小麻吉滷肉飯 (已結業)

成條通菜街都有好多唔同菜式既餐廳，要突圍而出就要諗方法。尼個餐廳外牆塗左黃色，非常sharp。重點係，廚師將台灣地道美食帶番黎香港，價錢經濟實惠之餘，仲一次過可以食到幾款高質台灣小食。每個set$60，除左叫要加錢既餸，另外跟餐配有貢丸湯。叫左肉燥湯麵，入味滷豬手，滷水豬腸拼豬耳(加$2)。另一個叫左肉燥飯(加$2)，鹽酥雞，夜市小香腸(加$2)。跟set加錢有飲品。肉燥湯麵好大碗，正常女仔食會食唔哂，而且湯底清甜唔鹹，肉燥入味。入味滷豬手一份有3大件，滷煮完甜甜地，而且好Q彈，好多骨膠厚，清理豬手方面亦做得唔錯。滷水豬腸拼豬耳(加$2)望落細細碟，但堆滿成個碟，食極都仲有。不過個人覺得可以唔駛太多醬汁，因為已經好入味。肉燥飯(加$2)比湯麵相對上細碗d，但肉燥份量都一樣咁多，送飯一流。鹽酥雞炸粉皮薄，雞件炸完依然有肉汁唔乾身。夜市小香腸(加$2)就好似係台灣食到既香腸一樣，甜甜地。跟餐配有既貢丸湯唔可以睇少，湯唔鹹，而且配料足。每個set仲要幾件涼伴黃瓜添。整體，好有台灣風味，而且好用心煮，價錢比起其他台灣菜館平好多，重點係好食好多添。而且份量好多，估唔到食唔哂，滿足。

同朋友出旺角食飯，行到女人街就周圍睇下有啲乜嘢好食，行咗好幾間，睇咗幾間就決定入去呢間小麻吉度食！喺鋪出邊睇餐牌嘅時候，發現佢個套餐都幾抵，可以選擇一個乾拌麵加兩個小食同一杯飲品，而且唔收加一，都係60幾70蚊左右！咁我同朋友就一人叫咗一個餐，咁麵我哋就叫咗肉燥麻醬乾拌麵同肉燥口水乾拌麵，小食就叫咗滷水豬手、黃金雞扒、夜市小香腸同麻辣滷水豬腸拼豬耳，飲品就叫咗凍珍珠烏龍奶茶同熱朱古力珍珠！上餐嘅時候估唔到原來仲會送個貢丸湯！乾拌麵入面d醬好足，而且都幾好味，尤其是口水乾拌麵，而其他小食味道都好好尤其係黃金雞扒，個炸皮好薄！

同未婚妻要係附近上堂，見到新開左間台灣菜，望入去又光猛新淨，決定試下套餐好抵食，晚餐係旺角區黎講算平先叫左杯珍珠奶茶，少甜味道不錯，珍珠同出面食到既差不多豬大腸入口即溶，好入味豬耳都好入味晚市套餐一晚市套餐二麵條好入味，夠彈牙好正，牛筋超級淋，炆得又夠入味，牛腩一樣夠淋同香，真係好好食好鍾意呢到既鹽酥雞，唔會好多炸粉，d雞肉唔肥，啖啖肉，味道又不會太咸貢丸好彈牙，紫菜湯味道較淡，但飲完都唔會口喝我幾鍾意食台灣腸，呢到台灣腸幾好食，皮脆脆的，有口感

跟朋友晚上到旺角食晚飯，隨便找了一間比較近家樂坊的台式餐廳，叫小麻吉。這是一個星期五，晚上七點差不多坐滿了，幸好還有兩個位，不用等。這裡的晚市套餐都相當抵。$60 有主食A + 附餐B + 附餐C +貢丸湯+涼伴小青瓜。主食A 是飯麵類。我們點了滷肉飯和肉燥飯。 滷肉和肉燥不算太咸，幾香口。附餐B是肉類，我們點了牛腩牛筋和香酥炸排骨。牛筋很入味，很稔，牛腩就不算入味和稔了，但也不過不失。香酥炸排骨是要讚的。排骨的外層炸得很鬆脆，真的是＂酥炸＂的感覺(平常吃的都是像吉列的那種炸)。外層不太厚，吃完不會太膩太飽。附餐C是小食類。選了滷豬大腸撈豬耳和五味小茄子。豬大腸沒有難聞的味道，豬耳爽口，兩者都滷得很入味，不錯。五味小茄子的五味我真的吃不出來，只覺像醬油煮茄子，可以的，不太咸不太濃味。貢丸湯，沒有什麼特別，可以的，不太咸，不重味精。涼伴小青瓜，青瓜是脆口的，我略嫌太酸。但朋友覺得不錯，連我的吃清光。