影片
更多
2023-04-08
2620 浏览
🥰 話說呢兩三年, 喺香港探索唔少海鮮勝地, 包括西貢, 鯉魚門, 三聖邨, 流浮山.🤗 西貢主攻遊客, 出產幾間米芝連餐廳, 早前 “師姐” 推介 “勝記”, 一試難忘. 鯉魚門又係主攻遊客, 我淨係記得朋友開嘅 “鯉魚門酒家”. 三聖邨就遠少少, 近屯門黃金海岸, 谷友推介 “廣東名廚”, 坐得舒服, 味道不俗.🥢 流浮山真係山長水遠, 但相對抵食. 今日再戰 “明記”, 點咗七款海鮮, 水準依舊出色.薑蔥炒南澳龍蝦油鹽水浸花甲豉椒炒蟶子蜜餞桶蠔蒜蓉粉絲蒸貴妃蚌果皮蒸南非鮑魚油鹽焗奄仔蟹魚湯🦞 薑蔥炒南澳龍蝦. 薑蔥惹味, 龍蝦肉實淨彈牙, 比 “波士頓龍蝦” 更鮮味, 外殼更硬, 哈哈.📖 翻查資料: 波士頓龍蝦不是龍蝦? 波士頓龍蝦又名 “美州鰲龍蝦”, 是一種鰲蝦, 跟大陸盛行嘅小龍蝦同一個種類, 其實不算是龍蝦.📖 翻查資料: 波士頓龍蝦不是來自波士頓? 波士頓龍蝦生長於北大西洋寒冷海域, 包括加拿大和美國緬因州, 而波士頓是龍蝦集散地, 產品貼上了 “源自波士頓” 嘅標籤!📖 澳洲龍蝦主要分南澳及西澳. 南澳龍蝦 (又名澳洲石龍), 肉質飽滿鮮甜細緻, 非常適合刺身. 而
🤗 西貢主攻遊客, 出產幾間米芝連餐廳, 早前 “師姐” 推介 “勝記”, 一試難忘. 鯉魚門又係主攻遊客, 我淨係記得朋友開嘅 “鯉魚門酒家”. 三聖邨就遠少少, 近屯門黃金海岸, 谷友推介 “廣東名廚”, 坐得舒服, 味道不俗.
🥢 流浮山真係山長水遠, 但相對抵食. 今日再戰 “明記”, 點咗七款海鮮, 水準依舊出色.
薑蔥炒南澳龍蝦
油鹽水浸花甲
豉椒炒蟶子
蜜餞桶蠔
蒜蓉粉絲蒸貴妃蚌
果皮蒸南非鮑魚
油鹽焗奄仔蟹
魚湯
🦞 薑蔥炒南澳龍蝦. 薑蔥惹味, 龍蝦肉實淨彈牙, 比 “波士頓龍蝦” 更鮮味, 外殼更硬, 哈哈.
📖 翻查資料: 波士頓龍蝦不是龍蝦? 波士頓龍蝦又名 “美州鰲龍蝦”, 是一種鰲蝦, 跟大陸盛行嘅小龍蝦同一個種類, 其實不算是龍蝦.
📖 翻查資料: 波士頓龍蝦不是來自波士頓? 波士頓龍蝦生長於北大西洋寒冷海域, 包括加拿大和美國緬因州, 而波士頓是龍蝦集散地, 產品貼上了 “源自波士頓” 嘅標籤!
📖 澳洲龍蝦主要分南澳及西澳. 南澳龍蝦 (又名澳洲石龍), 肉質飽滿鮮甜細緻, 非常適合刺身. 而西澳龍蝦 (又名澳洲紅龍), 相對冇咁厚肉, 又較抵食.
🥰 油鹽水浸花甲. 明記嘅 ”油鹽水” 非常優秀, 湯汁又鮮又濃, 每次都飲唒. 花甲啱啱熟, 忌廉口感, 鮮甜, 一流!
🐚 豉椒炒蟶子, 煎米粉底. 蟶子啱啱熟, 非常爽甜. 豉椒味道出色, 配煎米粉底, 十個讚!
🦪 蜜餞桶蠔. 蠔係流浮山名物, 蜜餞效果甚具特色.
🐚 蒜蓉粉絲蒸貴妃蚌. 蚌肉爽甜, 完全唔韌, 蒜蓉冇搶味, 神級烹調技巧.
🤗 果皮蒸南非鮑魚. 鮑魚厚肉, 爽口唔韌, 掂!
🦀 油鹽焗奄仔蟹. 鎮店名菜之一, 超多蟹糕, 油鹽焗再提升糕香, 必點推介!
🥣 魚湯. 我鍾意飲魚湯, 免費敬送, 抵讚!
🤗 攻略: 餐廳裝修屬舊飯店格局, 適合家庭飯聚, 一分錢一分貨, 要招呼客人嘅, 建議去 “小桃園”, 或者西貢鯉魚門. 今餐海鮮材料大約$2000, 烹調加工$500, 價錢算係合理. 出菜速度略快, 建議分兩三轉落單. 大廚烹調功夫出色, 回味無窮, 期待再訪.
张贴
