大澳德發 (已結業)

晚饭小菜，最紧要又抵食，又好食又好坐，咁一定系最好。与两丁友吹下水，又一日。 黄金鲜鱿+咸香鸡，其实系一份晚饭孖宝$218 先讲讲鲜鱿，见到其他枱都有叫就知道一定冇叫错了。咸蛋黄个味道好重好香，但又唔会话过多。而且新鲜炸起，个皮好脆，但炸粉又唔会太多，香到令人难以抗拒，虽然日日都同自己讲要减肥，但太好食，好难忍口。 咸香鸡咸香鸡，我觉得其中一样好重要既，系佢完全唔油，不会用好多既调味料，只系带咸香味。简简单单，最食得到鸡既鲜味，仲有一样好重要，平日街边既鸡，好多时有血水，带点点红,而今次系全熟，但又保持到鸡既滑度，肉质一样滑。 豉椒炒蛏子有得选择是不是加米粉底，加米粉底就加$15，米粉底本身只是以系加普通米粉，原来有惊喜，系4件炸过既米粉饼。可以整件拎得起，沾上豉椒汁食，有薄饼的感觉，但换成米粉饼，个面仲有一点点脆，十分特别。蛏子一共4只，都几大只，鲜味，加上豉椒味香。 当然，都有叫一份老火汤架，毕竟天气冻，饮过靓汤暖笠笠一张单满$400，仲送蒜蓉焗生蚝生蚝蒜蓉味好重，一上黎既时侯仲系热辣辣，入口个感觉都好唔错。