強記美食 (已搬遷) 新店位置

本人住新界, 真係唔多機會過港島區食嘢, 不過呢間強記俾朋友推介咗好多次佢個糯米飯, 今次難得過咗嚟銅鑼灣, 好~ 我點都過嚟會會你先得~嚟到見佢有開(因為朋友話佢哋好有形架, 時開時唔開), 我即刻ORDER碗糯米飯食啦, 我女友就叫咗碗豬骨粥(其實我哋兩個都已經食咗飯, 所以真係食唔落其他嘢啦), 講返個糯米飯先, 真係堅好食, 佢係果隻蒸好一底白色糯米飯先, 然後ORDER就加潤腸, 蠟腸, 豉油撈撈佢, 之後加蔥加花生, 嘩~ 痴線架, 好好味呀~ 糯米飯香而不黏口，炒得唔錯，用嘅蠟味都唔係平嘢，潤腸同蠟腸的餡料無酒味，亦都唔係只得肥肉。豬骨粥就煲得幾綿, 味道都可以，另外仲落咗唔少腐竹，所以唔太稠，不過豬骨的量唔多，略欠肉香。

夜晚放學之後，食少少野先返歸，有同學介紹去強記佢既豬骨粥同煎腸粉最出名雖然係大排檔格局，不過價錢都偏貴，可能因為灣仔區啦好綿好滑，除左有好香豬骨味之外，仲有好香既豆味，因為佢落左唔少黃豆一齊煲腸粉煎得岩岩好，脆口之餘仲保持本身既軟滑大合照，其中有碗豬皮都好正，炆到淋晒又夠晒入味

強記有幾出名相信不用我多講, 早幾年已想來吃, 但偏偏地點和營業時間對我來說都不很方便, 直到幾個月前搬來灣仔暫住, 住所正正就在強記對面, 此時不吃, 更待何時?去年年末某天, 正值嚴寒之隆冬, 看到報上有關強記什錦腊味糯米飯 ($25) 的介紹, 當晚下班後, 即刻去買了一碗回家當晚飯。回到家裡, 飯仍是熱的, 樣子看來也足料, 內有臘腸、潤腸、臘肉、冬菇粒和蔥花, 沒有花生 (我最憎吃糯米飯的花生, 因為往往會吃到有膉味的, 不利健康, 索性不下還好), 配料大大粒, 入口甘香油潤, 是不錯的。糯米飯如下文子陵兄所言, 是軟糯可口的, 也有炒過一點但就沒有生炒的那樣, 有時會有生米粒。醬油下的不算重手, 果然是一碗好吃的糯米飯。難怪不少名食家也推荐啦。雖然外賣都方便, 但也想一試在鬧市品嚐大牌檔風味, 所以之後便來了堂食。時間還早, 可以全店內, 遲些來就要坐後巷了。不過是有電視看的。今次再來兩款名物, 先來花生旺菜豬骨粥 ($20), 材料如菜名, 有豬骨兩大件、花生跟旺菜 (即是淡菜囉)。胡椒粉請根據個人口味添加, 我下的比較重手。粥底夠熱, 綿滑, 沒太多味精, 但豬骨就沒

中小學時代一直住在灣仔軒尼詩道近馬師道口，這間強記由新同樂時代到今時今日入鋪，可以話係伴著我成長，自小便喜歡這裡的糯米飯及煎腸粉，天氣開始轉涼，又係時候會一會這兩道港式食品了坐在後巷，展開掃餐牌大行動，糯米飯、炒麵、豬骨粥、煎腸粉、魚旦豬皮蘿蔔、燒賣，每位也不過三十五蚊，看見滿臺的食物，心總是有點興奮。馳名的糯米飯勝在足料，糯米粒粒分明，大寒冬時加臘腸潤腸各一，更滋味暖心! 煎腸粉、一來煎得可口不失滑溜，二來醬汁吸引，不容錯過的小食；魚旦豬皮蘿蔔，又是每次光顧必點之一，其中以蘿蔔豬皮做得較出色!說起豬骨粥，味道及份量都交足功課，重點是價錢大眾化，絕對是宵夜之選吧，也難怪電影 <豪情> 中古天樂及陳奕迅總是一邊在強記食粥一邊等新一期豪情出版的；至於炒麵及燒賣則比較普通，一試無妨，下次還是主攻糯米飯及煎腸粉便足夠了 ^__^等天氣再凍一些，必定會再來的，或者一眾窮鬼也可考慮試試這裡呢