kikusan

营业中

休息中

今餐正宗係有讚有彈，大家可以跟住去食，無老點！環境☑️☑️☑️☑️☑️喺Landmark開店，環境唔靚嘅或然率係零！坐得當然舒服！味道☑️☑️☑️☑️店員招呼都算快手，一舉手落單2秒就到，加$6茶介，茶有熱有冰茶選擇，讚！今次都叫得多野食，最值得推介係豚肉小籠包，多汁好熱又好味，$58四隻ok啦。主食點咗個千層豬扒擔擔烏冬同豚肉生薑燒拉麵，前者鍾意食辣一定愛上，烏冬煙韌，後者味道普通。至於嗰個點心《椒鹽金磚豆腐》，直情大家唔好叫，無味又細粒。性價比☑️☑️☑️☑️喺呢個地段，食到好味菜色都只係$350落樓（二人價錢），只要大家避得開難食嗰幾道菜，其實會覺得抵食。

好耐冇去置地，J小姐提議今晚食呢間……去到門口，同侍應講我有朋友到咗，佢問我係幾多位，之後佢就叫我去某一邊睇吓，但佢面口吾多nice……坐下就揭吓餐牌睇吓食咩主食，我叫咗豚肉生蓮薑拉麵，小食叫咗軟殼蟹及小籠包，J小姐話想試那個自家製的橙soda，我就一齊試……先來小籠包，我覺得一般，還是鼎泰豐好食……豚肉生薑拉麵，好味，湯夠濃味，不過食完非常口渴！脆炸軟殼蟹米紙卷般，要趁熱食，好鬆脆，但放涼咗啲皮有點靭了……自家製飲品，毫無甜味，篤吓啲橙片就有啲橙香，但都吾知有咩特別，吾識欣賞！呢間都好多人排隊，對我而言都吾係平嘢，應該多中產嚟，環境燈光太昏暗……

在忙碌的工作天，午餐時間當然要好好慰勞下自己。這天一點左右到達，已經見到長長的人龍，但因為餐廳空間也挺大的，輪候的時間比想像中快，大概十五分鐘就安排入座啦！之前吃過就一直非常欣賞這裡的千層豬扒！吉列的外皮炸的酥脆鬆化，內裡的肉層次分明，肥瘦均勻，是個口感非常豐富的豬扒。擔擔麵亦比傳統的做得更香辣惹味，香蔥、肉碎、花生碎和花生醬分量很多，讓人愈吃愈滋味。朋友點的豚肉生薑燒拉麵也非常不錯。洋蔥和薑味很重，豚肉香濃，肉質軟稔又有嚼勁。我們還點了很多人推介的豚肉小籠包。果然，皮薄多汁，肉質油潤甘香，熱辣辣的放進口，簡直就是一大享受啊！對這次的用餐非常滿意，唯一不足的是環境比較嘈吵，和朋友聊天的時候需要用力一點 哈哈。