Le Viet

营业中

休息中

🐖 烤豬頸肉（$98）豬頸肉份量頗多，而且肉質食落口唔乾，仲要豬頸肉帶有香脆嘅外邊，味道配埋泰式酸辣醬就啱啱好🧈 牛油雞翼（$78）一上枱就已經聞到好香嘅蒜香味，雞翼上面都鋪左滿滿嘅蒜蓉，雞翼好入味，而且食落肉嫩唔油膩🍲 越式匙柄湯河（$78）餐廳新推出咗限時發售嘅 「越南小黃牛肉粉系列」，我同朋友嗌左其中一款，匙柄原來係指連住肩胛骨的牛肉，肉質細嫩好滑，仲要牛肉嘅份量唔少；湯底濃郁，河粉好滑，芽菜好清甜爽脆🥥 超載椰青焗飯（$118）佢係用原個椰青上枱，入面裝有焗飯，外面仲淋上滿滿嘅椰奶；第一次食到味道係甜嘅焗飯、好特別；焗飯食材份量十足，有蝦、蜆、魷魚，三色豆同提子乾；蝦肉爽口彈牙，魷魚有嚼勁；鍾意椰奶同海鮮嘅朋友唔可以錯過💚 綠豆冰（$32）綠豆冰出邊比較少見，所以就試下；綠豆份量唔少，而且軟硬適中；椰汁濃淡適中🧉 三色冰（$32）入面有大菜糕，綠豆同馬蹄，大菜糕口感比較似啫喱，馬蹄好爽口，加上香甜嘅椰汁，味道好飲之餘仲帶有唔同嘅嚼勁

同同事們去尖沙咀開會, lunch hour去咗The ONE一間食越南菜, 整體野食味道驚喜好味, 異口同聲bookmark日後會再幫襯。午市有lunch-set供應, 11點左右入座, 時間尚早, 未算多人, 可以順利安排入座。餐廳環境開揚, 地方乾淨企理。我地幾個人order咗all day menu share食。【串燒(3串)】HK$58可自選豬、牛、雞, 我地order了兩豬一牛。每串串燒都keep到juicy肉汁。牛肉惹味, 豬肉有肉嘅彈性唔會好乾身。配上了有花生幼粒嘅沙爹醬, 更提升味道。【煙三文魚米紙卷】HK$48濕濕地嘅米紙卷包住了生菜、薄薄小片嘅煙三文魚同埋大量粉絲, 一咬整個很易散開, 食得狼狽。由於大量沒有調味嘅粉絲平衡下, 令小片煙三文魚味道不太突出, 需要額外點醋調味。【去骨海南雞飯】HK$78 海南雞肉質超鮮嫩, 皮下沒有多餘脂肪, 啖啖肉, 點兩款醬食令味道再次升呢。油飯很有油香, 唔會過於油膩, 飯粒粒粒分明, 推介!  【超載椰青焗飯】HK$103估唔到份量真係咁大!!! 焗飯疊得好高, 再淋上了滿瀉椰漿, 焗飯飯質軟熟, 撈埋椰漿食, 香甜椰香味

終於來到興趣班嘅最後一堂，跟友人決定搵間餐廳慢慢食慶祝下～ 之前食過 Le Viet 嘅旺角分店，對佢印象一直都唔錯☺️青木瓜絲大蝦沙律 $62我跟友人都係青木瓜絲沙律嘅愛好者，見到佢就即刻叫來試下😇 ✨材料好充足，有開邊嘅大蝦🍤、雞肉、青瓜條、花生碎等～ 可惜青木瓜絲略嫌偏粗，不及係外地食嘅青木瓜絲咁幼，但口感都幾清爽～ ✨醬汁係撈檬用嘅魚露酸甜汁，可以自己控制份量呢點唔錯👍🏻 ✨沙律口感清新爽口，酸酸甜甜咁好開胃😆超載椰青焗飯 $103✨焗飯其實係西炒飯底（有粟米粒、青豆、紅蘿蔔、提子乾），再將炒飯放入椰青內，再係表面放上海鮮（主要有大蝦、墨魚仔），最後係表面淋上椰奶等醬汁～ ✨椰香味幾重，醬汁係鹹鹹甜甜（還好不是只有甜味🤣），幾惹味～ ✨可惜海鮮份量唔多，只有表面有海鮮，食到中間至後段都只有炒飯底，又已經冇咩醬汁，味道偏淡😢 ✨可以刮入面嘅椰青肉出來食，幾嫩滑清甜～☺️✨提醒一下，呢個椰青焗飯份量真係超級大份，我跟友人好努力食都食唔哂😭 所以建議多啲人嘅時候先叫呢個焗飯 share 來食～總結，整體食物質素都唔錯，可以一試！😊

睇戲之前係商場搵野食，見到呢間裝修好開放式既法越餐廳，價錢都算抵食，就兩個人二話不說黎醫醫肚。<越式拼盤> （$98）有豬頸肉、越式春卷、扎肉蒸粉包、炸春卷。特別想講下粉包，有啲似勁多料既腸粉。入面餡料包括黑木耳同免治牛肉，加埋胡椒同洋蔥炒起然後用腸粉皮包起。點啲魚露真係口感同味道都超豐富。<越式咖哩牛腩配法包>（$105）有個火爐仔係下面保溫，咖哩汁有濃濃既椰香味，牛腩幾腍身，軟硬度剛好，配上硬身既法包，第一次咁食，好好味。<超載椰青焗飯> （$103）重頭戲係呢個原個椰青載住一大碗焗飯。真係滿到靠椰漿痴住咋，快快打完卡開始食，一畢已經跌緊啲飯落黎。面頭幾足料啊，有魷魚仔、青口、蝦等等。個飯係炒底，同提子乾同肉碎一齊炒，食既時候我地仲畢埋椰青啲野肉出黎一齊食，口感極度豐富，大滿足。不過呢個椰青散熱能力好快，所以大家要趁熱食。

The One 有好多餐廳美食，講到性價比高，就要去「Le Viet」食越南菜，份量多又好食，價錢又實惠，而且繁忙時段都服務周到，座位都坐得舒服。而且做緊Promotion 的越式拼盤 $98，有齊四款小食，份量剛好，可以一次食到四款小食。炸蝦餅有三件，賣相吸引的金黃脆皮，好香脆唔膩，內裡係彈牙蝦肉，厚身有咬感，而且好足料，沾甜酸醬更開胃。豬頸肉好爽口又嫩，燒得都香口，肥肉平均分佈，食落有種化開既脂香。越式春卷超級脆卜卜，內餡係粉絲、豬肉碎、木耳....沾酸辣汁最三，春卷有香茅味，配個汁的魚露幾滋味。扎肉蒸粉包的餡料多到爆，脹卜卜好可愛，粉皮夠薄又通透，多料又惹味，有多重口感味道，仲有扎肉同炸蔥頭碎，又香又脆。串燒 雞、牛、 豬 $52/3串，有得揀3/6串， 我地兩個人分享3串就好抵，又可一次食到三種肉。雞肉較彈牙同嫩，豬肉嫩腍鬆化，牛肉有嚼感同味道濃，沾醬汁好惹味，個醬有花生醉，咸咸地少辣，有果但香，但唔甜既，所以男仔都好鍾意呢個醬。超載椰青焗飯 $98，性價比高的壓軸主角出場，足夠3-4人食的，但味道好之外，價錢仲好抵。個飯好似小山丘咁高，加大量的瀑布椰醬，好吸引啊！有3-4隻蝦

⭐️2018-8-29⭐️ 紅雨☔️《玩味十足之東南亞餐館》❤️🧡💛💚💙整整一個星期太陽伯伯都休假去了，換了我最討厭的雷雨姨姨當值，心情也隨之變得異常地差。雖然如此，也阻擋不了我對美食的追求。下班後便相約好朋友到the one會合。由於雨勢太大，我們選擇了Le Viet 這間好評餐廳享用晚膳。《環境》🍽餐廳的設計很具玩味，以紅黃籃三色作門面，相當搶眼奪目。發光的餐廳招牌更懸掛在當眼位置，離遠都能清晰可見。為了貫徹一致，餐廳內的皮椅也是色彩繽紛的，歡樂感十足。相信食客在這裡用餐一定更有胃口。1.柚子海鮮沙律 ❤️3.5/5泰式沙律當中我最喜歡吃柚子沙律🥗柚子和青木瓜絲都非常新鮮，又脆又甜。它們的酸味成功打開了我的胃口。海鮮方面，八爪魚的味道有點怪，而且海鮮的份量不算多，有待改進🙈2.海鮮炒檬粉 ❤️4.5/5這碟炒檬粉剛來至時，我們仨都嘩言為何賣相如此失色。但一入口，異口同聲說好吃😋果然餸不可貌相。檬粉炒得既彈牙又入味，配上韭菜更野味。海鮮包括鮮蝦，八爪魚和蜆肉，份量足又香口，值得推介的菜式。3.精選拼盤 ❤️2/5拼盤包括了四樣小食，當中有炸蝦餅、豬頸肉、春卷、扎肉蒸粉包。憑心而論，拼盤

今日約咗舊同事去尖沙咀食飯, 大家都在The One 附近就去搵吓有咩啱食! 去到四樓時見到LeViet個招牌咁sharp醒就被吸引咗入去試吓佢哋嘅越南菜! 柚子海鮮沙律 $76 ~ 柚子幾鮮甜, 青木瓜絲好爽口香甜, 海鮮亦好爽口, 再配秘製醬汁味道幾清新開胃越式併盆 $98 ~ 併盆有四款食物都幾抵食炸蝦餅 ~ 炸得幾香脆, 蝦膠爽口彈牙扎肉蒸粉包 ~ 幾大件同幾多餡料, 幾有口感, 味道調較得唔錯好夠味, 凍咗食都好好味春卷 ~ 炸得幾香脆唔油膩豬頸肉 ~ 肉質好Juicy爽口牛油雞翼 $68 ~ 好香牛油蒜蓉味, 外脆肉嫰幾入味超載椰青焗飯 $98 ~ 焗飯係原個椰青的, 椰青面佈滿海鮮甚至椰青外都有海鮮同椰汁, 確是名符其實的超載未食之前以為會好漏, 但食後發覺有驚喜 焗飯好香椰汁味, 好滑, 海鮮爽口彈牙, 一啲都唔膩, 不太喜愛椰汁的我都一路食一路同朋友講呢個焗飯好好味! 小亮推介兩杯飲品甜度恰好, 幾夠椰汁味椰汁綠豆冰 $28 三色冰 $28小亮又多一間有下次嘅餐廳

下班跟朋友約在尖沙咀吃晚飯，在OpenRice 搜到這間吃越南菜的餐廳。平時也愛吃越南菜的我，看著價錢和好評就來了。昨天先訂座，侍應給了個好位置，才拍岀這張好照片。這高高的糯米飯和滿滿的椰漿簡直是打卡必備！味道甜甜的，不太吃甜的人會覺得有點膩。我是覺得還好～兩個人，沒有點很多，就三道菜。下面這個酸辣湯非常好吃，很合我的口味（我很愛吃辣哈哈哈）。除了肉，裏頭還有我愛的菠蘿和蕃茄！這顏色！這色澤！有沒有很吸引！最後一個是串燒，對比上面的有些普通，不過重點是醬汁（我沒拍到），一定要蘸哦，蘸了也很好吃！總括來說，這家真的挺不錯，高質，值得收藏～

講到亞洲嘅菜式可能好多人都忽略咗越南菜 今日就嚟到The One試吓呢個新派越南菜時尚新穎嘅裝修 感覺上都幾舒服～為左試多啲唔同菜式 決定唔食午市套餐 直接係餐牌度散叫<<青木瓜絲鮮蟹肉雞絲沙律>>酸辣醬汁係呢道菜式嘅靈魂 美味又醒胃之餘 亦唔會蓋過雞肉同蟹肉嘅鮮味 整體配搭相當不錯～ 順帶一提 呢道前菜味道唔算辣 所以怕辣嘅朋友 其實都不妨一試！<<超載椰青焗飯>>一嚟到見到成個椰青都裝滿哂，嗰種「超載」嘅感覺好震撼而且食落去每啖都充滿椰香味 而且喺海鮮之中亦都混雜咗啲椰青肉～又邪惡又滋味<<越式火車頭酸辣鍋>>相對之前兩道菜式，呢個感覺上冇乜特別，酸辣湯底配上牛肉牛丸等等嘅配料，但佢最特別嘅係其中一樣配菜竟然係菠蘿！菠蘿提升咗湯底酸辣嘅層次～真係從來都冇諗過用菠蘿黎打邊爐以前對於越南菜只係食湯檬撈檬 但係呢度令我對越南菜大大改觀 惹味又充滿新鮮感～價錢適中，值得推介！

和朋友每月一聚，今晚在尖沙咀搵食，得悉最近有150年一隅的藍月亮月蝕出現。恰巧我們想食越南菜，我們笑說「月食」後去睇月蝕。【牛肉沙律】越南菜的牛肉一向揀得較林身，今次也沒有失望，我們最興趣係見到有蝦片，童年炸蝦片的回憶返晒嚟。生洋蔥和菜絲很新鮮，酸汁剌激味蕾，唔係咁食洋蔥嘅朋友就要注意。【超載椰青焗飯】視覺效果一流，我們見隔離枱食緊，吸引到我們都想食。椰汁味濃，香香甜甜，內有滑滑椰青肉，仲有幾隻蝦，夾得幾好食，而且好香。【蒜蓉炒椰菜苗】比想像中或比其他炒菜細碟，可能椰菜苗成本較貴啦。味道普通，沒有留下太特別印象。【Mojito】不過不失的飲品

今天約了好友聖誕聚餐，然後一起影燈飾！因為最近聖誕都比較忙碌，為了方便起見，大家先約好在尖沙咀等，然後再一起看看吃什麼。朋友説晚飯時段在The One 行過這間店，都看到有人在等位，應該唔錯，於是，我們就選了這店食聖誕聚餐飯😻難怪朋友想試這家店，單看這餐具與餐枱的色調，教人看得舒服之餘，好有家的感覺，令人可以靜下來、坐下來，吃頓稱心滿意的晩飯😻扎肉蒸粉包：粉皮爽滑、餡料脹卜卜，味道很好👍🏻蝦餅：蝦肉彈牙，炸得金黃香脆而不油膩😻超載椰青焗飯：單看相已知道份量十足，這飯有椰肉、蝦、青口、鱿魚、提子乾及什菜，成個飯很好吃。我和朋友還自行加了咖哩汁來吃，真是非常美味😋越式咖哩牛腩鍋：咖喱汁味道香濃，牛腩肉夠軟腍入味，其他配菜如靑椒洋葱也很好吃！法包：只是配咖哩牛腩的法包也絕不欺場，外脆內軟😻👍🏻

於星期五晚位於繁忙地帶的尖沙咀The one 越南菜. 雖然勁多人等位 但 還好我們只係等了一陣就有張4人枱畀我哋3個我哋3個女仔 點咗5樣莱5樣整體都好好食分別叫了開胃 鮮蟹肉青木瓜絲沙律 蟹肉鮮甜木瓜絲爽口 醬汁開胃 醬汁份量還可自己控制多少。鮮蝦米紙卷 鮮蝦彈牙 配上粉絲 口感清新。 超載椰汁焗飯 材料豐富有海鮮 飯香有甜味但很夾 份量十足可惜 還有半打串燒 同埋香茅豬頸肉炒河粉 冇影相 但都好好味。 越南嘢嚟講 呢間質素好最後我哋3個仲食埋自製嘅生日蛋糕 真係好飽好滿足大家下次經過The one諗唔到食乜不妨可以試下

逛逛The one很累，又不想再出商場覓食，所以便隨便看看商場有甚麼選擇。發現這間越南餐廳挺開放式，而且六點多來到已有不少客人，故投下了信心一票。餐廳職員很有禮貌安排座位，送上水和餐牌，還一直保持著笑容，很親切餐廳有小圓桌、有四方桌、也有一排坐的高椅桌，適合不同人數的食客。以越南餐廳來說，食物種類亦算多，當中也有些泰國食品可供選擇。首先上桌的是椒絲炒通菜，蒜香加上辣椒絲使通菜十分香口，也沒有炒得過老，不錯！這個特色拼盤有齊我喜歡吃的小食！我是十分喜歡吃越南春卷的，而這餐廳處理得也很好，外皮脆內裏蔬菜又不會太淋，蘸上特製醬汁更好吃！而燒豬頸肉也是真的烤過的，因為最近吃過不少是沒有燒過的，所以這個燒豬頸肉有驚喜，而且香茅味也很搭，推薦！扎肉蒸粉包的餡料味道很足，也很好味！印式薄餅在還熱騰騰的時候吃是最好吃的，吃下去有很香的牛油味，酥軟得像吃著酥皮湯的酥皮，忍不住吃完再吃這個是椰青超載焗飯，份量十分多，是真的超載內裏有點像焗海鮮飯的配料，有蝦、蜆，八爪魚仔等等，醬料則是椰漿。甜甜的椰漿配上飯，是很新鮮的配搭。吃下去時，還可以刮下椰青肉一齊去，口感更新鮮，也更好味，只是兩人吃有點太多飲品方面，

無懼世事變改，還是越南越愛。每次經過THE ONE都覺得呢間個招牌好搶眼，但又吾知系食咩，友人一講起想食越南菜，一系openrice search就搵到呢間。個樣真心正，啲椰汁漏曬出黎真系不得了，果然冇改錯名，系確確實實咁超載，入面有好多椰汁同埋海鮮如蝦、墨魚仔等等，最特別既系有提仔乾就咁聽落可能覺得好怪，但實際上配埋椰汁飯其實唔會好難食。食完啲飯仲可以刮啲椰肉黎食，不過想講番食到最尾會幾漏。不價$108既精選拼盤呢家做緊推廣價，只售$98，不過都系貴左少少。拼盤有扎肉、春卷、豬頸肉、蝦餅，蝦餅系最好食的，隻味好鮮又脆脆地，春卷也是。其實我唔知左上角嗰隻粉包係咩名堂，不過食落口又幾好食，有碎豬肉、菜等材料。講到越菜，串燒都系吾錯既選擇，豬肉最好食系無庸置疑，濃味但吾會太鹹，口感適中，牛就吾知系咪因爲擺耐左所以比較硬，雞肉都系比較硬，幾款入面只有豬肉系比較值得食。飲品方面，吾想飲平時戈啲飲品既我決定飲三色冰，椰汁味都幾重，不過吾會太甜，like底層仲有勁多椰果同埋綠色粉條，整體黎講都幾好飲。最後黎個越式甜品，我其實幾中意越式既糯米飯芒果好清甜，系最尾戈兩三舊有少少酸，糯米飯系一白一紫，味

以往想起越南菜，就只是檬粉、牛肉河粉或越南春卷等等，但見過LeViet 的精緻越南菜，真是要改觀了！這裡經常出現人龍，所以今晚早點來吃晚飯，六時十五分左右到達，店內都已經有六成入座率，果然名不虛傳！餐單內的食物好吸引，雖然有我熟悉的名字，但也有些特別的：牙車快、超載椰青焗飯…越式拼盤：一次過試勻幾個越式小吃，越式春捲、扎肉蒸粉包、炸蝦餅和炭燒豬頸肉四款。炭燒豬頸肉燒得香脆爽口，一點都不油膩，好味道！扎肉蒸粉包，餡料切得很幼細，應該有肉碎、冬菇…咬一口，粉皮軟熟，味道調和，不錯！春卷的式，可以一口一嚿，連生菜一起吃更fresh 🥗🍤蝦餅炸得酥脆，蝦肉充實。超載椰青焗飯，值得推介，用了肉碎、墨魚仔、蜆肉、雜菜、提子和椰青肉炒飯，上面放了幾隻新鮮大蝦，然後淋了很豐富的椰漿，滿瀉的造型很吸睛，椰香味十足，提子和椰青肉是整個焗飯的焦點，有淋滑有爽脆，味清而微甜，十分愜意！咸檸梳打，清爽怡人三色冰，椰汁內有紅色的、綠色的啫喱，又食又飲甜品拼盤，有法式的焦糖燉蛋、香芒糯米飯和越南綠豆拉椰糕。香芒糯米飯，糯米有黑白兩款，芒果清甜，加上椰漿，一流拉椰糕，是一層綠豆糕一層斑蘭糕相間的千層糕，軟滑清甜，百吃