Erawan Thai Premium (已結業)

噚日朋友同我喺度慶生，一入座就送上 welcome drink，侍應招呼都算好，又介紹食物，知道朋友要揸車都叫我哋下次唔揸車先叫酒精飲品。昨天星期四都算多客，食物上檯都算快，所以不自覺會食多咗，我到今早都仲覺飽!我會再幫襯的!

果晚13個人幫一個好耐無見嘅朋友洗塵，所以由一個識飲識食嘅朋友揀餐廳，佢揀咗哩間泰國餐廳，由於佢喺度食開，所以佢負責點菜。叫咗兩盤小食拼盤，啲嘢炸得好鬆脆，而且仲有3款醬可以點。泰式生蝦，食泰國嘢必點！哩間啲蝦好新鮮！不過個生蝦醬同我平時出面食嘅唔同，比較辣，但一樣好好味！泰式魚翅煲，雖然唔鼓勵食魚翅，因為魚翅其實無味又影響海洋生態，我要講嘅係個湯煮得好好味，食果陣要撈埋啲芽菜，莞西，仲有個芥末醬先好味！同埋撈飯食真係一流！全晚最深刻係哩碗湯！咖哩炒蟹，啲蟹拆晒肉，岩晒我哩啲懶人，配埋薄餅一齊食，正啊！不過我掛住同朋友傾計，到我食果陣已經得返少少，都唔知仲有無蟹肉，但個咖哩汁幾好味。炒蜆煮得好惹味，無沙，不過好多蜆都無打開個殼，侍應話喺出邊無打開果啲就唔食得，但佢哩度嘅唔知乜乜蜆(唔記得佢講咩蜆)唔打開都食得。豬頸肉粉絲煲，豬頸肉好味，但粉絲先係主角，勁入味！燒雞又係叫咗兩碟，皮脆肉嫩！烏頭魚個侍應話無骨我先放心食，味道唔錯，但食食下我隔離個frd食到有骨，所以我食咗幾啖就無再食，因為我食親魚都好易哽骨。炒通菜，沒什麼特別，就是平時出邊食泰式炒通菜嘅味道。我哋十幾個人果晚係book咗一

前幾日同屋企人四口子去左呢間米芝蓮泰國菜餐廳食晚飯依家仲回味緊當日各式各樣既菜餚!一上到去餐廳 竟然有一座泰國「龍椅」係門口相當壯觀聽說由泰國完完整整咁運過黎!Tong Yum Cooler (HKD78)未點菜之前 先來一杯cocktails 呢到既Cocktails全部都整得好靚 亦都特具創意！呢一杯cocktails係我覺得第一次黎必飲既 味道極似冬陰公味 去到喉嚨會有少少灼喉既感覺 辣辣地 能夠將冬陰公變成為一杯cocktails 真係好有創意👍🏻泰式茄子肉碎沙律 (HKD138)第一道當然係唔少得既沙律平時食泰菜通常來來去去 都不外乎柚子沙律 鮮蝦沙律等等有「茄子」既沙律都係第一次食咋! 再加上肉碎同泰式醬 好開胃!Tom Yum Koong (HKD188)黎到食泰菜最重要既一環 － 冬陰公!呢個湯可以供三至四人飲用再留意一下 圖中既冬陰公相當足料 每一啖都有超級超級濃既冬陰公味!香炸雞翼釀墨魚滑 (HKD98)夠竟雞翼有幾多個演變方法？外表只係一個漲卜卜既雞翼 但其實裡面釀左墨魚滑 再加上泰式辣醬 呢個釀法真係有創意!豬頸肉粉絲煲 (HKD148)呢個絕對係我既最愛 底層

好耐冇食泰國野，經朋友介紹話依間水準唔錯，所以一於試下。餐廳環境幾舒服，地方寛闊，仲有由泰國運黎嘅皇椅。Tom Yum Cooler ($78)非常有趣嘅cocktail，以冬陰公做base，一飲啲辣味已經湧上黎，好似飲緊辣椒油，但過咗又覺得唔係咁差，都幾refreshing同好特別。香炸雞翼釀魷魚滑 ($98/3件)超大隻雞翼吖，成隻手掌咁大！外皮炸得酥脆香口，入面釀咗鮮味彈牙嘅魷魚滑，再點啲甜酸醬食真係好正。豬頸肉粉絲煲 ($148)重量級粉絲煲，滿滿嘅粉絲上鋪滿豬頸肉，應該有成20塊咁多！粉絲爽口彈牙，煙煙韌韌，索到汁得黎又唔會好濕好腍，太好食喇！蘇梅火辣海龍 ($388)依道係餐廳得獎菜式，當然唔少野啦。四隻蝦都大過手掌，啖啖肉，肉質彈牙鮮味，配埋一大堆香口嘅配料，例如花生、乾蒜、紫蘇葉等，非常惹味。芭提雅蟹逅 (時價 約$500-600)再一道得獎菜式，隻蟹大唔再講，仲要係蟹膏爆棚！成個蟹蓋都係膏，多到可以六個人分。個汁都超正，椰漿夠香，但唔會蓋過蟹嘅鮮味，用黎撈飯真係可以食兩大碗！

泰國菜成日食，不過連泰王都食嘅泰國名菜，又點可以唔食呢！ 先乾一杯名叫Erawan Thai Premium的cocktail。面頭的葡萄泡沫配上淡淡的香茅味，味道好特別！左邊黃色尼杯係Honey Ryder，係mocktail嚟。香蕉+橙汁+熱情果+蜜糖，尼個配搭感覺上有少少怪怪地，飲落又幾好飲！酸酸甜甜，解膩又醒神。拼盤都幾大份，有蝦餅、魚餅、春卷、雞卷、豬頸肉同雞中翼，仲有三種醬汁比你點添。豬頸肉大大塊，份量幾多吓。粉絲火喉煮得剛好，軟硬度適中，唔會太腍有啲咬口 而且相當乾身入味，一啲都無油膩感！一碟4隻大虎蝦，厚肉彈牙，辣辣地非常惹味香口 記得食蝦要拆埋蝦頭啲膏嚟食呀！巨型膏蟹，剩係個蟹蓋都有7-8吋闊，啲膏多到4個人分每人都有一大舊，超正個蟹鉗大到呢，蟹肉仲好鮮甜，而且個醬汁真係無得輸如果你會叫白飯或油鬆餅，建議用埋個汁嚟撈飯或點鬆餅一齊食吖。最後當然要食甜品啦！椰汁芒果糯米飯同南瓜布丁都好好味

一位識飲識食的朋友邀請我到這間高級泰國菜食飯，設有private room，所以傾偈完全無問題開餐前試了杯cocktail，味道十足十冬蔭功，後勁帶少少辣，我非常喜歡，好味道！上菜前，餐廳都會奉上welcome drinks，有lemon grass等味道，味道開胃，樣子就像潮州菜的功夫茶哈哈前菜是少見的凍盤，茄子辣辣地，不太油，有水準，是叫木瓜／柚子沙律外的好選擇由於主菜都叫了好幾道，我就重點介紹一下：羊腿好嫩滑，有股討好的羶味，印式咖哩汁配上後面的naan，天衣無縫，是我當面最喜愛的菜式之一以上兩道個人認為比其他菜式比下去，但也不失為有水準兩道海鮮都是得獎作品，新鮮不在話下，蝦非常大隻又彈牙，底下的紫蘇葉同腰果都係精髓，脆卜卜食到停不了～咖哩蟹是時價，用上泰式咖哩，加上蛋花，送飯一流！雞燒得皮脆肉滑，好耐無食過如此有水準的雞，這道係除左羊腿以外，另一道我最喜愛的菜式飲品我分別試了兩杯，質素一般，cocktail會比較有驚喜甜品試了拼盤，來個大包圍，樣樣都試到～中間的芒果是不能不吃，但不是每天都供應，看來要靠運氣了哈哈！糯米飯白色的較好吃，椰汁糕呀，南瓜布丁等我覺得無驚喜:/總括：有

最近知道尖沙咀開左間Moon Thai 既姊妹店，哩晚一於約埋朋友試一試！香炸軟殼蟹…好香口，又夠哂脆，雖然肉唔多，但蟹味同肉汁都好足夠！芝士烤薄餅…熱辣辣拉到絲既芝士！但可惜芝士味唔夠濃郁，薄餅有煙韌口感蘇梅火辣海龍Koong…蝦勁大隻！一人一隻真係大滿足丫味道唔辣但超級惹味，海蝦啖啖肉又夠實淨夠彈牙，連底下既炸蒜炸紫蘇葉都好好味，原來哩道菜仲拎過獎，真係好正呀芭提雅蟹逅…蟹肉蟹膏都好有份量，雖然配上咖哩汁，但都唔會蓋過蟹既鮮甜味芭提雅燒雞…皮脆肉嫩既燒雞係最好食既！配埋佢地自家制既醬汁真係夠哂惹味。馬沙拿羊肉腿…羊腿肉完全唔會氈！怕氈既朋友仔一定食到。羊腿肉煮得又夠淋仲入哂咖喱既香味，咖喱汁仲可以用薄餅點黎食，一d都唔嘥野嫁豬頸肉粉絲煲… 簡簡單單既配搭原來都可以咁好味，粉絲帶彈性，吸收哂醬汁既味道，但食之前一定要先攪勻，咁d粉絲就可以更索汁！而豬頸肉就冇乜驚喜，但都唔錯。泰式甜品拼盤… 本來叫左芒果糯米飯，但廚師話芒果哩日唔靚，所以就轉食哩個拼盤啦…好欣賞佢地既認真，唔會serve唔靚既食材俾客人，抵讚而哩個拼盤都幾豐富嫁，有黑白糯米飯、椰汁糕、西米糕同南瓜布甸，為哩餐畫上完美句