無敵家

营业中

休息中

今晚一個人黎到上環搵食，喺大街小巷之際見到呢間門面好日本feel裝修嘅餐廳，二話不說決定入去試吓。店員好熱切，見到你會即刻招呼你，有熱水同盛骨嘅碟。Menu亦有好多自家設計嘅串燒, 好吸引。一個人亦唔洗擔心食咩好，有一碗拉麵/ 炒飯可選。酒鬼朋友就arm晒啦，有好多款日本酒你揀！👍🤩經歷左至少十幾分鐘嘅選擇困難症，我決定左叫豬軟骨拉麵、明太子燒豆腐、安格斯牛柳串、牛奶雪糕🤣🤤內部環境幾有氣氛，真係有日劇中居酒屋feel！有廁所~~~好方便~~發現原來有2樓，方便鍾意坐樓上嘅人~~野食黎啦，豬軟骨拉麵好足料，豬軟骨好大舊，有粟米、芽菜、木耳。安格斯牛柳串有埋蛋黃做醬汁，撈埋好好食啊，好重牛味~~明太子燒豆腐好惹味，好多明太子😍，視覺效果澎湃，好滿足！一個人原來都可以盡興😋，下次會再encore~~~

環境5分：日式居酒屋格局，有上層，私人空間足夠，周圍都係酒樽同酒杯同D日式裝飾，燈光暗暗地好有氣氛，兩個人都畀坐四人位，舒服畀五分。衛生5分：枱櫈餐具好乾淨，又有消毒搓手液，衛生可以畀五分。服務5分：服務員爽手唔囉唆，不停收碟同加茶，畀佢滿分。味道5分：1)     無敵家招牌沙律Ｄ沙律菜非常新鮮，最特別係燒過嘅粟米，而且入面又有海帶，桃肉同蕃茄，加埋隻超滑溫泉蛋，非常豐富。2)     燒日本餃子皮薄餡嫩。3)     雞翼燒得非常有心機，非常香口，可以連埋雞翼尖一齊食。4)     雞皮蝦卷係雞皮包住隻蝦，燒得隻蝦唔會乾身，非常juicy，雞皮食落唔油膩。5)     厚切牛舌厚肉好爽脆。6)     脆炸蓮藕片炸到脆卜卜，食落去好似薯片咁。7)     豬軟骨豚骨湯拉麵入邊Ｄ豬軟骨非常淋身，非常入味同埋拉麵好彈牙，湯底有粟米嘅味道好甜。抵食5分：日本餐有沙律有串燒有拉麵有啤酒，每人都係300蚊多Ｄ，非常抵食。

🇭🇰無敵家·我地個日本身想食我愛慢煮架 但係佢full booking左 所以我地見到呢間感覺幾地道就入左黎試🤤佢D野食都唔錯既 而且真係好岩嗌少少酒一路等野食一路吹水 不過佢漏單既情況都幾嚴重 我地有3樣嗌左既野都無黎🙊·豚肉荔枝卷 $35鮮露筍煙肉卷 $32見個荔枝卷好似好得意就嗌左黎試 佢粒荔枝係好食juicy既 但係佢地好似唔係好夾咁 食落口好似兩回事咁😂😂佢個露筍煙肉卷就好食D啦 個配搭同油脂都合理D😌·燒日本餃子 $38呢個出乎意料幾好食 佢個餡調得幾好 而且個皮都幾薄 仲要煎得好脆唔錯唔錯😎·味醂雞泡魚乾 $68呢個都唔錯 不過佢個醬汁好似搽得有D太多 有D痴牙🤣但係超級配酒😈·豬軟骨豚骨湯拉麵 $88最後呢個係我地怕唔夠食嗌既 都唔錯 係一碗正常既拉麵 值得一讚係佢個豬軟骨做得幾出色 係真係好lum好入味🥳·#rbyeat#rby日本菜#rby上環·📍上環孖沙街9號地下

今日既午餐選擇左位於孖沙街既無敵家，呢頭雖然相當多食肆選擇，之不過好多間都排滿哂人，想快手快腳食完都唔容易啊至於無敵家呢，可能因為出面有裝修工程啦，竟然無人排喎。但招牌亦都因為咁而唔多顯眼，差啲就miss左佢🙈唔講咁多，即刻試下咩味先。呢個係同事叫既豬軟骨拉麵，湯底稀得黎又有點油，豬軟骨煮得好淋，麵身偏硬，而重點係食到有三條荷蘭豆....可能我見識少，真係無試過拉麵會有咁既食法haha 至於我呢碗啲叉燒煮得又係好淋喎，湯底無補充喇，同樣地又搵到荷蘭豆🙈食完呢餐有點後悔，後悔點解當初貪唔使排隊而入左黎食sosad