賞島咖啡屋

营业中

休息中

星期六同老公去太子賞島咖啡屋食晚飯。Cafe有自助飲水機，可以自由斟水，而且唔駛加一，服務態度又好。我地total叫左四樣野食，四樣都好食，cafe都做到有水準既餐點。西班牙凍湯大蝦蕎麥麵呢個我地從來都冇食過，覺得好特別就叫左黎食。平時蕎麥麵都係日式做法，配西班牙凍湯食真係第一次，結果竟然都幾夾，無違和感，味道帶番茄同微辣，麵條又滑溜，夏天食一流，解暑。蒜油花椒蜆肉意大利麵蜆肉好惹味，意大利麵帶辣，成碟好好食，大讚。孜然烤羊架配自家製薯蓉、咖啡菇、沙律菜，羊架有兩件，無羶味，而且肉質軟腍，唔錯。賞島招牌芝士蛋糕果然係招牌，芝士味濃，口感好軟滑，入口軟綿綿，係好食既芝士蛋糕，作為飯後甜品好滿足。

真心推薦呢間餐廳，如果keep得到呢個水準的話，一定會爆紅！加油💪🏻今日一個人收工經過太子，正打算出旺角搵食之際見到呢間餐廳，睇個樣咁新淨應該係新餐廳，望吓個Menu又好似幾啱我，有新野無理由唔試吓架～😋入面果然上下左右都好乾淨整潔，職員十分有禮，個場無咩人靜靜地，直情好似去咗高級西餐廳咁舒服。Menu平身唔算特別貴，不過佢無晚餐set，散叫要食飽嘅話都唔平。連呢種吸引塵埃嘅擺設都無塵，真心佩服（希望可以keep到🙏🏻）環境一流，食物更是有過之而無不及！呢個蒜油花椒蜆肉意大利麵真係香到不得之了，我本身就無辣不歡，佢呢個辣度雖然唔太辣但好溫柔，好辣嘅我食完唔會覺得唔夠喉，係真心覺得成個麵都配合得好好👍🏻不過因為係用新鮮連殻蜆肉去炒，所以難免會有少少殻碎，呢點要小心。👍🏻👍🏻👍🏻👍🏻👍🏻黑松露薯條個薯條就正正常常，個黑松露醬就好香好好味😋一個人食哂成盤都唔會厭👍🏻👍🏻👍🏻👍🏻對我嚟講，一餐要完美必然要有甜品，咁就緊係試吓佢個招牌芝士蛋糕啦。香濃嘅忌廉芝士，加埋面頭酸酸甜甜嘅醬汁，甜而不膩好幸福🥰👍🏻👍🏻👍🏻👍🏻食完甜品再飲埋杯Matcha Latte ，甜度唔高，比外表睇落更香濃嘅抹茶味，