗幾款海鮮同小菜試吓蒜蓉粉絲蒸扇貝扇貝大大隻配埋蒜蓉好惹味椒鹽焗鮑魚估唔到椒鹽同鮑魚都幾夾口感有啲似鮮魷但係更有鮮味豉椒炒蟶子加米粉底蟶子大大隻，彈牙又新鮮米粉底索晒啲豉椒汁好惹味胡椒鹽水浸花甲花甲都幾大，而且無沙菠蘿拔絲咕嚕肉依個有驚喜，做到拔絲既效果食落外脆內軟，配埋菠蘿好開胃生啫唐生菜調味好夠，比炒菜更有風味整體食物水準唔錯，值得一試