一起食堂 (威利廣場)

营业中

休息中

喺公司附近有间台湾菜，装修有啲日系风，木系装修配灯笼感觉好舒服～ 餐牌选择都几多，唔止有台湾菜，仲有日式料理～酥炸地瓜条 $42份量好丰富，地瓜条炸到金黄色好香脆，粉浆好薄唔会油腻，味道香甜，会食唔停口～府城虾卷 $32外皮腐皮炸到好酥脆，里面虾卷好Q弹，配埋沙律酱好惹味，推荐必食～肉燥烫青菜 $30青菜翠绿爽脆，肉燥份量都几多，配埋一齐好夹～贡丸汤 $15贡丸有三大粒，口感爽口弹牙，汤底加咗香葱香蒜好香～台式四宝饭 $69材料好丰富，包括卤水鸡翼，卤水猪耳，卤水蛋，肉燥～ 卤水鸡翼好大只，卤水汁好入味～ 卤水猪耳好爽脆～ 卤水蛋好香蛋味，卤得好入味～ 饭底份量好多，建议叫小饭～黑糖猪软骨饭 $72猪软骨肥瘦适中，软骨位置好爽脆，味道香浓有少少黑糖嘅甜味～ 配埋糖心蛋捞饭食～爱玉凤梨绿茶 $25酸甜开胃，味道清新，带有凤梨香味，中间食到有爱玉好有口感～芋圆烧仙草 $35第一次食热嘅仙草汤，香味更浓郁，等仙草微微放凉后就会结成啫喱状，有两种口感～ 芋圆烟韧，整体唔会太甜～整体食物质素唔错，价钱合理，食物选择丰富，除咗台湾菜仲有日式菜；上菜速度好快，职员服务态度主动友善，亦会问适合啱唔啱食