一起食堂 (威利廣場)

营业中

休息中

現在走在街上滿頭大汗，天氣實在太熱了，胃口也不好呢～！看到這間餐廳推出的夏日限定款式，以及新推出的柚子風味菜式，感覺輕盈一點，有點食慾想嚐嚐呢～而且下午茶價錢十分優惠，$38起有主食和小食各一款，附近上班的可以過來吃吃唷！餐廳用上木糸桌椅，牆上掛有台灣電影的海報，這裏有台、日式的菜式提供，用點餐紙下單的。另外職員服務也不錯，很細心呢～♡吉列海鮮冷烏冬拌柚子汁$82 🥢必點🥢炸成金黃色的吉列蝦、吉列蠔十分吸引啊！外皮炸得香脆但不油膩，夏天很適合吃冷烏冬，涼涼的，加上酸甜的柚子汁，味道酸酸甜甜的，頗開胃呢～而柚子汁味道好像濃縮了的湯底，沾一點已經很夠味。還有車厘茄和日式醃蘿蔔，口感爽脆，味道清爽。♡日式清酒蜆烏龍麵$69清酒味不會太過濃烈，蜆份量不少，還有海帶，感覺清淡開胃。♡古早滷水拼盤$69有牛腱、雞翼、豬耳、滷蛋，表面灑有芝麻、香蔥，增加香味。♡貢丸湯$15三粒大大的貢丸，加上香蔥，湯味香濃。♡冷泡四季春茶(冷)$25點了一杯冷泡的四季春茶，解油膩感。♡芋圓仙草凍$40 🥢必點🥢有仙草、紅豆、芋圓、紫薯圓、地瓜圓，份量很多，我們二人分成兩碗吃都足夠，甜度剛好，圓類煙韌有咬口，充滿口感

喺公司附近有間台灣菜，裝修有啲日系風，木係裝修配燈籠感覺好舒服～ 餐牌選擇都幾多，唔止有台灣菜，仲有日式料理～酥炸地瓜條 $42份量好豐富，地瓜條炸到金黃色好香脆，粉漿好薄唔會油膩，味道香甜，會食唔停口～府城蝦卷 $32外皮腐皮炸到好酥脆，裏面蝦卷好Q彈，配埋沙律醬好惹味，推薦必食～肉燥燙青菜 $30青菜翠綠爽脆，肉燥份量都幾多，配埋一齊好夾～貢丸湯 $15貢丸有三大粒，口感爽口彈牙，湯底加咗香蔥香蒜好香～台式四寶飯 $69材料好豐富，包括滷水雞翼，滷水豬耳，滷水蛋，肉燥～ 滷水雞翼好大隻，滷水汁好入味～ 滷水豬耳好爽脆～ 滷水蛋好香蛋味，滷得好入味～ 飯底份量好多，建議叫小飯～黑糖豬軟骨飯 $72豬軟骨肥瘦適中，軟骨位置好爽脆，味道香濃有少少黑糖嘅甜味～ 配埋糖心蛋撈飯食～愛玉鳳梨綠茶 $25酸甜開胃，味道清新，帶有鳳梨香味，中間食到有愛玉好有口感～芋圓燒仙草 $35第一次食熱嘅仙草湯，香味更濃郁，等仙草微微放涼後就會結成啫喱狀，有兩種口感～ 芋圓煙韌，整體唔會太甜～整體食物質素唔錯，價錢合理，食物選擇豐富，除咗台灣菜仲有日式菜；上菜速度好快，職員服務態度主動友善，亦會問適合啱唔啱食

比較近海旁的一個地下店入到有頗舒服的感覺，可能因為都是新裝潢，而且坐位都幾舒服雖然此是台灣菜，但個人感覺有點日系風因為枱椅都係啡系為主，而且天花掛了些燈籠日是假期，人流不算多我地一行2人可坐一個4人卡位，很闊落枱上放了一張黑白點菜紙，可以用鉛筆圈出喜歡的主要食品類有面﹑飯﹑小吃飲品同甜品如果午市(11:30-15:00)幫襯，可用$12自選$12以下既飲品﹑+$2有迷你芋圓仙草凍﹑+$6飲品可以加珍珠/仙草/紅豆食物方面，份量比想像中多好多好似我叫左一個魯肉飯，原來都會跟前菜同湯~呢樣佢個點菜紙冇寫到~所以大家要小心唔好眼闊肚窄味道方面，我和朋友都覺得整體是幾有水準而且價錢仲要幾抵食，性價比高呀!而且也不用加一服務費呢服務方面都算幾好有一個加分位係，我和朋友只點了一杯飲品，但侍應上飲品時，會再用紙杯上一杯暖水這個位真係好貼心，滿意➽魯肉飯 $58黎到有驚喜，因為我本身見價錢係$58，以為淨係一個碗仔size 就算，因為平時出面呢個價係差不多咁所以我叫左個滷水拼盤送魯肉飯，點知叫多左 …魯肉飯黎到個碗真係好鬼大，魯肉既量都好多佢仲跟埋前菜同一碗湯，原來係一個set 的安排前菜有迷你甜蕃薯

最近放工行過見到呢間個門面都幾神秘 價錢都幾抵仲要唔使加一主食都係6 70就搞掂 原來入邊裝修都幾日式㗎喎🏮❣️黑糖豬軟骨飯 $68豬骨超腍超大嚿 甜甜地嘅黑糖香味 一咬成件散開軟骨同樣入味 但食落爽口 撈埋溫泉蛋一齊食好正❣️紅燒三寶牛肉麵 $88一碗有齊牛腱 牛丸 牛肋條 紅燒湯底唔算太鹹反而仲有啲甜甜地添 吸滿湯底嘅牛腱相當大塊 唔會鞋口 另外牛肋條好軟身 入口即溶❣️貢丸湯 $15幾乎係台灣價嘅貢丸湯 一碗都有三粒丸 少少鹹但貢丸好鮮味 底部仲有啲蒜粒 一齊飲好香好濃❣️魯蛋 $12去台灣必買嘅手信之一 🥚滷得相當入味 係唔錯嘅餐前小食❣️鹽酥雞 $38估唔到份量咁多 雖然話係油炸 但比平時嗰啲乾身而且粉層唔算厚 依然keep到肉汁 食到一粒接一粒❣️烤台灣香腸 $28正宗台灣烤香腸 皮脆肉嫩嘅香腸好香豬肉香夾埋蒜片食微辣口味好過癮❣️肉燥燙青菜 $28肉燥汁浸淋青菜 代替一般熱水烚蔬菜🥬包住肉燥粒粒十足生菜包咁❣️綠茶多多(冷) $24原先以為溝益力多應該會好甜 意外地飲落竟然有啲小清新成餐食咗咁多油膩heavy嘢 啱啱好可以中和返下

👧🏻Wodafoodie in Kwun Tong呢間裝修行日系風既小店其實主打食台灣菜，平日午市成日都好多人，所以今次黎試佢既晚市😆小食全部都好平，兩個人食決定叫一個主食加小食放題，擺盤好日式好靚！😍✨🍜紅燒三寶牛肉麵(牛丸、牛肋肉、牛腱) $88叫三寶就可以滿足到三個願望，牛丸彈牙油脂感豐富，牛肋肉肉質軟腍，牛腱入味非常，麵條係烏冬麵。✨滷牛腱 $38✨烤台灣香腸 $28✨炸花枝丸 $28✨燙青菜 $18✨貢丸湯 $15✨滷蛋 $12✨芋圓燒仙草(熱) $28一口氣叫左6款地道台式小食加一個甜品😋最鍾意係滷牛腱！🐮質嫩爽口，厚切口感一流，牛筋部分好有咬口😍台灣香腸肥瘦適中入口Q彈，甜而不膩；🍢貢丸湯頭清甜，貢丸彈牙多汁😛🍡花枝丸金黃香脆；🥬燙青菜一份叫左走油☺️最後配上煙韌既三色芋圓配熱燒仙草，係超滿足既一餐，好似去左一轉台灣夜市咁😋👍🏻👍🏻👍🏻📍 一起食堂 (威利廣場) (觀塘)觀塘開源道48號威利廣場地下G5號舖