倪姐泰國美食 (已結業)

九龍城不嬲都出晒名食泰國嘢，喺九龍城讀書嘅CWY當然唔會放過呢個機會, lunchtime出去覓食呢間野lunch menu有好多選擇，價錢$48-$52，著校服既學生仲要全部都$38，呢個價包埋野飲甜品真係抵到爛。泰式奶茶咖啡龍眼冰全部唔洗加錢，當人哋糧尾咬緊包，我去食泰國野，會唔會太過份🤪.豬肉丸船河 $48 (可選: 金邊粉/米粉/河粉)(招牌船河湯底🌶辣/清湯)我要左河粉，同港式河粉唔同，佢係闊身一片片好泰嗰種，好食但係好滑成日係我對筷子到偷走😤泰國嘢嘅豬肉丸都幾經典，冇令我失望，彈牙好食，豬肉片嘅份量都幾多，有肥有瘦一啲都唔乾，鬆軟口感。我食得辣所以覺得個湯底辣辣地幾正，但同學就食到鼻水都流埋，唔食得辣就唔好揀辣啦。佢唔辣嘅湯底其實都係泰式船河個種啡黑色，一樣好食。泰式湯係帶微甜甜，濃郁。碗野仲跟左啲通菜，香港人要食多啲菜呀排毒，面頭有炸蒜連河粉食更香口。泰式凍咖啡呢度午餐跟嘅所有飲品我都飲過，佢另外仲有黑咖啡，但其實佢呢度嘅飲品全部都係甜嘅，就算係黑咖啡都好甜，不過可接受的。泰式飲品係冇得走甜因為調校好左，叫少甜佢只係沖淡啲俾你。.仲食過海南雞飯、豬手飯、豬頸肉飯、香葉辣椒

九龍城的泰國餐廳開到成行成市，但賣泰式船河的應該只此一間。初開時食味道同在曼谷食的一模一樣，幾星期後去食卻覺得湯底淡了一點，未知是否為了遷就港人口味，但仍非常美味。而且價錢相宜，中午去食還送甜品，值得推介！