影片
更多
2021-07-22
391 浏览
同朋友食韓燒揀左好評如潮嘅韓珍，當日有唔少食客都係韓國人，相信佢味道正宗。平日夜晚去到有四五組人等位，記得訂左枱先去。老闆非常好客，會盡量招呼每一枱，亦會安排員工幫手燒烤，我同朋友幾乎全程無郁過手。用爛爛嘅韓語同老闆傾左幾句後佢更熱情，滔滔不絕咁分享韓國飲食文化同燒肉貼士，所以呢篇食評會較詳盡喔。 (w/ 10% service charge)坐低無耐店員就送上前菜，之前去唔少韓國餐廳都係求其畀碟泡菜同大豆芽就算，呢度仲有甜豉油鵪鶉蛋、魚餅、青瓜泡菜同埋蛋薄餅，老闆話蛋薄餅嘅靈感黎自用鍋上嘅韓式蒸蛋，內有芝士同苦瓜洋蔥等蔬菜。🍽特級牛肋骨 Beef Short Rib (250g) ($250)店員話韓國人通常食完牛先食豬，建議我地燒牛先。睇紋路就知肉質唔錯，燒熟個面鎖住肉汁後，就可將牛肋骨剪成bite size放喺蔬菜面，用餘溫㷫住，以免overcook。第一片肉建議點喜馬拉雅鹽試清楚個味，之後可選擇麻油海鹽、韓式包飯醬、wasabi或洋蔥汁。牛肋骨肥瘦均勻，肉味頗濃，好食。🍽豬頸肉 Pork Jawl (150g) ($150)呢款係後頸肉，感覺爽口啲，無醃過都好夠味。老闆話韓國
21 浏览
0 赞好
0 留言
坐低無耐店員就送上前菜，之前去唔少韓國餐廳都係求其畀碟泡菜同大豆芽就算，呢度仲有甜豉油鵪鶉蛋、魚餅、青瓜泡菜同埋蛋薄餅，老闆話蛋薄餅嘅靈感黎自用鍋上嘅韓式蒸蛋，內有芝士同苦瓜洋蔥等蔬菜。
🍽特級牛肋骨 Beef Short Rib (250g) ($250)店員話韓國人通常食完牛先食豬，建議我地燒牛先。睇紋路就知肉質唔錯，燒熟個面鎖住肉汁後，就可將牛肋骨剪成bite size放喺蔬菜面，用餘溫㷫住，以免overcook。第一片肉建議點喜馬拉雅鹽試清楚個味，之後可選擇麻油海鹽、韓式包飯醬、wasabi或洋蔥汁。牛肋骨肥瘦均勻，肉味頗濃，好食。
特級牛肋骨
$250
19 浏览
0 赞好
0 留言
呢款係後頸肉，感覺爽口啲，無醃過都好夠味。老闆話韓國人鍾意一鼓作氣咁燒烤，呢款剪成幼條喺爐邊燒啱啱好，等中間嘅牛肉熟晒就可以接住食。
豬頸肉
$150
19 浏览
0 赞好
0 留言
🍽蜂窩五花腩 Beehive-shaped Pork Belly (150g) ($150)呢款嘅特色係𠝹左交叉紋，雖然佢都幾厚身，但就算燒到呈金黃色、肥膏位焦脆都唔會死實實，建議加埋洋蔥、蒜片等包生菜食，無咁油膩，要讚下店家會主動換烤盤，而且次數頻密。
蜂窩五花腩
$150
21 浏览
0 赞好
0 留言
除左肉仲叫左啲澱粉質填肚，不過最後飽到食唔晒，煎餅嘅海鮮包括魷魚同蝦，加埋爽脆嘅葱同辣椒，微辣惹味。煎餅粉漿唔厚，再燶少少就更好食，配埋似魚露嘅醬汁，整體唔錯。
海鮮煎葱餅
$150
23 浏览
0 赞好
0 留言
餐牌：
张贴
