叁去壹點心粉麵飯

营业中

休息中

新一代訓到12點係基本吧。你訓到gur gur 聲時，師傅已起身炮製新鮮點心，天天凌晨5點半招呼各位街坊。你話，而家嘅新店邊會做到，邊到咁有人情味？❤️西營盤有好多昔日文化嘅寶藏，老店林立，好值得我哋去探訪，了解上一輩嘅回憶同生活。今次去咗歷史長遠嘅叁去一，食傳統點心。白牌紅字招牌有濃厚嘅舊香港味，塵灰色見證歲月痕跡，但熱情不減🔥🤩蟹黃燒賣 $21豬肉好新鮮，唔係落重味精，皮薄證明手工好👍🏻第一次食到咁爽口自然嘅燒賣，係舊香港嘅懷舊味道，好難再揾到了。🥟鮮蝦餃 $21表皮晶瑩剔透，啖啖緊實飽滿，爆蝦感之餘仲有鮮甜味💕🍚豉汁排骨飯 $26豉汁撈飯勁好食，最中意甜甜哋嘅豉油。飯粒粒分明，唔會太濕，乾脆得黎好好食。排骨好有肉，食完啲骨放枱面，好有風味😆🐣綿花雞雞肉好入味，豬皮爽口，想飲埋個汁呀！好juicy💕

💁‍♂️ 14/3/2023(Tue), Lunch🍽💁‍♂️A先生由中學時代開始，一直去到大學都喺西營盤呢邊度過，所以對呢區比較有多啲接觸，即使到而家畢業咁多年之後，佢都係繼續返嚟呢區佢幫趁開既髮型屋💈去剪頭髮💇🏻。呢一日佢剪完頭髮之後，就去咗佢咁耐都無食過既叁去壹食個佬味十足既午飯先。環境方面，始終都係舊式老店，裝潢當然都係比較舊同不修邊幅，不過嚟得呢度都係為咗食一份懷舊既味道同傳統手作點心，對環境又唔會太在意，不過衛生方面呢度都可以既，枱櫈同餐具都係乾淨既。剪頭髮前經過都見到有外籍人士/遊客嚟食，但剪完頭髮之後既午飯時間，食客就以街坊或者職業司機為主。而今日A先生order咗：🔆 鮮蝦餃（$21）唔似而家酒樓普遍食到既蝦餃皇，呢度既蝦餃比較細粒，一籠有四粒。皮唔係薄身既、但亦無咁易夾爛塊皮。蝦餃皮入面包住蝦肉🦐、肥豬肉🐷同埋筍粒，味道正正就係細個時食蝦餃既味。即叫即蒸，上枱新鮮熱焫。🔆 鮮竹雞札（$20）A先生食點心必叫既雞札，用腐皮包住雞肉、冬菇、瘦肉同埋芋頭。未算係最傳統既雞札，始終都無咗塊吸汁一流既魚肚，但呢度又保留咗瘦肉呢款外邊酒樓已經好少見既配料。🔆 豉汁排骨飯（$26）呢