元札幌拉麵 (悅來坊)

营业中

休息中

好耐無食過拉麵啦！突然拉麵癮起，上網搵下先發現原來有間元札幌拉麵係屋企附近都唔知，去到先知原來係悅來坊落一層嘅後行，平時好少會經過，呢度一排都係嘢食舖！門口有隻大叮噹，好搶鏡！黃燈光好有日式風味嘅裝潢！拉麵款式都好多，仲有飯類可以選擇，另外小食望落都唔錯！最後揀左兩碗拉麵，拉麵有3種軟硬度可以選擇，湯底都有3種唔同味嘅選擇，真貼心！第一碗拉麵揀左 豬軟骨拉麵，麵質揀左硬身啲，好有口感，而湯底就揀左醬油，好讚👍🏻個湯底真係好夾，一上枱已聞到香味，即刻胃口大開！另一碗揀左 韓國泡菜拉麵，麵質揀左軟，但都唔會好軟，仲係有口感👍🏻！而湯底當然都係揀左醬油啦！呢個都可以稱得上係 Fusion 菜嚟😆日韓融合！

真。（後加🤣）豬軟骨拉麵：因為真係好軟。平時食嗰啲豬軟骨，點都有少少🤏好似餅乾要咬爛嘅位，呢度完全都冇，係一咬——就爛😂 軟骨軟綿綿、又有恰到好處膠質嘅「黐&溶」。完璧😂海鮮燒薄餅（大阪焼）：薄餅上面簡直係一片「木魚森林」😍 密鋪住個餅身、豐富咗個口感😋。餅身鬆軟、但包住嘅海鮮就唔係好多只係食咗少少 🤏八爪魚鬚🐙。北海道南瓜炸薯餅：香脆鬆軟嘅外皮，包住綿綿嘅南瓜蓉👍🏻 無得彈，但要更加完美，可能就要南瓜味香啲？🤔 即使我唔掂醬，都嗅唔到南瓜香味。不過，整體口感好Jeng 😍迷你甜薯：無咩特色😂除非你好想叫，如果唔係可能會浪費左「胃部空間」食佢更加好食嘅嘢😏🤪 就例如👇🏻串燒雞軟骨：出面串燒舖頭食，其實分分鐘仲貴，$18不單係巿價🤔 計埋燒烤水準，就物超所值！因為佢唔會燒到過乾、變左炸物咁，保留到少少肉汁😋 有足夠嘅肉地👍🏻 配搭埋檸檬一齊食，梗係最正。

今日放半日假約左朋友出黎行街食飯，諗住去荃灣行下。係大窩口站落左車，大概行10分鐘就去到悅來坊。因為都仲好早，係個商場行左陣。大概6點大家都行到有d肚餓，所以就係商場搵嘢食。望望下個食肆牌，發現有一間應該大家都鐘意食既，就係拉麵!所以就去左”元札幌拉麵”門面有一個好大既多啦A夢，好多小朋友行過都例牌同佢影張相，代表性十足。店舖內既裝修都好有特色，好有日本居酒屋既感覺當我地坐低左，每人獲派一個口罩!!!真係良心食肆。食物既款式唔算好多，但係好似樣樣都想食我地叫左豬軟骨拉麵，地獄叉燒拉麵，冷胡麻醬菠菜同埋日式炸雞。兩碗拉麵嘅味道都唔錯，拉麵有彈性，湯底嘅味道都非常香濃。豬軟骨好大條，軟硬度適中，而且好彈牙好有口感。鍾意食辣嘅朋友一定要試吓地獄叉燒拉麵!冷菠菜好好味，再配合埋胡麻醬同埋木魚，非常開胃。作為前菜嘅佢簡直係無得輸最後就係日式炸雞，呢樣小食我非常滿意。炸雞炸得好香口好趣脆，肉質鮮嫩而且仲有肉汁，仲好熱辣辣，送拉麵一流！價錢方面都好親密民，兩個人食都係$200左右。而且地點都算係方便，食完仲可以喺附近嘅商場四圍行吓，附近都好多嘢行如果下次再同朋友出開黎荃灣，一定會再帶朋友黎試吓呢間拉

去開荃灣嘅朋友應該對悅來坊唔陌生，不論由荃灣或大窩口行去都頗方便👍🏻今日又同朋友去咗悅來坊食飯，撰咗地庫依間拉麵店先睇店舖都有啲日式嘅感覺，坐落位置都好闊落，衛生良好👍🏻餐牌有唔同拉麵嘅選擇，可以撰湯底(味噌、醬油同鹽味）同麵嘅粗幼度。如果個日肚餓仲有唔同小食選擇😆我點咗地獄拉麵(因為係辣味，所以無得再撰湯底)，而朋友點咗豬軟骨拉麵(味噌湯底)。雖然係地獄拉麵，但係辣味唔會太強，唔會辣到去地獄😂普通粗幼度嘅麵食落軟硬度啱啱好👍🏻👍🏻，叉燒不過大失，但個蛋好好味，半熟狀態，配埋個湯就一級棒啦！拉麵仲有啲海帶、洋蔥同筍做配料，大家可以跟據個人喜好，睇下要唔要落單時走一啲配料！試咗朋友個味噌湯底，味道係偏濃嘅。如果你想試啲淡啲嘅湯底，建議可以點鹽味湯底😝整體我都幾滿意依一餐，值得推薦

趁著今天休息日，不用上班，下午便去荃灣悅來坊~吉之島購物。逛到累時，便和家人相約吃埋晚餐才回家。悅來坊B1樓，有很多餐廳，可以選擇。天氣太炎熱，也想食些清淡食品，一於選吃元札幌拉麵就最好。我們點了豬軟骨拉麵，肉質既有肉汁亦鬆軟，湯底濃郁，好美味。溫泉蛋牛肋條飯，日本溫泉蛋，煮得剛剛好，蛋味十足，牛肋條份量很多，肉質有咬口，配醃製蘿蔔菠菜，送飯一流。還有杯子蒸蛋和沙律，味噌湯，簡直系兩個人都吃不完。海鮮大板燒，鋪滿木魚，淋上蕃茄醬，厚厚的蛋醬，混合海鮮配料，微酸得來好滋味。蟹籽沙律，新鮮爽脆，女士最愛。牛舌串燒，完美的金黃色，燒的好香口，不會好韌，爽口啖啖肉。可能近酒店，所以有如此高水準的日本餐廳，服務員也有禮殷勤親切。

這晚同囡囡嚟荃灣逛逛，行經商場時被一個大叮噹所吸引，原來係佢至愛的拉麵店，決定一試！小店裝修充滿日本風情，環境舒適。嗜辣的我當然要試試"地獄拉麵" $68 ~ 湯底香辣惹味, 麵質爽口微彈, 配上嫩滑溫泉蛋及香稔日式叉燒，口感豐富！囡囡的"豚軟骨拉麵" $72也令人蠢蠢欲動， 豬軟骨肉腍入味，油脂均勻 日式章魚丸 $38 ~ 熱騰騰的章魚丸質感輕盈軟綿，章魚肉彈牙煙但略為細小。八爪魚刺身 $58 ~ 八爪魚爽彈鮮美，伴以酸酸甜甜沙律菜，口感清新！這是一間價錢合理兼有水準的拉麵小店， 值得支持！

其實朋友平日都說我是個#拉麵 控，然後我就否認，不過回想起一個人的時候，我都是大部份時間去吃拉麵的🍲當然也有與朋友一起吃，所以我承認自己是半個拉麵控吧😬逛完奇趣天地，肚餓之神呼喚我，朋友說吃拉麵吧，不吃拉麵的話不像我的風格😈所以我「被」帶到元札幌拉麵。最近都是吃叉燒拉麵，我有點膩，故豬軟骨拉麵成了我不二之選。光是這碗拉麵份量已經超出預期的多，因為最近吃的拉麵不算太豐富，所以看見的時候蠻驚喜。拉麵裡頭有豬軟骨，粟米，芽菜，海帶，玉子，配料挺豐富。玉子味道還不錯，蛋黃也不會過熟。至於拉麵湯頭一點也不油膩，味噌湯濃厚，但不像平日的過於重鹹，相信不少人都會接受這鹹度，我都喝光了。豬軟骨相當入味，肉也燉煮至鬆軟，軟骨部份幾乎是入口即化，整體風味不俗，加上豬軟骨肥瘦分佈平均，我就是愛這。拉麵彈力十足，非常討好，不會偏硬或偏軟，不錯的說。塩燒五花腩風味多層次，油脂與瘦肉完美共全，嚐起來非常精彩。擠點檸檬汁伴以青瓜一起吃更增添清新感，而五花腩帶點嚼勁，不僅不油膩，燒得微脆迷人。朋友想甚麼也吃點，雜錦拉麵自然是她必選。湯底方面她選了豬骨口味，豬骨香氣濃厚，喝起來卻溫和順口。叉燒也超大片，有掌心般大，肉質