無敵家

营业中

休息中

环境5分：日式居酒屋格局，有上层，私人空间足够，周围都系酒樽同酒杯同D日式装饰，灯光暗暗地好有气氛，两个人都畀坐四人位，舒服畀五分。卫生5分：枱櫈餐具好干净，又有消毒搓手液，卫生可以畀五分。服务5分：服务员爽手唔啰唆，不停收碟同加茶，畀佢满分。味道5分：1)     无敌家招牌沙律Ｄ沙律菜非常新鲜，最特别系烧过嘅粟米，而且入面又有海带，桃肉同蕃茄，加埋只超滑温泉蛋，非常丰富。2)     烧日本饺子皮薄馅嫩。3)     鸡翼烧得非常有心机，非常香口，可以连埋鸡翼尖一齐食。4)     鸡皮虾卷系鸡皮包住只虾，烧得只虾唔会干身，非常juicy，鸡皮食落唔油腻。5)     厚切牛舌厚肉好爽脆。6)     脆炸莲藕片炸到脆卜卜，食落去好似薯片咁。7)     猪软骨豚骨汤拉面入边Ｄ猪软骨非常淋身，非常入味同埋拉面好弹牙，汤底有粟米嘅味道好甜。抵食5分：日本餐有沙律有串烧有拉面有啤酒，每人都系300蚊多Ｄ，非常抵食。