維記咖啡粉麵

营业中

休息中

呢間又係一間好耐無去嘅餐廳，第一次食嘅時候應該係剛畢業嘅年代，那些年成日約埋啲同學仔weekend周圍去食嘢😌某個星期六下午茶時間經過深水埗諗起好耐無食，於是就過咗去食😂 由於太耐無去，去到見到三間舖中間嗰間有人排隊就行咗埋去，等咗一陣，左邊間舖個姐姐大叫出嚟話嗰邊有位，於是就有得食喇✌🏻叫咗個 #豬潤米 ，每次嚟都必點❤️ N年前試過叫埋牛肉，但始終覺得豬潤出色啲，食過一次就無再食～ 個豬潤完全唔靭又無渣，湯有薑去腥之餘又好有味，次次都要米粉連湯一齊食。好記得有個朋友鍾意叫通粉，佢話食通粉有洞，而且用匙羹食，先可以飲到更加多湯！另外叫咗 #鮮油奶多 ，塊牛油有啲少，麻麻地🥲 仲有 #咖央西多士 ，味道還好，只係食回憶😂😂 我去維記其實淨係鍾意食佢個豬潤麵😂😂😂

 深水埗好多平民食堂，呢間維記咖啡粉麵絕對係其中一間好多人都聽過既鋪頭。鋪頭最出名既就係豬潤麵同埋咖央多士/西多士，黎到主要係食一種舊式情懷，見到啲姐姐落單係就咁對住個廚房嗌：「潤牛麵！」「咖央多！」好有翻翻細個去屋企樓下茶餐廳食野既感覺☺  1⃣️豬潤米（$35）豬潤份量好多，食落唔腥，湯底帶豬潤鮮味同埋啲豬潤碎碎，仲加入左啲薑粒辟腥👍另外米粉食落爽口。  2⃣️咖央西多士（$20） 西多用蛋漿煎香，食落帶蛋香而且唔會感覺好油膩。中間夾住搽滿既咖央醬，甜甜地好食😋 

香港有買豬潤麵地方不多，來來去去得果兩三間，深水埗維記咖啡粉麵係其中一間! 地點方便又易去，坐地鐵行五分鐘就到! 平時星期六日，緊要排20分鐘先有位，可能而家既疫情影響，五分鐘就排到! 黎到維記，指定動作當然要叫豬潤喇!  如果唔鐘意豬潤既朋友，牛肉麵都係一個不錯既選擇，不過湯底都係豬潤底，食既朋友要留意! 另一出色既食品就係咖映多士和咖映西多，這兩款都深受食客歡迎。我當然叫左碗豬潤米、加映西多加杯凍檸茶。豬潤米黎到大大碗，豬潤大件厚切，但不覺鞋口，連同湯一齊食係最佳配搭，識食既加少許胡椒粉調出鮮味! 加映西多，甜到適中，好香椰子味，檸茶茶底夠濃! 雖然唔係第一次食，但每次食都唔會失望，仲保留到惜日既水準。唯獨係加左少少價，但都可接受!

週日下午茶時間去到較新淨的維記食碗粉。維記豬潤麵好有名，我唔食內臟都聽過。入去店係6-7 成滿，十個有九個都叫有豬潤的食物。其次就是咖央西多。友人叫了豬潤米他表示很失望，豬潤不爽，雖冇內臟異味但有小小苦味。口感對他來説很差。我沒有食內臟的經驗，不能評價，所以只能把他的分享照直打下來。湯底有很小很小的甜肉味，有薑味。我的牛肉米圖中的牛肉眼見都不是軟身，大部分牛肉都需要嚼勁。我個人就食得較為辛苦。味道就真係冇乜評語可言。食左碗米粉囉。要食豬潤米，友人話去番先前食過既永記好過。我都覺得，冇必要再去。我從來冇俾過劣評，這是人生首次。可能只係失準，又可能係個人口味掛。但我是真心分享的🤷🏻‍♀️

大食男友成日想帶我黎食佢最愛豬潤麵, 但佢又早收又星期日唔開, 所以一直食唔到, 今日終於可以食到啦😋； 我地入到去係下午茶時間, 平日下晝都九成滿👍🏻；豬潤麵同豬潤米係必食, 大食男友愛個湯底, 飲到一滴不剩, 豬潤切得夠薄唔硬, 而且咬落有粉粉既感覺, 男友愛配麵因為會較為爽身, 比較過米同麵, 我下次都會叫麵😁；叫得咖啡室, 個杯咖啡同奶茶真係要飲, 茶夠香而且夠滑身; 我係為左咖央多而黎, 佢既做法較接近傳統法式多士做法, 係煎個包面至少少燶, 咖央既淡香同埋糖漿, 成件事好柔和好夾, 沒有一般多士的油淋淋或鞋口感覺😊

在香港島很少有這類型的食店,剛巧路經此地, 就排隊試一試!維記的豬潤米,份量十足,，湯底用了有大量薑粒,湯味道好香濃，豬膶嫩口爽口彈牙! 咖央西多士軟綿綿,咖央較甜, 口感不錯但甜味道一般!服務方面，一貫茶餐廳風格，店員落單上菜都很有效率, 個人覺得正常，不會令人難受，也不會有過於殷勤的招待。這就是小店的特色吧！ 

每次來到深水埗, 都會不其然想到這家食店, 用新鮮的豬潤(豬肝), 牛肉, 用大火, 快速的把它們煮熟, 用最少的調味, 令人食出食材本身的味道, 多年不變, 但許多人會覺得它的賣相不好, 但那是新鮮的証明, 血水和蛋白質的氵疑涸物就是美味的來源!! , 難怪每逢六曰例必人頭湧湧

超多人排隊等候的維記咖啡粉麵,好彩我今曰11時多到達,不用等就有位呢既然去到必叫豬潤米啦!一碗米粉內果然有好多豬潤,豬潤新鮮爽甜,不會烹得過熟湯底裡有少許薑味再加上豬潤一齊煮,令這碗簡單的豬潤米變得好美味另外餐蛋麵就好普通了我也試了這店招牌咖央西多士,一般食店的西多士都是炸的, 但此店的西多士是煎的,我覺得有點像Pancake

福榮街差唔多成條街都係食野既，間間都有雜誌比食評，維記雖然比較少，但就好特別地同一條街有三間，都仲要門口排哂長龍。之前都食過，真係好鍾意佢地既〝牛肉麵〞同〝豬潤麵〞，湯底冇味精，新鮮牛肉湯底煮成，湯邊仲有牛肉血形成既泡泡，飲左都唔會好似覺得麵舖咁，需要飲野或者係好重味精味，牛肉煮得岩岩好，豬潤又爽口。另外仲有〝加央多士〞都係正野之一，雖然要$12但就真係真材實料，成份都比蛋漿包住，入面既醬一d都冇偷工減料。真係食過番尋味。有3間維記，本人個人喜歡係最舊果間，因為覺得特別有風味，d阿姐態度馬馬，可能踏左咁耐場，總有d煩躁既，廚房既阿叔就十分敬佩，d阿姐係咁叫d麵名，阿叔唔洗紙都能夠一一做出黎，真係勁呀。

今天中秋假期,和老婆行經深水埗,所以順路一試傳說中連曾生都話好食的維記咖啡粉麵,一嘗它們的豬潤牛肉麵和咖央多.到達時大約一時多,門口巳經大排長龍,等了十分鐘左右,才有位.食物上得都快,因為大部分客人都是吃這些馳名食物,可謂兩招走天涯.我叫了豬潤牛肉麵,我老婆叫了豬潤米,賣相就不好了,好像垃圾一樣,豬潤唔夠林,麵就一般,牛肉較少,湯就和孩時喝的豬潤水味道一樣,而且薑的香味很重,幾好味.咖央多的話,我個人覺得油占多比較好吃一點,咖央多就比較甜一點.價錢就非常嚇人啦,這種質素一共五十二元,大家記著是無野飲的,我寧願去茶餐廳吃個茶餐仲好.

早排放工行完街行過哩頭, 記得好多好評, 所以黎試下.哩度推介豬潤正, 所以叫個 豬潤米試下先等左無耐就有得食喇.賣相都OK~~D湯都幾清~~先試出名的豬潤~~ 幾好, 唔會太過熟~~ 生熟剛剛好.而且都算新鮮, 咬落都爽口~~湯有幾重薑味~~~仲有少少薑絲~~~同D豬潤有D似飯豬潤水但味道都幾淡~~叫完哩碗米, 個阿姐先同我講話 潤牛麵仲好食......早出聲嘛下次要試下 阿姐推介的 潤牛麵先得

其實上年食過一次喇~今次係重溫，都係食呢度最出名0既豬潤米，見到價錢加左，但都係好滿座，d伙計都係同d人客打牙骹，令人親切0既街坊feel呢~碗野份量依然足，潤同樣爽口，又大塊又多，米粉亦冇浸到軟哂，食左三分二已經飽，想加件西多都唔得，下次先食lu~