澳門仔火鍋串燒專門店 (已結業)

自從係澳門食過一次豬骨煲之後，一直都好回味，今次知道油麻地開左呢間澳門豬骨煲卞，於是就黎試下。內裡環境也算不錯，而且有2層。我地本身仲諗下駛唔駛叫多d料打下邊爐，但見到呢度d 鍋既size, 就即刻打消呢個念頭，因為真係好大煲。 絕對夠4至5個人食!我地叫左個豬骨海鮮煲配沙爹湯底，一黎到，嘩。。裡面有好多料 包括蟹、蝦、乳豬、豬骨、粟米、蜆、蘿蔔 (唔知有冇數漏)，而且每樣野既份量都好夠, 而且個湯好香，沙爹裡配合海鮮的鮮甜味以及豬骨的味道，湯都變得好好飲，大家唔好以為乳豬一定要食脆脆先好食，原來用黎打邊爐都咁正，豬骨又充滿骨膠源，沉完湯拎上黎吸下都唔錯。除左煲之外，呢度d野食都唔錯，豆腐炸得十分香脆，而內裡亦很滑，絕對係小食必食之選 。豬扒包絕對比澳門優勝，麵包夠脆及熱辣辣、而且豬扒煎得好香好入味，肉質又唔錯，絕對比澳門90%的豬扒包優勝，最後羊架都烤得很好，羊又很有"so"味，但略嫌太un 。整體來說，食物質素非常不錯，同澳門既豬骨煲有得fight! 會再encore。

記得十多年前,Kawai 曾經因為在澳門工作,而小住了一陣子,澳門嘛!好多美食,只要你想,真是日日食十幾餐都得.....前幾個星期在附近做Treatment,早到了打算食少少野,定定神,見到隔離有間舖的易拉架,寫住"奇味雞",好想試是奇還是怪,趁住翻風,最好就是約飯局,吃吃雞煲取取暖吧!這裡離我公司最近,所以我是最早到的,人未齊先叫飲品,我叫左菊花蜜,是店家自家製的,飲到菊花的淡淡的清香,甜度自然,如果你飲開紙盒裝的,就會覺得淡吧!(不過,大家也知道一盒紙包飲品等於幾多粒方糖,少飲為妙吧!)過了不久,朋友都到齊了,可以開始Girl's Talk 同享受美食!這兒有好多不同種類的火鍋以供選擇,有海鮮鍋,豬骨湯鍋,當然有我們今日選的奇味雞煲吧!店員問了我們的口味,原來奇味雞煲可以加辣,我們各人口味也不同,雞件一直的在煮,會愈來愈入味 (辣),最後我們決定要BB 辣就好~上枱時有濃郁的香味,配料有乾蔥,青椒,加上碎辣椒,紅紅綠綠賣相很吸引,是試一件雞件,雞肉滑溜, 醬汁調味紛陳,但也屬於惹味,吃慣清淡的可能會覺得重口味喔,菊花蜜也添得頻繁.... 哈哈!放在Gas 爐上邊滾邊食,感到愈吃愈辣