Coffee or Tea (已結業)

呢間係咖啡店同茶餐廳合體😂食物以輕食為主，👩🏻‍🌾有啲肚餓就入咗去醫肚～～◽️豉椒蛋三文治🥪包烘至乾脆，蛋夠厚實得嚟唔會老，半生熟恰到好處，未食就已經滲出淡淡的豉椒味，原來豉椒醬搽在三文治上，估唔到又幾夾喎衰鬼，欣賞有創意🤓。👩🏻‍🌾本來想揀蔥花蛋，但係見到啲咁特別嘅無理由唔試下ma~~◾️Cappuccino （熱）☕️奶味較重，奶泡都挺身，飲到底仲keep到，拉花都好靚，跟餐嚟講價錢合理。✨有啲飲品都幾特別，可惜當日無供應，有機會大家可以嗌下😂✨✨門口係打卡位，文青木系風，室內裝潢加入了昔日裕民坊的元素✨
✨雲朵多士係打卡必嗌✨服務方面，店員好殷勤主動，感覺幾好。但係如果唔熟地理位置會比較難搵，👩🏻‍🌾搵咗好耐😂。經商場的話，見到匯豐，隔離條扶手電梯轉左出去就到架喇！

親戚介紹左尼間餐廳，佢話成日幫老細由新界去觀塘買尼間外賣，我當時覺得有啲誇張，好嘥車油，或者我未明有錢人既想法🙈早餐時段，我㨂左椒鹽蛋三文治🥪（$36）：尼個價錢同對面街既冰室相比，的確係較貴（當然我知佢係coffee shop😂），不過因為親戚講到咁好食，都係要試下😋。三文治用兩塊預先沾上豉椒醬既麵包烘至香脆，夾著日本雞蛋🥚後切成三份。多士好香脆，勁鍾意咬落去煙煙韌韌既口感。本身都驚朝早食咁濃味既野唔習慣，但食落令我好驚喜。豉椒味道濃度適中，香味十足，無論係味覺同嗅覺都享受到豉椒味，食落再帶少少甜，完全唔係平日食打冷果種重口味。雞蛋好厚身，濃濃既蛋香，應該起碼有兩隻雞蛋🥚。尼份三文治對我講非常飽肚，味道獨特又滋味，推薦👍🏻熱鮮奶咖啡☕️（跟餐+$17）：係一杯柔和既咖啡，奶同咖啡要配搭出和諧，啡味不算好濃，剛好。跟餐+$17尼個價錢絕對相宜。